¹ Ao bowa Mbali wetungese maoki mandé, we na kotoka Galilaya, na kiya ko motanga ya Yudéa, kpaaya na Yoladane. ² N'nguma ya bato na koonda we, kooko, we na koondésa n'so yoose.

³ Ba Falisayo na ko bakaméya we, bo nakoena mo kosonya we: "N'ndi mbe yéakóléke ka amoome kobenga ama kotoesa amokali mo bondi ya ko kamba isina?"

⁴ Mbali we na koena nabo: bita bandanga bino mo toani mbele moénjéki wa chesé, ko makonjékéo, watangai amoome na amokali? ⁵ Eke we nakoena: mo isina si amoome okoeki ise na nina; na kiya ko bakama na mokola ndé, ndi baika ke mobe omo? ⁶ Mo boobo babuwa kae babe, n'ndi baikake ono. Moto ute engame kae koekanésa chéa cha bakamésa ke Mokonga.

⁷ Mo tchei kae, bo na koena mandé, Mose wéakówe mbe ba andike kaani ka koiya isongi ama kobengá amokali?

⁸ We na koena na bo: mo isina ya météma ya kóbéya yinoi ye akowe Mose mo koekanesa bane ko masongi; ndi ko makonjékéo, ita ikanga andé boobo. ⁹ N'ndi naenaki mbe owa woose okoiya isongi yande na mokala ndé, buwa mo isina ya ilemba, ké wasonga ophé, watake ilemba.

¹⁰ Baeki bande na koena nande: aika mbe isina si iki boóbo ka amo ome mo isina ya amokali, abuwandé na faida mo kosongana.

¹¹ We na kosumbulea bo; bato boose biteli ande looki si ono, kasakolo báa baésélékángá yo M'ngbengbele si. ¹² Bondia ika na baa babuwa na n'kasa ya amokali kolinga mbe bika ko mesolo ya ba nina babo; ké baphe baéba yo mo koébéseleka na bato; éké baphe mo tchekamba chabo bemine baeba, bondia bokota ya kiyo. Owa woose weeme kom'ngba, wam'ngbe.

¹³ Baulea we na baana banuke (n'tongonoli), mo bóno mbé waliphéye bo na kosombolea bo. Ndi baeki na kosumbola bo na maili. ¹⁴ Na Mbali na koena: ekai baana banuke, babuwá koekésa bo mo kulá koa kane; bondiya bókóta ya kiyo iki ya báa bétuanyanye bo. ¹⁵ We nakota bo maako (koliphéa) nakiya na kowa.

¹⁶ Ke monai, moto omo nakula baka-baka, nakoena na Mbali: "Mokota, neengami na kota chéi chafowa mo koika na koika ya buwa ntugeo (milele)?

¹⁷ We nakoena nande: mochei kophiphea noo mo cheachika chesaali? Omo likai wééngame. Aika mbe waéma kon'ngeya mo ómo, mona ba angile. Ba bani? We na koena nande.

¹⁸ Mbali nakoena: "weiyangi; wetangi ilemba; uteibangi; weinanéangi maondi ma ólanga; litosa so na n'ndjoko; ¹⁹ na ema baphe bato mba owe omune.

²⁰ Mosombé si owo nakoena nandé: natake mano mano; chei chékamba iki noo éphe?

²¹ Mbali nakoena nandé: aika mbe weemi koika tchaa yaa, olesa choose si chéa uka na cho, aba yo moyouwe, na boobo okoiki na liphoti kowa kiyo. ²² Maili si waa, onda noo. Maili ya kon'ngba maoki si maamo, mosombe si owo nakiya na óbaba; bondia waikangi na beeya ba buwa.

²³ Mbali nakoena na baeki bande: iphoka yokongeya na ntale mo bokota ya kiyo. ²⁴ Naenake yo ephe nino; Yepholee-pholeai mo chembele chanyama (njou) mo kon'ngeya ko molondo ya mochoko ndi mo iphoka makon'ngeya mo bokota ya Mokonga.

²⁵ Baeki kom'ngba boobo, nakotemba iboka, nakoena: nani iki wengame na koonda?

²⁶ Mbali nakomoesana nabo, nakoena nabo: ko bato mamano mitokoengama ande, ka Mokonga choose cheengame.

²⁷ Petele, nakobunda looki, nakoena nande: mona, teeki choose, eke mokoonda owe; yekaikai booni kowakito?

²⁸ Mbali na koena nabo: naenake nino na liti, aabowa ootimboka chese, abowa Mana moto, weka ika ase mo bokota ya okuku ande, eke bane si baa beonele noo bokoohumani mo tokalanga ikomi na babe, mo kobuka maondi mo kubuka maondi ma bese ikomi na bibe ba Isalaeli. ²⁹ Na baa-boose boochichana mo linane, banduku, banduku ba bamokali, ise mbe nina mokali na baana, n'seke na malumba mandé, oopata ba mia na ba mia béna bokota ya kiyo. ³⁰ Babua baikangi boso, bokoiki ba maili, babua ba maili, bokoiki ba boso.