¹ Opo Jesus awurumukire atunde kundundu, mbunga yo yinene ya mu kwamine uye. ² Makura muntu wo vingondwe ayire ku kwendi ntani atongamenine ku uto wendi, aghamba, "Hompa, nange uvipanga, kuvura undenkite me nikenge."

³ Jesus awonyonona liwoko lyendi ntani amukwata uye, aghamba, "Ame navipanga. Kena." Mpopo akenine ku vingondwe vyendi. ⁴ Jesus aghambire kwendi, "Kenga asi ove kwato vyo ku ghamba kwa kehe uno murwana. Yenda no ndjira yoye, ka kuneyede umoye ko vapristeli, ntani katape uswi owo amurawilire Moses, ngo umbangi ku kwavo.

⁵ Opo uye ayire mu Capernaum, mukurona wo vakavita aya kwendi, akanderere kwendi ⁶ ntani aghamba, "Hompa, mukareli wande ana rara kumundi kwato kuyenda ntani kuna ku kora unene."

⁷ Makura Jesus aghamba kwendi, "Ame ku niya ntani niya muverure uye."

⁸ Mukurona wo vakavita alimburura ntani aghamba, "Hompa, ame kapi vina ngwapere asi ove ukangene munda yo ndjuwo yande. Ghamba tupu nkango makura mukareli wande ndi kwa veruka. ⁹ Mbyo vyo si ame name nimuntu owo vatoworora munda yo upangeli, ntani ame nakara no vakavita munda yande. Ame kughamba ko umwe, "Yenda," Makura uye kuyenda, ntani ko umwe, "Yiya, "makura uye kuya, ntani ko mukareli wande, ruwana vino, makura uye kuviruwana.

¹⁰ Opo Jesus ayuvhire vino, uye atetukire ntani aghamba ko vo va mukwamino, "ntani vyo usili na kughamba me kwenu, ame kapi nawana mo umwe wo lipuro lino mu Israeli. ¹¹ Ame kuna kumu tantera anwe, vo vangi ngava katundilira ku upumeyuva ntani ku utokeyuva, ntani nga vaya sungira kuntise na Abrahamu, Isak, Jakop, mu untungi wo liwiru. ¹² Enne ngoli vana vo untungi nga va vatjidira mu mundema wa, oko nga ku ka karo malira nkali ntani nama kukwetjo wo mayewo." ¹³ Jesus aghamba ku mukurona wo vakavita, "yenda! momo una pura, ngoli va vikuruwanena ve." Makura mukareli averukire pavili ndjoyo.

¹⁴ Opo Jesus ayire kundjuwo ya Peter, uye amonine ngumweyi ya Peter ana rara kuna kuvera lisakima. ¹⁵ Jesus akwata liwoko lyendi, makura lisakima alimutundu. Makura uye asapuka ntani atameke ku muruwanena uye.

¹⁶ Opo ya yire ngurova, vantu vayitilire Jesus vo vangi ovo dakwatire mpepodona. Uye atjidamo mpepo no nkango ntani averura navantje ovo va veliro. ¹⁷ Mundjira yino mo vya tikiremo ovyo aghambire Isaya muporofete, mu kughamba, "Uye mwene a upire mauvera hetu ntani akutwikire mahamba hetu."

¹⁸ Weno opo Jesus amonine mbunga yina kumu kundurukida uye, atapa manangwiro vayende museli munya yo lifuta lya Galileya. ¹⁹ Makura mulirongi wo matjangwa amuyere ntani aghamba, "Murongi, ame kuni ku kwama ve kehe kuno nga uyendera."

²⁰ Jesusa aghamba ku kwendi, "Vambwawa vakara no makwina, ntani vidira vyo muwiru vya kara no vitunguru, enne ngoli mona muntu kundereko kwa kutateka mutwe wendi."

²¹ Umwe wo varongwa aghamba ku kwendi, "Hompa, mpulitire ame pa muntango niyende ni ka vhumbike va vava."

²² Enne ngoli Jesus aghamba ku kwendi, "nkwame me, ntani suva vafe va vhumbike vafe vavo."

²³ Opo Jesus angenine muwato, varongwa vendi ava mukwama munda uye munda. ²⁴ Kunyima, mpo lya varekire likundungu lyo linene mulifuta, mpo si wato kwa ufikire no mankumpi. Enne ngoli Jesus kwa ralire turo. ²⁵ Varongwa va yire ku kwendi no ku murambwita, ava ghamba, "Tupopere twe, Hompa, atwe kuna kufa!"

²⁶ Jesusa aghamba kwavo, "Vinke munakutjilira, anwe valipuroghona?" Makura uye arambuka ntani akava mpepo ntani no lifuta. Makura apa kara likuturo lyo linene.

²⁷ Vantu vyavatetulire ntani avaghamba, "Muntu munke uno, nampili mpepo ntani lifuta kumulimburukwa uye?"

²⁸ Opo Jesusa ayire mu ruha rumwe ntani ku sirongo so va Gadarenes, vakafumu va vili ovo va kalire no mpepodona ava ku gwanekere naye. Vavo kwa rupukire mumbira ntani kwa kalire siponga ngudu, mpo asi kundereko muna ruyendo kapitango ndjira yo. ²⁹ Makura, vavo ava lili no kughamba, "Vinke ovyo turuwana nove, mona Karunga? Ove ku naya uyatuhepeke atwe kumeho yo siruwo vaturapo?" ³⁰ Weno utanga wo vinguru vyo viyingi kwa kalirepo kuna kulya, kapisi ure navo.

³¹ Mpepodona da twikilire ku kushenga kwa Jesus ntani adi ghamba, "Nange ututjidamo, tutume mo unya utanga wo vinguru."

³² Jesus aghamba kwado, "Yendenu!" mpepodona darupukiremo ntani da yendire mu vinguru, ntani makura gh utanga nauntje a ukwangulire wu urumuke mulifuta makura avifu mu mema. ³³ Ovo vatakamitiro vinguru avaduka vatundepo ntani ava yendi mu nkurumbara no ku katanta navintje, sinenepo ovyo vya sorokiliro vakafumu ovo vakaliro no mpepodona. ³⁴ Makura, nkurumbara nayintje kwa yire vaya wane Jesus. Opo va mumonine uye, ava mukanderere atundemo mulidingonoka mukunda wavo.