¹ Lwa Yesu yivulwa Mupetselehemu ya vayahudi mumatukhu ka Herote yali nali Mwami, lola, vacheli varula ivukwi nivitsa yerusalemu, ² Nivareva, nihena wu mwana yivulwi ulitsa khuva Mwami wa vayayaudi? Shichila khuloli Ing'ining'ini yeye nako kachila kwitsi khumusikamila. ³ Lwa Mwami Helote yahulilam makhuva kenako, yahenda mwoyo, halala nende vandu vosi vali naye muyerusalemi. ⁴ Naavunjelitsa vimilili va vasalisi nende vekitsi vamalako, narunishitsa niyenya khumanya Kristo yivulwi hena? ⁵ Vamuchiba KRISTO yivulwi Betselehemu yavayaudi; shichila nindio kahandiwa nu Muprofeti,

⁷ Nalwo lwa Herote yalanga Vasitsa mbwivisi navareva nikhuranjila litukhu shina liamwalola Ing'ining'ini. ⁸ Yavaruma Betselehemu, navavolela, tsi mukhave nihena hu Mwana mwenoyo yivulwi; nimunyoli mukalushi khumbolelakhu khali inzi nzi khumusikamilakhu. ⁹ Lwa vaali nivakhahulila makhuva kuMwami, vasimukha nivatsia, khandi Ing'ining'ini ya vaali nivaloli Ivukwi yalolekha niranga khuvimilila nisinjila hamwana yaali niyivulwi. ¹⁰ Lwavalola Ing'ining'ini, vayanza nivava nuvusangali vunyishi. ¹¹ Vinjila munzu nivalola Mwana nende MariamuMama we. Nivamusikamila. ¹² Vikula shikabu nivarulitsa vianwa, Itsahabu, vubani, nende maanemane.

¹³ Lwa vaali nivakhatsia Injelosi yu Mwami yiitsa nilolekha khu Yosefu mumaloro nimuvolela, "vukha vukula Mwana na mama we wilushi utsii Misiri wikhale iweneyo khutukha lwa khuvolela uruliyo. Shichila Herote akhava khwira Mwana." ¹⁴ Yosefu yavkha vutukhu vwenovo navukula Mwana na Mama we nivatsia Misiri. ¹⁵ Yikhala iweneyo khutukha lwa Herode yakhutsa. Makhuva ku Mwami Nyasaye yaali niyavola khuvirila Muprofeti, nalanga Mwana wannje khurula Misiri kamanya karweshitswa.

¹⁶ Herode lwayalola vasitsa vamukati, yitsula vurima vunyishi yaruma vandu vatsii vire vana voosi khuranga khu mihika chivili khukalukha hasi, khuli yaali narunishitsi khuranjila matukhu ka vandu vasitsa vaali nivaloli Ing'ining'ini. ¹⁷ Likhuva liu Muprofeti Yeeremia liamanya liarueshitswa, kuli yali niyavoola, ¹⁹ Lwa Herode yakhutsa lola Injelosi yu Mwami Nyasaye yiitsa numuloleshelaYosefu mumaloro nimuvolela, ²⁰ "Vuka vukula Mwama na Mama we utsii mushivala shia Isiraeli, shichila vamali khukhutsa vandu vakhava Mwana vamwire." ²¹ Lwa Yosefu yavukha yavukula Mwana na Mama we nivakalukha mushivala shia Isiraeli. ²² Lwa Yosefu yahulila Akileosi yamia Ivuyaudi muvwiyangu vwa Tata we Herode, yaria khutsia iweneyo; yamanya natsia mulusomo lwaKalilaya, khuli Nyasaye yaali nimuvolele mumaloro. ²³ Yosefu yatsia khumeyne mulitaala lia Nazareti. Likhuva liumuprofeti yaali niyavola aliitsa khulangwa Munazareti liamanya lialiarueshitswa.