¹ Khandi Yesu yalomoloma navo mutsingano navoola, ² "vwami vumwikulu vufanana numwami mulala, yalombela mwanawe shiselelo. ³ Yaruma murumishi we atsii khulanga yavo vaali nivalangwa mushiselelo, nikhali vambakhana khwitsa. ⁴ Mwami yamanya naruma varumisihi ve vandi vatsii khuvolela yavo vaali nivalanjilwi mushihelelo, hambi khali tsing'ombe tsisinzilwi, vindu viosi virecheshe. Hambi mushiselelo."' ⁵ Nikhali vandu valangwa mushiselelo vachaya makhuva ka varumishi vumwami, khandi mulala yatsia mumulimikwe khukhola miyinzi chie, nawundi yatsia khukhola viashara vie. ⁶ Vandi vaali nivarikale vakumila varumishi vumwami nivavakhola makhuva matamanu nivavira. ⁷ Mwami yamanya nava nuvurima, naruma macheshi keke nikatsia khumala vandu yavo nukhusamba litaala liavo. ⁸ Mwami yamaya navolela varumishi ve shishelelo shivele tayari nikhali kwalanga vandu vakhatushili mushiselelo. ⁹ Khulwa yako varumanga mutsii watsinjila tsiakanilanga, mulanje vandu voosi vamuva nimunyooli vitse muvucheni vu shiselelo. ¹⁰ Varumishi vamanya vatsia witsinjila tsiakanilanga nivalanga vandu valayi khuvatamanu. Vamanya nivitsa nivitsula munzu yavali nivakholelamu shiselelo. ¹¹ Nikhali Mwami lwayinjila munzu yavaali nivakholelamu shiselelo, niyenya khulola vandu vaali nivitsi, yalola mundu mulala shiyaali navuala inguvu yishiselelo tawe. ¹² Nalwo lwaMwami yamureva mulina unyolekhaneuri munu vuchila inguvu yishiselelo? Nikhali munduoyo yaonjela vutswa. ¹³ Nalwo lwa Mwami yavolela varumishi ve, muvukuli mumuvoe mikhono nivilenje, mumusuve ilwonyi mushisundi, nalwo lwa khutsitsa khuva lilila nende khutekeyitsa mino. ¹⁴ Khulwayako, valangwa nivanyishi nikhali varovolwa nivati."

¹⁵ Nalwo lwa mafarisayo varula nivatsia khupanga khuli vanyala khumukumila khuvirila khumakhuva keke. ¹⁶ Varuma veechi vavo nende maherodia viitsa khu Yesu nivamuvolela "mwekitsi kwamanya ulimundu mulunji, khandi wekitsanga tsinjila tsia Nyasaye khuli khenyekhanga, khandi shiuritsakhu vunyali vumundu wosi tawe, khandi shiuli mundu wukhuyanzilila vandu valala navandi uvaleche tawe. ¹⁷ Khulwayako khwuenya ukhuvolele khukhurevanga? Nivulayi khurulitsa vushuru khukaisari inoho tawe?"

¹⁸ Nikhali Yesu yamanya makhuva matamanu kavaali nivapanji kulondokhana khuye navavolela "kachlashi mwitsi khunjelitsa munyi vaandu vakaati? ¹⁹ Manyinyi ishilinji yamurunga vushuru." Vamanya nivamua ishilinji yeneyo. ²⁰ Yesu yamanya navareva, shivanani shili khushilinji nende mira kalikhu nikavi?

²¹ Vamamya vamuchiipa nishiakasari. Nalwo lwa Yesu yavavolela muane khukaisari vindu viakaisari, khandi muane khu Nyasaye vindu via Nyasaye. ²² Lwa vahulila makhuva kenako vachenya. Vamanya valekha Yesu nivatsia.

²³ Litukhu lienelo, masatukayo vavolanga lisimukha lifulao, viitsa khuye nivamureva, ²⁴ Nivavoola "mwekitsi, Musa yaali yavola mundu navele nahili mukhali ma a khutsi niyakhivulakhuye mwana, kenyakha amwavo we avukhuli mukhali oyo yivulu vaana khulomba lwivulu lwa amwavo we khutsilila. ²⁵ Khulwa yako khwalio nende vanavayayi vumundu saba. Wukhuranga yahila nakhutsa nashili khuvaku numwana, muyayi amulondanga yamaya yavukula mukhali mwenoyo. ²⁶ Khandi yamaya yakhutsa vucila mwana, khandi wakhavaka khutukha khu wasaba, kaali malala mele. ²⁷ Voosi saba nivakhamala khukhutsa, khandi mukhali oyo yamanya yakhutsa. ²⁸ Sasa lwa viitse visimuse, mukhali oyo yiitse ave mukhali wavi? Shichila voosi vaali vaila mukhalioyo."

²⁹ Nikhali Yesu yavachiipa navavolela, muvula limanya shichila shimumanyi shiamahandiko kavoolanga khandi shimumanyikhu vunyali vwa Nyasaye tawe. ³⁰ Shichila lwa vaandu viitse visimuse, khuila inoho kutsia lukhali shikwitse khuveo tawe. Viitsa khuva khuli tsinjelosi mwikulu. ³¹ Khandi khulondokhana khumakhuva kilisimukha, mushili khusomakhu khuli nyasaye yaali niyavoola, ³² Ninzi Nyasaye wa Abrahamu, naYakobo, na Isaka? Nyasaye shiali Nyasaye wavakhutsa tawe, ni Ninyasaye wavandu vali mwoyo. ³³ Lwa shituma shiavandu vaali nivivunjelitsi vahulila makhuva yaka vachenya.

³⁴ Lwa mafarisayo vahulila Yesu ahonjelitsi masatukayo, viitsa nivahambana halala ³⁵ Mulala khuvo mwekitsi wamalako yiitsa khumuchelitsa navoola. ³⁶ "Mwekitsi mumalako koosi nililako shina lili likali mukoosi?"

³⁷ Yesu yamuchiipa namuvolela uyanze Nyasaye wo numwoyo kwo kwosi, nende Roho yoyo yosi, nende tsinganakani tsio tsiosi. ³⁸ Yili nalilio lilako likali khandi liukhuranga. ³⁹ Khandi lilako liakhavili lifanana nilenelo uyanze murende wo khuli wiyanza. ⁴⁰ Malako kandi koosi ka Musa nende mekitso kavaprofeti karulana khu malako kavili yaka."

⁴¹ Khandi lwa mafarisayo vaali nivivunjelitsi halala, Yesu yavareva. ⁴² Navavolela mukanakana Kristo nimwana wavi? Vamanya vamuchiipa nimwana waDaudi.

⁴³ Yesu yamanya navareva "kanyolekha karina Daudi naali muroho, ananga Mwami, ⁴⁵ Niiva Daudi alanga Kristo Mwami; kanyolekha karina Kristo khuva mwana we? ⁴⁶ Mundu yanyolekhakhu khali mulala wukhuchiipa tawe, khandi khurula litukhu yelo shivarevakhu khandi lirevo tawe.