¹ Khandi matukhu sita nikakhavira Yesu yavukula Petro, na Yakobo nende Yohana amwavo wewe navahila khushikulu shirambi. ² Nalwo lwa yamanya nakalukhana likondo nasesa manya lyuva, na tsinguvu tsietsie nitsiva tsindavu mno nitsiang'ang'a vulavu. ³ Khandi, henza, musa nende Eliya valoleshela Yesu nivalomoloma naye. ⁴ Petro yamanya nachipa, navolela Yesu, mwami, nuvulayi nikhuvelehanu; nuyanza khulombe hanu mahema kavaka, lilala liolio, lindi lia musa na lindi lia Eliya.

⁵ Lwa yaali nashilomalomanga, henza, lilesi lilavu sana liavakhunikha; khandi henza, mwoyo kwaulilikhana mumalesi kenako nikuvoola; "uyu neye numwana wanje wanayanza, mumuhulili.

⁶ Lwa veechi vahulila, vakwa nivinaminya vweni vwavo hasi nivava nuvuri. ⁷ Khandi Yesu yamanya niyita natila khuvo navavolela sinjili, mukhavi nuvuri tawe. ⁸ Lwavahenza ikulu, shivalolakhu mundu tawe nikhali Yesu wonyene.

⁹ Khandi lwavarula mushikulu nivikha hasi, Yesu yavavolela, "malolo yaka mukhavolelakhu mundu tawe, khutukha mwana Andamu lwa alisimukha khurula mulikhutsa.

¹⁰ Nalwo lwa veechi veve vamureva, nivavola "kachilashi maandiko kavoola kenyekha Eliya lukhuranga yitsi mbilio?"

¹¹ Nalwo lwa Yesu yavachipa navavolela "nikilikali Eliya kenyekhanga yitse lukhuranga nukhulunjishitsa vuli shindu." ¹² Nikhali mbolela munyi, "Eliya wayitsa khale, nikhali shivamumanya tawe "navutswa vamukholela koosi kavenya khuye. Khaandi nindio mwana wa Adamu atsitsa khunyakhitswa mumikhono chiavo ¹³ Veechi ve vamanya alomolomanga shichila Yohana mupatisi.

¹⁴ Vamanya viitsa mushituma, mundu mulala yiitsa namusikamila navola, ¹⁵ "mwami ndolelatsimbavasi khu muyayi wanje, asumbulwa namatimoni, akwitsa mumulilu khandi akwa mumatsi." ¹⁶ Khandi muleri khuveechi vovo, navutswa shivanyali khumuhonyinya tawe.

¹⁷ Yesu yamanya nachipa navola, "munyi vandu vakhali nili lisuvila khandi vakoyana, ninzikhale namunyi luhono luri?" Mwenyanga nzikhutsili namunyi khutukha inyinga shina?" Ndereli mwana mweneoyo." ¹⁸ Nalwo lwa Yesu yakondeshela litimoni; nilirula muye ma mwana nahona khurula isaa yeneyo.

¹⁹ Nalwo lwa veechi va Yesu viitsa wa vandu vakhali tawe, nivamureva, "kachilashi khuvuli khurulitsa litimonielo?

²⁰ Nalwo lwa Yesu yavavolela, shichila lisuvula lienyu ni lititi. Kilikali vavolelanga, niiva munyala khuva nilisuvila khuli lukutsa lutititi munyala khuvolela shikulu yishi rula yaha yisunde heyo nashio shilisunda, khandi shivulao shinyala khuvakhaya tawe." ²¹ Litimoni khuli lienelo shilinyala khukhunganyiywa vuchila lisaala liukhufunga tawe.

²² Lwavali nivakhatukha mugalilaya, Yesu yavavolela mwana wa Atamu atsitsa khutsamwa nukhuvikwa mumikhono chia vandu vooni. ²³ Navo valamwira, na litukhu liakhavaka alisimukha khurula mulikhutsa. Avechi vavelela muno.

²⁴ Lwavaali nivakhatukha mulidaala lia kaperanaumu, vasololi vuvushuru viitsa khu Petro, nivamureva, "mwekitsi wenyu arunga vushuru?"

²⁵ Yavachipa "nindiokali, arunganga", lwavatukha munzu, Yesu yareva Petro navoola "Simoni ukanakana shina?" Vami vumushivala munu varulitsa vari vushuru?' Khuvana vavo inoho vacheni?"

²⁶ Petro yamuvolela, "khu vacheni" Yesu namuvolela, khulwayako vana vali vavololele. ²⁷ Shivuli vulayi vandu yava visikarili khukhutsi tawe, tsia muinyanza ni ingaka uluvi isutsi yukhuranga mukhunuli mumunwa kwayo mulanyoola ishilinji muvukuli mutsii muvaruji"