¹ Mumatukhu kenako Yohana mbatisi yaranga kwilwatsa mushiangalangwe shili Ivuyahudi, ² Yavolela vandu vikanili, shichila vwami vwaNyasaye vwitsi himbi. ³ Shichila muprofeti Isaya yaali yaprofeta khulondakhana khuye, navoola mwoyo kumundu kuhulilikhane mushangalangwe nikulanjililanga, lombi Injila yuMwami, koloshitsi injila ya tsitsa khuvirilakhu.

⁴ Yohana yaali yayifala inguvu yiliselo li ingamia khandi yaali yayivoha lukhanda lushiselo mushisindi. Khandi shikhulia shieshie shiali tsisichi nende vushi. ⁵ Nalwo lwa vandu khurula Yerusalemi, nende Ivuyaudi, nende tsisomo tsitilana nayorotani. ⁶ Viitsa navabatisa mumuchela kwa Yorotani vandu vaali nivikanili vwoni vwavo ⁷ Nikhali lwa yalola mafarisayo nende masadukayo viitsi khubatiswa, yavavolela, munyi lwivulu lwi inzukha, nivina avachelihitse mwilushe vurima vwa nyasaye vwitsanga. ⁸ Kenyekha mwame matunta karulana nende likanila. ⁹ Khandi mwakhatsilili khukanakana mumioyo chienyu, khuli nende tata weru Abrahamu. Hulili makhuva kavavolela yaka, Nyasaye anyala khuha Abrahamu vaana, khurula khu majina yaka. ¹⁰ Khulwa yako ihaywa imali khuvikhwa hasi hishirina shiumusala: musala kwakhamanga matunda kutsitsa khuremwa, ma kusuvwi mumulilu. ¹¹ Inzi vabatisa mumatsi shichila likanila. Nikhali oyo atsitsa kwitsa i nyuma wanje, alinitsingulu khuvira inzi, khali shindushili khuvala vilaro vievie tawe naye atsitsa khuvabatisa mu Roho mutakatifu nende mumulilu. ¹² Naye ali nulutelu lukhusesa ingano nukhuchivikha mushiachi. Nikhali indakala itsatsa khusambwa mumulilu kwakhatsima tawe.

¹³ Nalwo lwa Yesu yarula Kalilaya niyitsa Yorotani, atushi khubatiswa na Yohana. ¹⁴ Nikhali yohana yambakhana khumubatisa, navoola inzi naye utushili mbatiswe na yive, kachilashi witsa khwinzi? ¹⁵ Nalwo lwa Yesu yamuchiipa namuvolela, "mbuchilila umbatise: shichila ndushili khurweshitsa koosi kenyekhanga," yamanya yamuhuchilila. ¹⁶ Lwa Yesu yali niyakhamala khubatiswa, yarula mumatsi, khandi likulu likukha, nalola Roho wa Nyasaye niyikha khuli shituti, nasinjila khuye. ¹⁷ Khandi isaudi yarula mwikulu nivoola, huyu neye mwana wanje wanayanzizwa naye.