¹ Inyanga yeneyo, veechi vitsa khu yesu nivamureva nivina ali mukali muvwami vu mwikulu.

² Yesu yamanya nalanga mwana mutii niyitsa khuye nasinjila hakari havo. ³ Navavolela, muvolela kilikali, numukhakalukhana mwava khuli vana vatii, yava shimutsitsa khwinjila muvwami vu mwikulu tawe. ⁴ Khulwa yako mundu wosi atsitsa kwicheyits nukhuva khuli mwana mutititi huyu, mundu mwene woyo naye mukali mu vwami vu mwikulu. ⁵ Mundu wosi winjilitsa mwana mutii lukanu yulu avetsa ni yinjilitsi inzi. ⁶ Navutswa oyo utsitsa khukosela mulala khu oyo mutititi usuvilanga vwakhavele vulayi mundu oyo avowi mwing'ori lchina liavasielelakhu masiuvwi munyanza.

⁷ Nivutinyu, mulilova shichila visikarilitso! Khandi vindu viavandu vanyala kwisikarilakhu shivinyala khuvula khuvao tawe, navutswa alikhuvutinyu mundu ulombanga visikaritso khuvao! ⁸ Niva mukhono noho shilenje vilakhwinjilitsa muvwoni, khalaka viruli khuyivi. Nuvulayi winjili muvulamu vwemihika nuli numukhono mulala noho shilenje shilala khuvira khutsia mumulilu kwemihika namakhono kavili nende vilenje vivili. ⁹ Niiva imoni yoyo ilakhukoritsa, rulitsa iruli khuyivi nuvulayi unyole vulamu vwiliva mwoyo khuvira khuva nitsimoni tsivili matsikhuhili mushiatisi. ¹⁰ Muchelitsi khuli munyala muvuli khulechelitsakhu yavo vali vatititi tawe. Shichila muvolelanga, matukhu koosi tsinjelosi tsiavo mwikulu vasinjilanga imbeli wa tata wanje. ¹¹ Khulwa yako Mwana wu mundu yitsa khuhonyinya vakora. ¹² Unyala khukanakana uri? Niva mundu uvele nende makondi mia mocha, malilala likore shalamanyanga alekha makondi tisayini na tisa matsia anina mushikulu khukhava liakora. ¹³ Muvolelanga nalinyoli amanyanga ayanza sana khuvira khali tisaini natisa kakhali nikakori. ¹⁴ Khali ndio shilili lienya lia tata uli mwikulu khali khuvatiti yava mulala ativi tawe.

¹⁵ Niiva amwvo wo alakhukosela, tsia khuye umuvolele makoso keke numuli vonyene vavili, niiva aliyema makoso keke, ulava umukhonyi. ¹⁶ Nakhahulila tawe, vukula mundu mulala noho vavili mutsi khuye, mulivola lia vandu vandi vavili noho vavaka kilikali kalalolekha. ¹⁷ Niiva alambakhana khuvahulishitsa, kamanya kahilwi khulikanisa. Niiva alambakhana kikanisa imuvolela, mulelekhane naye ave vutswa manya mundu urula mutsimbia tsindi noho musololi uvushuru. ¹⁸ Vavolela kilikali, shia shindu shiosi shiamutsitsa khuvoa hasi hanu shilavohwa khandi mwikulu, khandi shindu shiosi shiamuvoholola hasi hanu mulilova shilavohololwa mwikulu. ¹⁹ Khandi muvolela ndi, vavili khumunyi niva valahulishitsana khushindu shiosi mulilova, shiosi shiavareva shilahuchililwa nukhuvakholela na tata wanje uli mwikulu. ²⁰ Havavili noho vavaka vavukanila mulira lianje, havundu hene yaho mbetsanga hakari havo.

²¹ Petro yamanya namureva, "mwami, amwavo wanje nangosele nyala khumusameha hali khanga?" Khanyala khuva hali saba?"

²² Yesu yamuvolela, shimbolienje saba mara saba tawe, nikhali makhomi saba mara saba. ²³ Khulwayako vwami vumwikulu vufanananga nu mwami mulala yalanga varumishi veve valombe navo isavu yivindu vie. ²⁴ Khandi lwayaranga khurunishitsa, livishilu lielie, mulala yalerwa khuye, wali nelikovi lielie. ²⁵ Navutsa shichila yakhaywa khurunga, mwami wewe yaviritsa akulanyinywi numukhali wewe navana, niviosi viyali navio alipi likovi. ²⁶ Murumishi yakwa hasi namusikamila, navoola, mwami wikhutsili nakhurunga likovi lio liosi. ²⁷ Mwami wumurumishili oyo yamanya namulolela tsimbavasi namuvoholola namuleshela avuli khurunga likovi yelo. ²⁸ Nikhali murumishi mweneoyo yamanya narula natsia nanyoola mulala khuvarumishi vavetsa naye yaali nelikovi lielie imia indala; namukumila mwingori, navoola ndunga likovi lianje lia uli nalio.

²⁹ Wavahinzila naye yakwa muvilenje vievie namusaya namuvolela, "nzikhutsili nakhurunga likovi liolio liosi. ³⁰ Nikhali shiyamuhulishitsakhu tawe, yamukumila namuhila muchela. ³¹ Lwa vahinzili vava yinzila naye vavola kakholesha, vali nuvuchenyi muno, niva tsia khuvolelakhu muruchi wavo kakholesha.

³² Muruchi wewe lwayahulila khushikholwa yesho yamulanga, namuvolela, uli muhinzili mutamanu, nakhusameha nikhuleshela makovi kawali nako kosi." ³³ Nive shuwakhavelekhu nende tsimbavasi khumuhinzili woshio tawe?" ³⁴ Mutachili wewe yihulila vutamanu namura mulitiva, khutukha lwa alimulipa likovi lielie liosi. ³⁵ Nindio khandi tata wanje uli mwikulu alikhola munyi vamukhasamehanga khurula mumioyo chienyu vamwinyu vamukoseranga.