¹ Nalwo lwa mafarisayo nende vekitsi vamalako viitsa khu Yesu khurula Yerusalemi. Nivavoola, ² "Kachilashi veechi vo vameneka malako kavasakhulu?" Lwavalitsa shukhulia vuchila khusava makhono.

³ Khandi yavachiipa navavolela "kachichilashina mumeneka malako ka Nyasaye khulukhukumila mekitso kavasakhulu? ⁴ Nyasaye Yavoola uhe tata wo na mama, wo luyali khandi woyo ulama tata noho mama kenyekha akhutsi. ⁵ Navutswa munyi muvoolanga mundu uvolelanga tata we, inoho mama we shindu shamb, ele khue, mbani sive shihanwa khunyasaye. ⁶ Khulwa yako kenyekha uhane luyali khu tata wo namama wo nikhali munyi mumeneka malako ka Nyasaye khulukhukumila malako ka shindu vutswa khuye. ⁷ Munyi vamwikholanga khuva valunji! Muprofeti Isaya yavoola khulondokhana khumunyimunyi. ¹⁰ Khandi yalanga shituma navavolela, hulishitsi makhuva yaka nenya mukamanye. ¹¹ Shindu shiosi shiakhulitsanga shishili shitamanu tawe, nikhali karulanga mukhutsi nako kalombanga mundu khuva mtamanu.

¹² Veechi va Yesu viitsi khuye, nivamuvolela "umanyikhu mafarisayo vasinyikha lwavahulila livola yili?

¹³ Nalwo lwa Yesu yavachipa navola, shirakwa shiosi shia tata wanje wumwikulu yakharaka shitsitsakhwiwa. ¹⁴ Lekhani navo vave, ni vavekhu. Mundu muvekhu niyimilili muvekhu. Valakwa muvwina voosi."

¹⁵ Petero yareva Yesu "khwivalili shialukanu yulu luvolanga."

¹⁶ Yesu yavavoola, "mushili khumanyakhu shindu khulondokhana khumakhuva yaka tawe? ¹⁷ Mushili khumanyakhu shindu shiosi shiamundu alitsa shitsitsa munda makhandi shirula shitsia muchoo? ¹⁸ Nikhali vindu virulanga mumunwa kumundu virula mumwoyo. Navio vilomba mundu khuva mutamanu. ¹⁹ Shichila mwoyo kumundu nokwo kurulitsanga tsinganakani tsindamanu kwira, vulaya, vuheyi, vuhuvi, vushahidi vuvuveyi, shihenyehenye. ²⁰ Yivi navio vindu vilomba mundu khuva mutamanu, nikhali khulia vuchila khusava shikhunyala khulomba mundu khuva mutamanumu tawe.

²¹ Yesu yamanya natsia luveka lwa Tiro nende Sitoni. ²² Khandi lola, mukhali mulala khurula mukanani yiitsa havundu henaho namulilila, namuvolela, umbelele tsimbavasi yive mwami mwana wa daudi, mwana wanje mukhana anyakhitswa nilitimoni.

²³ Nikhali Yesu shiyamuchipakhu likhuva lioi tawe. Nalwo lwa veechi ve vamuvolela, mukhunje shichila alila na khuva liyoko inyuma weru.

²⁴ Nikhali Yesu yavaciipa navoola, shinarumwa vutswa tawe navutswa ni khumakondi kakora kiinzu ya israeli.

²⁵ Yamanya yiitsa namusikamila navoola "mwami khoonya" ²⁶ Nikhali yamanya nachiipa navoola "shikali khuvukane khuvukuli mukati kwa vaana nukhuha tsisimbwa tawe" ²⁷ Khandi yamanya navoola, nikilikali mwami, khali tsisimbwa tsilitsa vikwili hasi khurula khumesa yu mwami."

²⁸ Nalwo lwa Yesu yamanya namuchiipa navoola, "mukhali yive, uli ni lisuvila likali, kakholeshe khulondekhana khu lisuvila liolio. Khandi mukhana wewe yamanya nahonyinywa khuranga isaa yeneyo.

²⁹ Khandi Yesu yamanya narula iweneyo, yamanya niyiita khunyanza ya kalilaya, khandi yamanya natsia ikulu khushikulu niyikhalayo. ³⁰ Khandi shituma shitsa khuye, nishilimu navandu valeme, vavekhu, vakhalomolomanga nede vandi vanyishi nivalerwa havilenje ha yesu, naye yavahonyinya. ³¹ Shituma shiahuka lwa valola vakhalomolomanga nivalomalomanga, valeme nivachendanga, vavekhu nivalola nivakhuminya Nyasaye wa Isiraeli.

³² Khandi Yesu yamanya nalanga veechi ve, navoola ndi nende tsimbavasi khu shituma yishi shichila vatsilili khuva ninzi matukhu kavaka, khandi shindikhu nende shiavanyala khulia tawe, shinyala khuvaovolela vasimushi vatsii ni inzala tawe, vanyala khukwa khunjila.

³³ Na veechi veve vamuvolela nikhunyole hena shikhulia shitukha mushiangalangwi yumu"?

³⁴ Yesu yavareva" muli ni mikati chianga? Vamuchipa saba nende tsisutsi tsindititi. ³⁵ Khandi yavolela shituma shikhale hasi. ³⁶ Khandi yamanya navukula mikati saba yecho nitsisutsi, nasanditsa, natong' olanyia, naha veechi ve, khandi nivahana khushituma. ³⁷ Khandi valia vosi, nivikura, khandi vamanya vavunjelits viukhulia viali nivirikali vikabu saba. ³⁸ Khandi vandu valia vaali tsielefu tsinne vuchila vakhali ni vaana. ³⁹ Yamanya navolela shituma vatsii, khandi yinjila muliaro natsia khuluchinga lwa maketonia.