¹ Khandi Yesu yimililwa na Roho mtakatifu khutsia mushiangalangwe, atushi khuchelitwa na ibilisi. ² Yalekha khulia nafunga khumatukhu arobaini vutukhu na mbasu yaliakhu shindu tawe, nikhali khulituku liukhumalilikha yahulila inzala. ³ Khandi mchelitsi yiitsa namuchelitsa, namuvolela, "niiva uli mwana wa Nyasaye kalukhanyinya majina yaka kave mukati."

⁴ Kandi Yesu yamuchipa namuvolela, "kahandikwa, mundu shianyala khumenya shichila mukati kwonyene vutswa tawe, nikhali mundu alamenya shichila likhuva lirula mumunwa kwa Nyasaye."'

⁵ Kahandi ibilisi yamuvukula namuila mulitaala litakatifu, namuvikha ikulu khulitembeli, ⁶ Namuvolela, niiva uli mwana wa Nyasaye, ruma hasi, shichila kahandikwa, Nyasaye alavolela Tsinjelosi tsietsie tsikhulinti, valakhukumila mumikhono chiavo uvulu khwisikarila shilenje khulichina.

⁷ Khandi Ysu yamuchiba namuvolela, "kahandikwa, wakhachelitsa Nyasaye wo tawe."

⁸ Khandi Ibilisi yamuvukula, namuila khushikulu shirambi, namumanyinya vuruchi vumushivala vwosi nende vhukhumi vwashio ⁹ Namuvolela, "vuruchi yuvu vwosi nziza khukhuha niiva ulaasikamila."

¹⁰ Yesu yamanya namuchipa lekhana ninzi shetani! Shichila kahandikwa, usikamili Nyasaye wonyene nukhumurumishila.

¹¹ Nalwo lwa shetani yamanya namulekha, khandi tsinjelosi tsitsa nitsi.

¹² LwaYesu yahulila yohana avoelwi muchela, yarula natsia kalilaya: ¹³ Khandi yarula nazareti, natsia khumenya kaberanamu, litaala lili injelekha wavakanila nazabuloni nende nafitali. ¹⁴ Kakholekha kario khu makhuva kumuprofeti Isaya yaali yavoola katushi khurweshitswa, ¹⁷ Khurula inyanga yeneyo Yesu yaranga khwilwatsa navoola, "mwikanili shichila vwami vumwikulu vwitsi himbi." ¹⁸ LwaYesu yaali nachendanga khuluchinga lwi Inyanza, yalola Saimoni ulangwangwa Petero nende Andreya amwavo we nivasuva ineti munyanza shichila vaali valuvi. ¹⁹ Yesu yavavolela, "nondi nziza khuvalomba muve valuvi va vandu." ²⁰ Khandi valekha tsineti tsiavo nivamulondi. ²¹ Khandi yisunda imbeli hati nalola Yakobo nende amwavo we Yohana vaana va zebetayo, voosi vaali muliaro nivalomba tsineti tsiavo. Yesu yavalanga, ²² Vamanya valeka liaro na tata wavo nivamulonda.

²³ Yesu yachenda mulusomo lwa kalilaya, niyechitsa mumasinakoki, niyilwatsa makhuva malayi kuvwami vwaNyasaye, nukhuhonyinya malwale tsinganu tsiosi muvandu. ²⁴ Khandi makhuva ka Yesu kalanda mushivala shiosi shia siria: Vandu valera yavo vaali nivalwala malwale tsinganu tsiosi nende yavo vanyakhitswa na matimoni, khandi Yesu yavahonyita voosi ²⁵ Khandi situma shikali shiavandu, shialonda Yesu, vandu khurula Kalilaya, nende Dakapoli, nende Jerusalemu, nende Yudeya, nende vandu vamenya iluveka humuchela kwa yorotani.