¹ Yesu yarulamulitembeli lwa yaali natsitsanga, veechi ve viitsa nivamumanyinya mumbakho kulitembeli khuli kumbakwa vuleyi. ² Nikhali Yesu yavachiipa, navavolela, miumbakho chia mulola yichi chiosi livulakhuo lichina litsitsa khurikala ikuli wilichina lindi.

³ Kandi niyakhikhala khushikulu shiamisayituni, veechi ve viiitsa khuye, nivenyanga khumanya, nivamureva khuvolele vindu yivi vitse vikholeshe njelishina, khandi nivilolesitso shina vimanyinya uli himbi kwitsa khandi ni litukhushina lishiheli?

⁴ Khandi Yesu yavachiipa navavolela, mundu akhamukatakhutawe. ⁵ Vandu vanyishi valitsa khilira lianje nivolanga ninzi kristo; navo valakaata vandu vanyishi. ⁶ Mulahulila lisiomelana lia mahee; henzi mukhachenyelimu tawe, shichila vidu yivi viosi vienyekha viviri, navutswa shiheli shilava shishili ⁷ Luyia lulitsa khulwana nende luyialundi, khandi vwami vulitsa khulwana nende vwami vundi, khandi khulava ninzala nende vulwale nende litechela lishivala shia havundu hosi. ⁸ Vindu yivi viosi vilava khuli liranga li isalilu. ⁹ Khandi valamukumila nukhumukhuvitsa shivi, khandi nukhumwira, khandi mulaimwa nitsimbia tsiosi shichila lira lianje. ¹⁰ Vandu vanyishi valakoselwa nukhutsamana vene khu vene, nukhuhimana. ¹¹ Khandi vaprofeti vuvuveyi vanyishi valitsa, navo valakata vanyishi. ¹² Khandi shichila vavowa mu vwuoni, vuyanzi vwavandu vanyishi shivulavaotawe. ¹³ Navutwa oyo wikhutsila khutukha mulimalilikha alahona. ¹⁴ Khandi ivanjeli ililwatswa mulilova liosi khuva vushaidi, mushivala nalwo lwa shiheli shitukha.

¹⁵ Lwa mulilola shindu shitamanu shiukhuchenyinya khuli kaprofetwa na Danieli, nikasinjili hatakatifu. {Oyo usomanga lekha ahulili} ¹⁶ Lekha yavo vali ivuyaudi vilushili mushikulu; ¹⁷ khandi yavio vili ikulu winzu avuli khukhasa khuvula shindu shindu shiosi shili munnzu, ¹⁸ Khandi oyo uli mushikuri yakhakalukha khuvukula tsinguvu tsietsie tawe. ¹⁹ Oh vulitsa khuva vutinyu khu vakhali vaelitsa nende vanuninyanga. ²⁰ Musaale litukhu yelo lilivula khuva mumatukhu kuvushindu inoho litukhu lilisitsa. ²¹ Mumatukhu yako kwitse khuve nu vutinyu vushili khuvakhuo khurula muliranga lishivala, khandi shivulivakhuo vurio tawe. ²² Khandi niiva matukhu kenako kalavula khwimbihitswa, avulao mundu anyala khuhona navutswa shichila vatakatifu matukhu kalimbihitswa. ²³ Khandi niiva mundu alavavolelaYesu yitsi havundu vulani mwakhasuvilikhu tawe. ²⁴ Khandi yavo vilanga krisito vuvuveyi nende vaprofeti vuvuveyi valarulila navo valakhola vindu viukhuchenyinya vinyishi, vatushi khukoritsa vandu nikanyalikha yavo vatakatifu. ²⁵ Henzi mulole mali khuvachelehitsa. ²⁶ Khulwa yako niiva valavavolela avele mushangalanhwi; mwakhatsiyo tawe; henza, avele munzu yivisi mwakhasuvili tawe. ²⁷ Khandi khuli vulavu vurula ivukwi, nuvung'eleng; khutukha imbo; nindio khandi mulitsa lia mwana wa Atamu. ²⁸ Hamuvili kushindu shiakhutsa kuli naho hamakhokho kavukanilanga.

²⁹ Vutinyu nivwakhavua liuva lilava shisundi khandi mwli shikulalera vulafu tawe. Khandi tsing'ining'ni tsilakwa khurula mwikulu khandi likulu lilatechela. ³⁰ Khandi nalwo lwa viloleshitso via mwana wa Atamu vitsitsa khulolekha mwikulu khandi tsimbia tsiosi tsililova valikhula, khandi valalola mwana wa Atamu niyitsanga mumalesi kumwikulu nitsingulu nende vukhumi ³¹ Khandi alaruma tsinjelosi tsietsie nende mwoyo mukali kushisiliva, khandi alalera halala varovole veve, khurula mutsikona tsinne tsililova.

³² Kenyekha mwechekhu shindu khumasambu ku musaala. Lwa masambu kakalukhananga mumanyanga lichesa lili himbi. ³³ Khandi nindio lwamulola vindu yivi viusi nivikholekhanga, mumanye ndi himbi khumuliango. ³⁴ Kilikali vavolelanga, lwivulu yulu shilutsitsa khuvirakhu tawe, khutukha yaka koosi lwa katsitsa khurweshitswa. ³⁵ Likulu nende lilova vilitsa khuvira nikhali likhuva lianje shitsitsa khuvira tawe. ³⁶ Nikhali khulondokhana litukhu lianzitsa khwitsa inoho isaa avulao mundu wuso amanyikhu tawe, khali tsinjelosi, khali mwana, navutswa tata wonyene. ³⁷ Khandi khuli kaali matukhu ka Nuhu, khandi nindio kalitsa khuva liitsa lia mwana wa Atamu. ³⁸ Mumatukhu kenako lwa matsi kaali nikashi khwitsa khwelema mushivala vandu viyanzitsa nivalia khandi nivang'wa, nivaila khandi nivahanilana vukhwu, vakhola vario khutukha lwa Nuhu yinjila muliaro. ³⁹ Khandi vamanyakhu shindu shiosi tawe, khutukhalwa lwa matsi kitsa nikavamala, khandi nindio kitse kave liitsa lia mwana wa Atamu. ⁴⁰ Khandi vandu vavili valava nivali mumulimi mundu mulala alavukulwa, na hundi alarikala. ⁴¹ Khandi vakhali vavili valava nivali muluchina nivasietsanga, mulala alavukulwa na hundi alarikala. ⁴² Khulwa yako muve miheso shichila shimumanyi litukhu liu mwami wenyu atsitsa khwitsatawe. ⁴³ Nikhali mwenyekha mumanye yaka, mundu mulayi wiyinzu yeye yakhamanyi inyanga ya shihuvi shitsanga, yakhahenzishitse, inzu yeye ivuli khubomolwa. ⁴⁴ Khulwa yako, mwenyakha muve virecheshe, shichila mwana wa Atamu alitsa isaa ya mwakhamanyi tawe.

⁴⁵ Nivina uli musuvulwa khandi murumishi mucheli wa mwami wewe anyala khumulomba khuva murumsili wukhusinjilila miandu chi inzu yeye shikhulia khu inyinga yenyekhanga? ⁴⁶ Wakasitswa muhinzili oyo lwa mwami alitsa alinyola nakholanga ario. ⁴⁷ Kilikali vavolelanga alamulomba khuva mukali wu khusinjilila miandu chiechie. ⁴⁸ Navutswa oyo murumishili mutamanu alalola mumwoyo kwuekwue mwami shiayanzitswi nende litsa lielie tawe; ⁴⁹ Khandi alaranga khushendeshela vayinzili veshie. Makhandi aranje khulia nukhung'wa navatandi ⁵⁰ Namwami wumurumishi alitsa isaa yakhamwirecheshele. ⁵¹ Khandi Mwami we alamurema vipande vivili nukhumura halala. Nukhumuvikha halala nende vandu vakhali valunji nalwo lwa khutsitsa khuva nukhila nukhutekeyetsa mino.