¹ Mafarisayo nende masudukayo viitsa khumuchelitsa, avamanyinyi shiloleshitso khurula mwikulu. ² Yavachiipa navoola, niyakhatukha alukolovo muvoola, vwakhavele vulayi niiva likulu niliakhavele limuchi" ³ Khandi asubuyi, muvoola khulava nuvushindu shichila lilumbi litsuli hosi, munyi vandu vakaati mwumanya khuli liuva lili imbeli navutswa shimunyala khumanyama viloleshitso via matukhu kanu?" ⁴ Munyi lwivulu lwa vandu vatamanu nende vasikamila misambwa, venyeshitsa viloleshitso, shivatsitsa khuhelwakhu shiloleshitso shiosi tawe nikhali shiloleshitso shiu mupulufeti Yona. Yamanya navalekha natsia.

⁵ Lwa veechi ve vambukha luveka lundi, vali vivilili khuvukula mikati. ⁶ Yesu yavavolela, muve meso khulondokhana khu mamela ka vafarisayo nende masadukayo.

⁷ Nalwo lwa veechi varanga khurevana vene khu vene, "avola ario shichila khuvuli khuvukulamikati tawe?"

⁸ Yesu yamanya kavali nivavolanga, navavolela, "Munyi vandu vilisuvila litititi, shichila shina muhingana munyi vene, khu vene, shichila shumuvukuli mikati tawe?" ⁹ Shimunyala khumanyakhu nukhwitsushitsa mikati chiranu chianakavula khuvandu tsielefu tsiranu, nivikabu vianga viamwavunjelitsa mikati chiali nichirikale?" ¹⁰ Khandi mikati saba khuvandu tsielefu tsinne, nivikabu vianga viamwavunjelitsa mikati chiali nichirikale?" ¹¹ Kavele karina muvuli khumanya shimbolienje khulondokhana khumikati tawe?" Muve nelimanya khulondokhana na mamela kavafarisayo nende vasuukayo. ¹² Vanyoola limanya shiyavoola vave vacheli khurula khumamela kalombanga mukati tawe. Navutswa khurula khumechitsu kamafarisayo nende vasudukayo.

¹³ Lwa Yesu yatukha mumadala kali hambi kasarene Filipi, yareva veechi ve navola "vandu vavolanga inzi ndi vina?"

¹⁴ Vamuchipa, "valala vavola uli Yohana mupatisi, vandi Eliya, vandi Jeremia inoho mulala khu vafulufeti.

¹⁵ "Nikhali munyi muvoola inzi ndi vina?"

¹⁶ Simoni Petra yamuchipa navola, "Yivi uli Krito mwana wa Nyaaye umenyanga uli mwoyo."

¹⁷ Yesu yamanya namuchiipa namuvolela, "Simoni mwana wa Yona uli nikhavi shichila shivali vandu vakhuvolele tawe, navutswa nyaaye wanje ulimwikulu. ¹⁸ Khandi khuvolelanga yivi Petra, khulwanda yulu, numbakhakhu ikania yanje, na miliango chu muhiatisi shichilinyala khukura khandi tawe. ¹⁹ Khandi nakhuha tsifungu tsi vwami vu mwikulu, makhandi shiosi shiaufunga hasi hanu shilafungwa mwikulu; khandi shiaufungula hasi shilafungulwa mwikulu. ²⁰ Yamanya navavolela avechi ve vakhavolelakhu mundu wosi neye krito tawe.

²¹ Khuranga litukhu lienelo Yesu yavolela veechi ve atushili khutsia yerusalemi, anyoole litambitswa muvindu vinyishi nende vasakhulu vasalisi nende vekitsi vamalako khandi vatsitsa khumwira nikhali atsitsa khwisimukha litukhu lyiakhavaka.

²² Petro yamuvukula namusunda haluveka namukondeshela navola, "katsi ihale khurula khuyive" mwami yako kakhakholekha khuyivi tawe" ²³ Navutswa yakalukhana navoolela Petro "Shetani kalukha inyuma wanje wenya khuva shisikarilitso khuyinzi, shichila kaukanakananga shikarula khu nyasaye tawe, navutswa khuvandu." ²⁴ Nalwo lwa Yesu yavolela vechi veve, "niva mundu wosi wenya khunonda, yileshitsi liva lyelye nukhuchinga musalapa kwekwe ma anonde." ²⁵ Oyo wenyanga khuhonyinya vulamu vwevwe alavukoritsa na oyo ukoritsa vulamu vwevwe shichila anondanga alavunyoola. ²⁶ Mundu yakhava nanyooli shina niva alanyoola vindu vililova liosi na akoritsi vulamu vue?" Inoho mundu anyala khuhelwa shina shinyala khulekhana nuvulamu vwevwe"? ²⁷ "Mwana wa Adamu alitsa mu vukhumi vwa tata wewe nende tsinjelosi tsietsie. Khandi alarunga shiamundu khulondokhana khumihinzi cha yakhola. ²⁸ Kilikali vavolelanga, valala khumunyi shivalalola likhutsa khutukha mwana wa Atamu ava niyitsa muvwami vwevwe."