¹ Vwami vumwikulu vufwananyinywa khuli mundu arula hango mavwevwe khukhava vahinzili, vahinzili mumulimi kwekwe kwa matunda. ² Lwayamala khuhulishitsana nende vahinzili shavarunga shalitukhu, yamanya navaruma mumulimi kwa matunda tsana. ³ Yasimukha saa tatu nanyola vandi khusokoni nivakhakholanga ikasi. ⁴ Yavavolela, "khali munyi tsikhandi musamuli mumulimi navalipa vulayi" vasimukha nivatsia. ⁵ Yamanya narula saa sita nende saa tisa navavolela alavalipa vulayi. ⁶ Saa kumi na moja, narula nanyola vandi vasinjili vutswa vavula shiavakholanga. "Musinjili murina yaha litukhu liosi numuvula shiamukholanga?"

⁷ Vamuchipa, "khuvulakhu mundu unyala khukhuha ikasi" yamanya navavolela, "khali munyi samuli mumulimi mulanyola mirungu milayi" ⁸ lwa khulukolovo kwatukha, mwene mulimi yavolela musinjilili, "langa vahinzili, vahe mirungu chiavo vulayi khurula khu wukhumwisho" nende wukhuranga.

⁹ Lwavitsa, vosi khali yavo vasamula saa kumi na moja vanyola mirungu shilala. ¹⁰ Navutswa vukhuranga khusamula mavwevwe valola vakhanyolikhu mirungu chiavo hikulu lakini vosi varungwa shilala. ¹¹ Lwa vaali nivakhanyoola valalamika khu mundu mwene yinzu. ¹² Vasamuli isaa indala, mavavarunji mirungu shilala nakhutsi vakhuhinzilitsi mbasu kwosi.

¹³ Navutswa yachiipa mulala wavo, navoola mulina, shimukosele tawe, shikhuhulishitsane mirung?" ¹⁴ Vukula mirungu cha khwahulishitsane mamutsi, khali vu mwisho khwaulishitsana ndio." ¹⁵ Shinyala khukhola kandolanga namalayi khuyinzi? Tsimoni tsianje nitsindamanu shichila ndi mulayi?" ¹⁶ Khulwayako vukhuranga valava vukhumalilika na vukhumalilikha valava vukhuranga, vanyishi valangwa lakini vati navo varovolwa.

¹⁷ Yesu natsitsanga muyerusalemi yavukula veechi ve likhomi na vavili khunjila yavavolela, ¹⁸ "Henzi khutsitsa yerusalemi, na mwana wa atamu alatsamwa alavikwa mumikhono cha vimilili vasalisi nende vekitsi vamalako, navo vatsitsa khumukhalachila likhutsa" ¹⁹ navo valamuhila khu vandu vitsimbia tsindi vamukholele shihenyehenye nende khumuvamba, malitukhu liakhavaka alisimukha.

²⁰ Mama wa vaana va sevetayo viitsa khu yesu namusikamila namureva amukholele shindu khurula khuye. ²¹ Yesu yamanya namureva, "nishina shuwenyanga khukholele?" Naye namuvolela nenyanga vana vanje vavili yava uvahuchilili muala yikhale khumukhono kwokwo mulunji na wundi yikhale khumukhono mukata kwokwo muvwami vwovwo vumwikulu.

²² Navutswa yesu yamuchiipa namuvolela "umanyi shia urevanga tawe. Ulanyala khungw'ela mushikombe shianzitsa khungw'ela mu, nukhupatiswa mushipatiso shianzitsa khupatisilwamu?" Vamanya nivachipa khulanyala.

²³ Yavachipa "ndio", munyala khungw'ela mushikombe khandi mupatiswi mulipatiswa lianje, navutswa khwikhala khumukhono mulunji nende mukata ni tata wanje nyasaye naye uli nende vunyali khuvarovole veve. ²⁴ Khandi lwa veechi vandi kumi vahulila livola yili shivayanza vana vavili yavo tawe. (Yakobo nende yohana) ²⁵ navutswa yesu yavalanga navoola, "mumanye vimilili vumushivala vavimilila mutsingulu khandi vandu vali nuvunyali vavimilila mutsingulu." ²⁶ Navutswa shikalava kario khumunyi tawe; mundu wosi yenya khuva mukali mumunyi kenyekha ave murumishi wenyu." ²⁷ Khandi oyo yenya khuva wukhuranga khumunyi yenyekhanga ave murumishi wenyu" ²⁸ Khandi nindio mwana wa adamu shiyitsa khurumishilwa tawe, navutswa khurumikha nu khurulitsa livamwoyo lielie lihonyinye vandu vanyishi.

²⁹ Khandi lwavarula yeeriko shituma shikali shiavandu vamulonda. ³⁰ Khandi henza, vavekhu vavili vaali vikhale khunjila lwavahulila yesu aviranga valanjilila ikulu nivavola, "ukhuvele tsimbavasi mwami mwana wa daudi." ³¹ Shituma shiavakondeshela vahonjele, navutswa valila ikulu muno "ukhuvelele tsimbavasi mwami mwana wa daudi" ³² yesu yasinjila, navalanga, navareva "mwenyanga mukholele shina?

³³ Vamuchipa nivamuvolela, "mwami, tsimoni tsieru khwuenya tsilole." ³⁴ Yesu yavavelela natila khutsimoni tsiavo noho noho nivaranga khulola, nivalonda yesu.