¹ Bondia bokota ya kiyo yeengamesane na mokolo wa lumba owa weomoke na m'pendu ose, mo isina ya ko bundesa bato bamokambo mo iba yande. ² Wa m'mgbesana na bo m'pata ibe mo botu, ke watoma bo mo iba yande. ³ Wa omoka mo n'nyanga isato, ke wa mona baphe mo boikaneo na kokamba mokambo ya kota. ⁴ We na ko ena na bo: "Yaai kae mo iba yane k nokoesai bane eya yeengame." ⁵ Ke bo na kiya ko. Wa omoka ephe mo n'nyanga ya motoba na ya obowa ke we na kota ephe boobo. ⁶ Mo ko omoka mo n'nyanga ya ikomi na emo we na ko mona baphe si baa ba ikanga asimasi oyo, ke wa ena na bo: "Bondia tchei yeimane bane a abono botu otondo buwa mokambo ya kota?"

⁷ Bo na ko sumboleya we mbele: "Iki ambele moto ute bundese ande base, yaai kae mo iba yane, we na ko ena na bo boobo." ⁸ Mon'nyanga ya iyo, mokolo wa iba na ko ena na motchungi wa besima bande: Eta bato ba mokambo, ke lipa bo ibanyeyo yabo. Na kokondja kowa wa n'ntungeya mo kiya ka owa wa makondjekeyo.

⁹ Baa ba n'nyanga ya ikomi na emo na kula, ke na bo ko abeleka lopata omo. ¹⁰ Baa ba kokondja na kula kae, ke ba tomba kae lopato omo. ¹¹ Mo ko tomba yo, ba eneena kose na mokolo wa lumba, ¹² ke bo mbele: "baa ba maili ba tumikaki n'nyanga emo lika, ke wa engamesana bo nito, si akowake ko tumika looba itondo, na tcheseka.

¹³ Wa sumboleya omo wa bo: "Munakane, n'ntekosee ane owe uta m'mgbesananga se nane mo lopato omo eee?" ¹⁴ Bunda eya yeengame nabe, ke yaa. No ko esakai ka oono wa maili bowa kae ya tombake owe. ¹⁵ Iteengame nane kota na besima bane bowa yeeme noo ee? Ama o omonai ko beya bowa yephoe nooi? ¹⁶ Boobo ba maili bo koikai ba boso, ke ba boso bo koikai ba maili.

¹⁷ Mo ko linya ka Mbali mo Yelusaleme, wa bundesa lika baeki ikomi na babe we na ko ena na bo mo m'mboka. ¹⁸ Monai; toolinya mo Yelusalme, ke Mana Moto o ko abelekai ko mekota ya baabi ba mafaefi na ba andiki. Bookelesi iwe mo bondi mbele wakpe, ¹⁹ Ke bo koabi we ko bapakano mbele ba tchambole we, ba lubeye we fimbo, ke bate we mo lieka; ke mo botu ya isato o koimokai.

²⁰ Na Boobo nina baana ba Zebedeai na kobakameya Mbali na bana bande, ke na ko muna malu; mo koenande bondi omo.

²¹ We na ko ena nande: "Weemei tchei?" We na ko ena nande mbe, akowa ambele bana bane babe. Si baa bano, baike ase bokota yabe, omo mo ilome yabe ke owa ophe mo ikali yabe.

²² Mbali na ko sumbola: "Biteli abino eya yo ophipheya bane. Beengame na koma kopo si owa yo o maa noo?" Bo na ko ena nande, mbele to o kokolai.

²³ Ke we na ko sumboleya bo: "Ikai litimbe bo omai kopo wane; n'ndi mo isina si eya ya ko tchumana mo ilome na ikali yane, iyo yo buande mo isosa yane. Ke yo koabelekai ka baa si baa Tata wetelee bo." ²⁴ Baa ikomi, mo ko m'mgba yo bo na koika na obaba na ba nduku babe. ²⁵ Mbali na ko eta bo, ke wa ena mbe: "Beli mbele mekota ya metanga yo ko ese bo obaba, ke bakolo bato bo otesa b mekambo, ²⁶ Yo buwa koika boobo n'nkati ino n'ndi owa weeme koika mokolo moto n'nkati wino, waike mokobe wino; ²⁷ Ke owa weeme koika boso n'nkati wino, waike mokobe wino. ²⁸ Mo booboi Mana Moto wilee, buwa mo otelekeya, n'ndi mo ko tumikeya na koaba koika kande m'mba iyota ya ba buwa."

²⁹ Abowa yeomoke bo mo Yeliko, nguma ya ema na ko onda Mbali. ³⁰ Ke mona, bakpi ba maiso babe, si baa ba tchumananga mo m'mkpangba ya m'mboka, na ko n'ngba ambe Mbali o ko eta, ke na ko akaya: "M'ngbeya base tchombo. Mokolo, Mana Tawiti." ³¹ N'nguma na kosuleya we, mo ko bibanesa bo; ke ba sula iboka ko eteya n'ngbeya base tchombo, Mokolo, Mana Tawiti!

³² Mbali na koimana, na ko eta bo ke we mbe: "tchei tcheeme bane mbe neteleye bane?"

³³ Bo na ko sumboleya we ambele: "Mokolo, eka mbe maiso mito makandoke." ³⁴ Na koiya na tchombo, Mbali na komata bo maiso. Ke mo ka beyo-beyo bo na ko mona ephe ke ba onda we.