Botuku 21

1 Abowa ebakameyo bo Yelusaleme, ke ba koma mo Betefage, mo ko onda mokondi ya Bilaya, Mbali na ko toma baeki babe, 2 na ko ena na bo mbe: "Yaai mo ka motanga kango si ka kika boso wino; bo osangeli mala omo mokali ya m'ponda yekandeke, na kaana kamo asima amo nayo; kandowai yo ke luleyai noo na yo. 3 Aika m'mba moto omo wa ena nino bondi omo, ba sumboleya we; Mokolo uka na tcheema na yo. Ke mo n'nyanga si eyo bo koekai yokiya."

4 Bondi ya eeno yo kulai mo isina mbe eya ya enekanga na motondoli yaiyanesane: 5 "Ena na moseka ya Siona: Mona mokota yabe kula kowakabe, weiye na koselela, ke welinye kiyo na m'mponda emo, kiyo na ka m'mponda, kana ka mokali ya m'mponda."

6 Baeki na kiya, kebataeya Mbali wa ebesake bo. 7 Bo na kula na mokali ya m'mponda na kana ka m'mponda, bata kiyo na yo n'ntulu yabo, ke tchumanesa we kiyo na yo. 8 Bato bamo ba ibamba yabo na kondja n'ntulu yabo kiyo na m'mboka. 9 Baa ba ayanga boso na baa baondanga Mbali na ko akaye: "Osana ka Mana Tawiti; walipheleke owa okula mo lina ya Mokolo! Osana ko beikaneo ba kiyo iboka!"

10 Abowa yen'ngeye we mo Yelusaleme, motanga otondo na ko nyengeya, ke ba enena: "oono ukai nani?"

11 Ibamba na ko sombola: "Ikai Mbali molondo, wa Nazalete mo Galilaya."

12 Mbali na kon'ngeya mo lumba ya kosongana ya Mokonga. We na kobenga baa boose baolesanga, na baa ba owanga n'nkati ya lumba yo kosongana; we na kotulamesa bamesa ba baanyanyi ba beeya, na beikaneo ba baolesi ba n'ndjiwa. 13 Ke we na ko ena na bo: Yeandekelekei: "Lumba yane yo koikai lumba emo ya lisomboli; n'ndi bane batake yo molinga ya ba ibi."

14 Bakpi ba maiso na bamuneki ba mao na ko bakameya we mo lumba ya kosongana. Ke we na ko ondesa bo. 15 N'ndi mekota ya baabi ba mafaefi na ba andeki na kosoma mo ko mona maondi si maa ma emeama mete we, ke na baana si baa ba akayanga n'nkati ya lumba ya kosongana: "osana ka Mana Tawiti."

16 Bo na kona nade ambele: "O kom'mgba eya yo ko ena bo?"
Boobo Mbali na ko sumboleya bo. Biti na bandi mono maoki si mono maoki si mano: "Weomolei kolombesa motona ta baana na baa bika mo ibe?"

17 Maiti ya koeka bo, waomoka kawoandja ya motanga mo kiya mo Betani kowa kelame we.

18 Ma m'mpendu, mo ko sumboka kande ko motanga, we na kom'ngba n'ndja. 19 Ko mona kande kate ka figie mo m'mboka, we na ko bameya ko; n'ndi we na kosangela lika towani, ke wa ena na ko: "Eka mbe kauma kite botekangi kae na be ephe!" Aowo aowo kate ka figie na kokamesa.

20 Baeki, si baa ba monanga yo, na koasawa tona, ke ba ena mbe: "Oni oitaka kate si kana ka figie ka kamenake mala omo?"

21 Mbali na ko sumboleya bo: No ko enai nino mo liti, aika m'mba bika na kowa kowa ke bakamba meango, bitoota bino lika eya yatelekaike mo kate si kano ka finyo, ke ango ba ena na mokondi si oono: "Omboka aobo ke we tchubee mo iyaba ya ema ya moo eeno yo otelekai. 22 Eya yoose yo ko omba bane na kowakowa na lisomboli bo otombolai yo."

23 Mbali na kiya mo lumba ya kosongana, ke ambele o ofundisha, mekota ya ba baabi ba mafaefi na bakolo bato ba bato na kula ko ena nande tcheni "ma tchekamba tcho ota owe maondi si mano, nani weese owe tchekamba si?"

24 Mbali na ko sumbola: "No ophipheya ko bane ulizo; ke aika m'mba ba sumboleya noo, no ko ebesai bane mo tcheni tchekamba tchootangai noo maondi si mano." 25 Ko n'nyeka Yowani, ke tokei koni? Kiyo, ama kiyo, o ko enai nito: "Motchei ita akoanga bane we?" 26 Ke aika m'mba ta sumbola: "Kowa ko bito, to otinai ibamba, bondiya boose bebundese Yowani m'mba molondoi." 27 Mo boobo bo na ko sumbola ka Mbali: "Titeli abito." Ke we na ko ena na bo mo isiyo yande: "Buande noo kae, n'nto ko ena ane nino motcheni tchekamba tcho otangai noo maondi si mano." 28 Bo ko engeleyai tchei? Moto omo wakangai na baana baome babe; ke woebesa owa wa boso, we mbele: "Manane, yaa kota mokambo moono botu n'nkati ya iba yane ya vinyo."

29 We na ko sumbola: "N'nteeme ane. Maili ke wa kalanganya ke waya."

30 Na ko ena na owa ophe, we na ko ena okitaka omo. Ke maana si oono na kosumbola; Na akowake bosaali, mokolo. Ke wa kanga kiya. 31 Oni n'nkati ya bobabe we te tcheematcha ise? Bo na ko sumbola; owa boso. Ke Mbali na ko ena na bo: "No ko ena nino mo liti, ba lipesi ba mandjandja na ba mokali ba malemba bo koetai boso nino mo kon'ngeya mo bokota ya Mokonga." 32 Bondi ya Yowani walangai kowa kino mo m'mboka ya liti, ke bane bita akowanga bino we. N'ndi balipesi ba mandjandja na bamokali ba malemba ba okowangai we; ke bane, si baa bamonanga yo, bita kalanganyanga bino mo ko akowa we.

33 N'ngbai ophe mombila. Aikangai moto omo, mokolo wa lumba, owa walekanga iba ya vinyo. We na ko komba ya na ikulo, na ko pfuwa bo kameteyo, ke na ko imetcha lumba ya eya; we na kasiya yo kobato ba leke ke we na koeka motanga mo kiya. 34 Abowa n'nyanga ya ko kon'nyowalanga, wa toma bato bande ba mokambo ko kobaleki, mo ko tomba iyota ya vinyo. 35 Baleki, ba ilinakotingeya bato bande ba mokambo, balubeya omo, ba iya ophe ke na ko lubeya ya isato mawe. 36 Wa toma ephe baphe bato ba mokambo, ba oketi ya ema koeteya baa ba boso; ke baleki na kota kae bo oitaka omo. 37 Mo n'ntungeya, we na ko toma kowaka bo bana ande, na ko ena mbele boolitosai nanane.

38 N'ndi, abowa baleki bemone maana, bo na ko enesana n'nkati ya bo; Monai ikenya waai, teiyei we, kete baanyei iyota yande. 39 Ke bo na ko tingeya we, na ko m'mbola we kowandja wa iba, ke na ko iyawe. 40 Eneeke; abowa mokolo wa iba okula, ootai baleki si abo tchei?

41 Bo na ko sumboleya we: "O ko iyai bo na boiyeleli ya beya iboka bato si bano ba tchombo, ke o ko abai iba ko baleki baphe si baa bo ko esa we iyota mo n'nyanga ya ko konyowa."

42 Mbali na ko ena na bo: "Bito bandanga bino ko maadiko; Iwe yemboleke na ba esi, ya ikake ya oketi mo ko imetcha obamba; ikai ka Mokolo. Etoke yo, ke ikai bephango ko maiso mito? 43 Mo boobo no ko ena nino; bokota ya Mokonga yo obakelekai bane ke ya abeleka ko motanga si owa yo ko esa touma. 44 Owa okeya kiyo na iwe si eeno o omunekai, ke owa yo okeya kiyo na nde o onuekanuekai. 45 Maili ya kom'mgba membila yande, mekota ya baabi mafaefi na bafalisayo na ko eba mbele ikai mo isina ya bo; Mbali wa enanga, 46 Ke baphenangai ko bundesa we, n'ndi batinangai ibamba ya bato molondoi.