¹ Jesus a ngene muwato, a rutu, aye mu nkurumbara ya na umwendi. ² Makura, ava muyitire mukafumu wo sirema so mundambo ana rara pawuro. pa kumona lipuro lyavo, Jesus aghamba ku mukafumu wo sirema "Monande, kara unakoro. Ndjo doye vana di ku upiripo."

³ Makura, valirongi matjangwa vamwe ava ghamba mukatji kavo, "Mukafumu uno kuna kuswaura." ⁴ Jesus a yivhire vihayadara vyavo ntani aghamba, "Vinke muna kuhayarera vyo vidona mudi mutjima denu? ⁵ Ovyo vina karo ureru, kughamba, "Ndjo denu vana di mu upirepo," ndi kughamba, "sapuka uyende?" ⁶ Enne ngoli muna kona kuyiva asi mona muntu akara na nkondo palivhu mu ku upirapo ndjo, ... "Aghamba ko sirema, "Sapuka, damuna uro woye, uyende kundjuwo yoye." ⁷ Makura mukafumu a sapuka ntani no kuyenda kundjuwo yendi. ⁸ Mbunga apa ya monine vino, vatjilire ntani va yererepekire Karunga, owo a tapiro nkondo dinya ku vantu.

⁹ Apa apitireJesus atunde panya, amonine mukafumu wo lidina Mateus ana sungire ku tende ya mufutiti mutero. Aghamba kwendi, "Nkwame. "uye a sapuka amu kwama. ¹⁰ Apa Jesus a sungilire mundjuwo alye, makura, vafutiti mutereo vo vangi ntani vana ndjo avaya va yalye kumwe na Jesus ntani no varongwa vendi.

¹¹ Apa vavi monine vaFalisayi, ava ghamba ku varongwa vendi, "Morwa nke musongi wenu ana kulyera na vafutiti mutero ntani nava na ndjo?"

¹² Jesus apa avi yuvhire vino, aghamba, vantu vo vakanguki mu marutu kapi va pa paranga muveruli, nkwandi vo kuvera tupu. ¹³ Muna hepa kuyenda mu ka kusonge ovyo vina kutanta vino: 'Ame ufe nkenda na horo kapisi ndjambo.' Ame kapi na yera ni yite va hungami vo kusiure ano ngoli kwa yera vana ndjo."

¹⁴ Makura varongwa va Johanes avaya kwendi ntani no kughamba, "Morwa nke atwe ntani va Falisayi vadiliranga, ano ngoli varongwa voye kapi vadiliranga?"

¹⁵ Jesus aghamba kwavo, "Vana sipito sa nkwara kuvura vaguve uye mukwali simpe navo ana kara? Ano ngoli mayuva nga haya muna likwali ngava mu upako kwavo, makura ntani ngava dilira.

¹⁶ Mukafumu na umwesi wa kutura sivandeko sa sikoverero sa sipe pa lirwakani lyo likuru-kuru, oso sivandeka kusi taukapo pa lirwakani, ntani lintomo lyo linene ku likarapo. ¹⁷ Muntu kapi a turanga vinyu yo yipe mu vipapa vya vinyu yayi kuru-kuru. Ntjene va viruwane, vipapa ku vitauka, makura vinyu kuyiteka, ntani vipapa vya vinyu kuvi djonauka. Ndipo, kutura vinyu yo yipe mu vipapa vya viteke, ntani vikarapo navintje."

¹⁸ Uye Jesusa simpe kuna ku ghamba vininke vino kwavo, kenga, muna likuto umwe aya mutongamene a ghamba, "Monande wa mukadona ntantani vene ana ku dohoroka, ano ngoli yioya ghuya kambeke lighoko lyoye pendi, makura uye kwa paruka. ¹⁹ Makura Jesus a sapuka amu kwame, ntani na varongwa vendi. ²⁰ Kenga, mukamali owo ka hepanga kulipito honde ure wa mwaka ronambiri aya kunyima ya Jesus ntani a kwato ku uhura wo lirwakani.

²¹ Uye a ghamba kwa na umwendi, "Ntjene tupu nikwata vyuma vyendi, ndi kuni kara nimuwawa."

²² Ano ngoli Jesus apiruka na ku mukenga, ntani no kughamba. "Monande wa mukadona, ukudame; lipuro lyo ye lina kutura ukare umuwawa." ntani mukamali a verukire pa vili yinya.

²³ Jesus apa ayire mundjuwo yo mukalikuto, amono vaveti vo marumbendo ntani mbunga yarenkiro muyoyo wo unene. ²⁴ Aghamba, "Kayendenu, mukadona kapi ana dohoroka, Enne ngoli kuna rara tupu," Enne ngoli vavo ava musepe. ²⁵ Apa varupwitire mbunga pandje, uye a ngene mundjuwo ntani aka musapwita na liwoko lyendi, mukadona a sapuka. ²⁶ Mbudi kuhamena vino ayi kuhanene muruha mukunda nauntje.

²⁷ Jesus apa apitire kutunda kunya, vakafumu va vili vo vatwiku ava mukwama. Vatwikilire kuyiyira ntani no ku ghamba, "Tufere nkenda, Mona David!" ²⁸ Jesus apa ayire mu mundi, vakafumu vo vitwiku ava ya kwendi. Jesusa ghamba kwavo, "Muna vipura asi kuni viruwana vino?" Ava ghamba kwendi, "Nhii, Hompa."

²⁹ Makura Jesus a kwata pamantjo ghavo na kughamba, "Renkenu vavi mu ruwanene ku twara ku lipuro lyenu." ³⁰ Makura mantjo havo aha pauka. Makura Jesusa ava rawire no kughamba, "Kengenu asi na umwesi a yivo kuhamena vino." ³¹ Ano ngoli vakafumu vavili ava rupuka ntani ava hanita mbudi yino muruha mukunda runya.

³² Opo varupukira vakafumu vanya va vili va yende, ku worenu, mukafumu wo kudira kughamba a kaliro no mpepodona ava muyita kwa Jesus. ³³ Apa va di tjidiremo mpepodona, mukafumu wo kudira kughamba a tameke kughamba. Mbunga ayi tetuka ntani no kughamba, "Ovino simpe kapi twa vimona rumwe mu Israel!"

³⁴ Enne ngoli Vafalisayi va ghambire, "Ku mupangeli wo mpepodona, ana tjida mpepodona uye."

³⁵ Jesusa kwa yendire hambara nkurumbara nadintje ntani na dimukunda. Uye a twikiri kuronga mu sinagoge davo, kuyuvita mbudi yo yiwa yo untungi ntani kuverura kehe hano mahamba, ntani kehe uno uvera. ³⁶ Apa a monine mbunga, ava yuvire nkenda yo yinene, mukonda asi vavo kwa hepire. Vakalire yira ndjwi da kupira musita. ³⁷ Uye a ghamba ku varongwa vendi, "Muyangu ungi, ano ngoli varuwani vasesu. ³⁸ Mpo ngoli asi musungide kwa Hompa wo muyangu, mpo asi a tume varuwani mu muyangu wendi.