¹ "Khandi vwami vumwikulu vufanana nende vakhana vachima kumi vavukula tsitaha tsiavo nivatsia khulinda musatsa wishiselelo. ² Varanu vaali vasilo na varanu vaali vacheli. ³ Vakhana vaali vasilo vavukula tsitaha tsiavo vuchila makura ⁴ Nikhali vakhana vaali vacheli vachinga makura halala ni tsitaha tsiavo. ⁵ Lwa musatsa ukhola shiselelo yacheleva kwitsa vakhana vachima varanga khurengetsa voosi nivakona tsindolo. ⁶ Nikhali mu vutukhu hakari, khwuali nende khulanjilila nivavola, ruli ilwonyi mwitse mwakanile musatsa ukholanga shiselelo; ⁷ Khandi vakhana vachima vavukha voosi, nivalomba tsitaha tsiavo tsiashe vulayi. ⁸ Vakhana vaali vasilo vasava vakhana vaali vacheli khuikhu makura shichila tsitaha tsieru tsitsimanga.

⁹ "Nikhali vakhana vacheli vavachiipa, makura yaka shikatsitsa khutukha khutsi namunyi tawe, ruli mutsii mwikulili makura munyi vene. ¹⁰ Lwa vaali nivatsili khukula makura musatsa ukhola shiselelo yinjila, khandi yavo vaali nivali tayari vatsia naye mushiselelo. Khandi muliango nikufungwa.

¹¹ "Nalwo lwa vakhana vaali vasilo viitsa nivaranga khulanga nivavoola, Mwami, Mwami, khwikulile.

¹² "Nalwo lwa Mwami yavakeya navavolela, kilikali vamanyi tawe. ¹³ Khulwa yako, muvameso mulindi, shichila shimanyi litukhu inoho isaa tawe.

¹⁴ Khandi vwami vumwikulu vufanana nu Mundu yaali narulanga khutsia mushivala shindi. Yamanya nalanga varumishi ve navakavulila imaali ye. ¹⁵ Mulala yahelwa tsitalanda tsiranu, nawundi yaelwa tsivili, na wundi yaelwa italanda indala. Shiamulala yaelwa khulondokhana khu vunyali vwuevwue, khandi mundoyo yamanya narula natsia mushivala shiluonyi. ¹⁶ Khandi oyo yaali navukuli tsitalanda tsiranu yatsia khukholela miyinzi, niyivula tsitalanta zindi tsiranu. ¹⁷ Khandi wundi wakhavili yakholela miyinzi niyivula tsitalanda tsindi tsivili. ¹⁸ Nikhali oyo yaali nahelelwi italanda indala yatsia nalima vwina nayevela mang'ondo ka mwami we yaali namuele. ¹⁹ Matukhu nikakhavira Mwami wavarumishi yiitsa khuvukana navo. ²⁰ Khulwa yako oyo yali nanyooli tsitalanda tsiranu, yateselakhu tsindi tsiranu, navoola Mwami, wamba tsitalanda tsiranu; henza nderelekhu vukhala tsitalanda tsindi tsiranu.

²¹ Mwami wewe yamuvolela, ukholi vulayi uli murumishi wasuvilwa mulayi; uvele wukhusuvililwa muvindu vititi nakhukhola khuva mwilili wivindu vinyishi; injila nuvuyanzi vumwami wowo.

²² Kandi oyo yaali ntsitalanda tsivili yiitsa navoola, Mwami, wanba titalanda tsivili, henza, nderelekhu tsindi tsivili.

²³ Mwami wewe yamanya namuvolela, ukholi vulayi murumishi musuvilwa; shichila uvele musuvulfu khuvindu vititi, nakhukhola uve mwimilili wivindu vinyishi; yinjila muvuyanzi vumwami.

²⁴ Khaandi oyo yaali niyaelwa italada indala yiitsa navoola Mwami, namanya uli mundu mitinyu khandi uvuna wawakharaka, khandi uvunanga hawakhamitsa vukutsa; ²⁵ Nali nuvurii namanya natsia khuvisa ishinji yoyo mumalova; lola isilinji yo khukalushitsili.

²⁶ Mwami we yamuchiipa khandi namuvolela, ulimundu mutamanu khandi mundu mukara, yive wamanya njesa wanakharaka khandi wamanya njesa wanakhamitsa; ²⁷ Khulwayako wakhavukuli ishilinji yanje khuila mubenji lwa mba nimbukul anakhanyolelekhu vukhala. ²⁸ Vukula ishilinji eyo khurula khuye uhe oyo uli nitsishilinji kumi. ²⁹ Oyo uli nashio alametwa makhandi ave naviombunyishi; khandi oyo uvula khali shiti shiali nashio shilavukulwa shielwi uli navio. ³⁰ Vukula murumishi ukhali nuvukhonyioyo, musiuvi ilwonyi mushisundi wa vandu valitsa khilila nukhwikhula.

³¹ Lwamwana wa Adamu alitsa muvukhumi vwuevwue, khandi nitsinjelosi tsindakatifu, alitsa khwikhala khushisoko shie siuvukhumi. ³² Kandi vivala viosi viliitsa imbeli wewe, khandi alaula vandu ve khuli mwayi yaukhanyinga makondi nitsimbuli. ³³ Khandi alavukula makondi khumukhono kwuekwe mulunji natsimbuli khumukhono mukhali. ³⁴ Khandi Mwami alavolela yavo vali khumukhono mustsa, hambi, munyi mwakasitswa na tata wanje, munyoole vwami wa tata yavalomela khurula shivala nishilombwa; ³⁵ Nali ninzala mwamba shiukhulia nali nuvuluhu mwambashiukhung'wa, nali mucheni mwanzinjilitsa ³⁶ Nali shiekenye mwavuala; nali mulwale nimwitsa khungonya; khandi nali muchela mwitsa khngonya; ³⁷ Nalwo lwa vatakatifu vatsitsa khumuchiipa nivavola, kwakhulola nyingashina nukhukhua shiukhulia? Inoho nuli nuvuluhu khwakhua shiukhung'wa? ³⁸ Khandi khwakhulola njelishina nuli mucheni nikhukhwinjita? Inoho nulisiechenye nikhukhuvala? ³⁹ Inoho khwakhulola nuli mulwale inoho muchela khwakhukonya?

⁴⁰ Khandi Mwami alavachiipa navavolela, kilikali muvolela, kamwakholela mulala khuvamwiru mwakholela inzi. ⁴¹ Khandi navolelela yavo vali khumukhono mukhali ruli khuinzi, munyi vamwalamwa mutsii mumulilu kumihikanimihika, kwalombelwa shetani nitsinjelosi tsietsie; ⁴² Shichila nili ninzala mwambakhu shiukhulia tawe; khandi nali nivuluhu mwambakhu matsi tawe; ⁴³ Nali mucheni shimwanzinji Nalishiekenye shimwafuala tawe, mulwale, muchela shimwangonya tawe.

⁴⁴ Navo khandi vamuchiipa nivavoola, Mwami, kwakhulola nyinga shina nuli ninzala inoho nuli nuvuluhu, inoho nuli mcheni, inoho nuli shiekenye, inoho nuli mulwale, inoho nuli mcheela, makhwavula khukhurumishila?

⁴⁵ Naye alavachiipa, kilikali vavolelakhuli mwavula khukholela mulala khuvatiti vanje yava nindio khandi mwakholela inzi. ⁴⁶ Valitsa khusalilitswa khutsia mumulilu kumihika nimihika; navutswa vakhola vulunji valitsakhutsia muvulamu vumihika nimihioka.