¹ Khandi lwa yesu yamala khuvola makhuva yako yamanya narula Galilaya, natsia khuluveka lwa yudeya khu lichinga lumuchela kwa yorotani. ² Vituma viavandu vinyishi viamulonda, navahonyinya iwene yeyo.

³ Mafarisayo viitsa khuye, nivamuchelitsa "lilako liho mundu musatsa akhunje mukhali wewe vuchila shivuni?"

⁴ Yamanya navachipa navavolela, "shumwasomakhu tawe muliranga Nyasaye yalomba musatsa nende mukhali. ⁵ Navoola, "kalava musatsa alalekha tata we na mama we na alahambana numukhali wewe na vavili valava muvili mulala." ⁶ Khulwa yako shivali vavili tawe navutswa ni muvili mulala vandu vanyasaye yunganyinya mundu akhaukhanya tawe" ⁷ vamuvolela shichila shina musa navola musatsa are muvuhandichi ibarua yukhwahukhana, mavalekhane.

⁸ Yavavolela shichila mioyo chienyu mitinyu, musa yikhutsilanga navola munyala khukhunga vakhali venyu, navutswa shikali kario muliranga tawe. ⁹ Navutswa mbolela munyi, mundu wosi ukhungakhu mukhali wewe, nikhali vuheyi, nahila wundi alava nakholanga vuheyi.

¹⁰ Nalwo lwa vechi ve vamuvolela, niva kalava kario, khumusatsa kave kario khumukhali nuvulayi khuvula khuhila.

¹¹ Navutswa yavavolela, shivali voosi vanyala khunyoola livola yili, nikhali nikhu oyo uhelelwi. ¹² Shichila khuvele nende vitsili, vivulwa vario khurula munda mwa mama wewe; khandi khuvele nende vitsili vindi valombwa vario navandu, khuli navandi vilomba vene khuva vitsili shichili lienya liuvwami vu mwikulu oyo unyala khwenya khunyoola, lekha anyoole.

¹³ Vamanya nivalera khuye vana vatii avarelekhu mukhono nukhuvakasitsa; nikhali veechi vavakondeshela. ¹⁴ Navutswa yesu yavavolela leshi vana vati viitse kwinzi mukhavakayi tawe shichila vwami vumwikulu nivwavo. ¹⁵ Yesu ya vilakhu mukhono khuvo navakasitsa, nivatsia.

¹⁶ Mundu mulala yiitsa khusu navoola "mwekitsi mulayi, nyala khukhola shina shilayi nyole vulamu vumihika nimihika?"

¹⁷ Nalwo lwa Yesu "yamuvolela kachila shina unanga yinzi mulayi?" Shialiho numulayi, nikhali mulala wonyene naye ni Nyasaye; nikhali nuwenya khwinjila muvulamu vumihika nimihika ulonde malako.

¹⁸ Yamureva ni malako shina?" Yesu navola ukhira, ukhaheya, ukhahuva uvuli khukhola vushahiti vuvuveyi." ¹⁹ Uri tata wowo, uyanze murende wowo khuli ivi mwene.

²⁰ Mwana muyayi woyo yamuvolela, kosi kario nakumila khuranga nindi muyayi khutukha nunu; nishina shindi shambula?"

²¹ Yesu yamuvolela nuwenyanga uve vulayi, tsya ukulanyinyi via uli navio uhe vatakha, nayivi ulava nelivishilu mwikulu; mawitsi unonde." ²² Navutswa lwa mwana muyayi woyo yahulila livola yelo, yamanya narulaho na velele, shichila yali mutachili muno.

²³ Yesu yavolela veechi veve, katoto muvolela, nivutinyu muhinda khwinjila muvwami vumwikulu. ²⁴ Khandi muvolela, nuvutoro ingamia khuvira munduhu yisindani khuvira mutachili khwinjila muvwami vwa nyasaye."

²⁵ Lwa vechi veve vahulila livola yili, vali nuvuchenyi vukali, nivarevana khu vina unyala khu khuhona?"

²⁶ Nikhali yesu yavaenza, navavoola, "khuvundu shikanyalikha tawe, navutswa khu nyasaye vindu vyosi vinyalikha.

²⁷ Pita yamureva, "lola khwalekha vindu viosi ma khwakhulonda, nukhunyole shina?"

²⁸ Yesu yavoola kilikali, "vavolelanga, munyi va munonda, mushivala shiyia lwa mwana wa Atamu alikhala khushisoko shuvwami muvukhumi, munyi vamunondanga mulikhala khuvisoko likhomi na vivili mu vwami, khukhalachila tsihili kumi na mbili tsia isiraeli. ²⁹ Khandi mundu wosi walekha inzu, noho vamwavo, noho vambotso, noho tata, noho mama noho mukhali, noho vana, noho mulimi, shichila lira lianje alitsa khunyola muvunyishi mara miakhandi ulanyoola vulamu vu mihika ni mihika. ³⁰ Nikhali vandu vanyishi vukhuranga valava vukhumalilikha, na vukhumalilikha valava vukhuranga.