¹ Weno po ya yiyre ngurangura, Navantje Vapristeli vo vanene ntani vakurona vo vantu ava ghamba mu ku kulimba na Jesus mu ku mutwenyidira ku mfa. ² Vavo ava mumanga, ava mu upupo, ntani no ku kamutapa kwa Pilatus Nguuru.

³ Makura opo Judas, owo amu soroliro, amonine asi Jesus vana mupangura, uye akusiura ntani avyuta vingcengere rontatu vyo Siliveri kuva Pristeli vo vanene no vakurona. Ntani a ghamba,

⁴ "Ame na djono mukusorora honde yo kupira ndjo." Enne ngoli vavo a vaghamba, "Vinke ngoli ovyo ku kwetu? Kenga ko vyo naumoye." ⁵ Makura uye a vhukuma vingcengcere vyo Siliveri mu ntembeli, makura a tundupo, makura arupuka no ku ka kumangerera umwendi.

⁶ Vapristeli vo vanene ava upu vingcengcere vyo Siliveri no kughamba, "Kapi vya pulitira mukutura vino musikesa mukonda si yayo ntjontjo yo honde," ⁷ Ava kuyongora sisorokwa kumwe, ntani ava wuru lifuva lyo musongi wo lirova omo ngava vhumbikanga vantunda virongo. ⁸ Na konda yino olyo lifuva kwa litwenyanga asi, "Lifuva lyo honde" no namuntji lino.

⁹ Makura ovyo a ghambire mu porofete Jeremiya vya tikiliremo, mu kughamba, "Vavo va upire vingcengcere rontantu vyo Siliveri, ntjontjo vatulire pendi vana vo vakafumu vaIsrael, ¹⁰ Ntani va vitapire kulifuva lyo musongi wo lirova, yira moomo antantilire me Hompa."

¹¹ Weno Jesus ayimanine kumeho ya nguuru, ntani Nguuru amupulire, "Ove Hompa wo vaJuda ndi?" Jesus a mulimburura, "Ove una ku vighambo."

¹² Enne ngoli opo va murundilire vaPristeli vo vanene na vakurona uye kundereko ovyo alimbwilire.

¹³ Makura Pilatusi aghamba ku kwendi, "Ove kapi una ku viyuva navintje vana ku kurundira ndi?" ¹⁴ enne ngoli uye kapi alimbwilire nampili nkango yimwe, mpo ngoli asi Nguuru vya mutetulire ngudu.

¹⁵ Weno pa kalire silika sa pa mpo sa Nguuru mu ku mangurura nkwate yimwe yo kuhorowora mbunga. ¹⁶ Pasiruwo so vavo va kalire no munadorongo wo mukorokotji wo munene wo lidina Brabbas.

¹⁷ Opo vapongire kumwe, Pilatus aghamba ku kwavo, "Are wo munasana ni mumangwilire nwe?" Barabbas, ndi Jesus owo vatwenyanga asi Kristus?" ¹⁸ Uye avi yivire asi vavo kwa muyitire Jesus mukonda yo mfudu.

¹⁹ Uye nda a sungilira kusipuna sa mpanguro, mukamali wendi atumu nkango kwendi no ku ghamba asi, "Wasaruwanako vintu kowo mukafumu wakupira ndjo. Mbyovyo si ame nina hepa ngudu namuntji mukonda ya ndjodi eyi nakara nayo yo kuhamena ku kwendi."

²⁰ Weno vaPristeli vavanene ngani vakurona ava songawire mbunga mukupura Barabbas, ntani nakudipaya Jesus. ²¹ Nguuru ava pura vavo, "unindjepo pavaviri muna sana ame nimumangwilire nwe?" Vavo ava ghamba asi, "Barabbas."

²² Pilatus aghamba ku kwavo, "Vinke ovyo ni ruwana kwa Jesus owo vatwenyanga asi Kristus?" Navantje ava limburura, "Mupampare nu." ²³ Makura uye aghamba, "Morwa nke, vinke vyo vidona ovyo a ruwana?" Enne ngoli ayiyire nka unene, "Mu pamparenu."

²⁴ Pilatus apa avimonine asi uye na umwesi ana kumuteyerero, enne ngoli madongadongo hambunga hatamikire, uye a upire mema, a kusu mawoko hendi kumeho yo mbunga, ntani a ghamba asi, "Ame kapisi name ko kuhonde yo mukafumu uno. Vimonenu ngo weyo.

²⁵ Vantu navantje ava ghamba asi, "Honde yendi yikare pa petu ntani navana vetu." ²⁶ Makura ghuye ava mangwiliri Barabbasi ku kwavo, enne ngoli uye a sepwilita Jesus no kumutapa vamupampare.

²⁷ Makura vakavita va Nguuru vaghupire Jesus mu livango lyo mpanguro ntani ava pongeka mbunga nayintje yava kavita. ²⁸ Ava musepura makura ava tura lirwakani pa pendi. ²⁹ Vavo ava ruwana nkata yo miya makura ava mudwateke ku mutwe wendi, ntani nakura mpango mu liwoko lyendi lyo rulyo. Vavo ava tongamene kumeho yendi ntani no ku muswaura, no ku ghamba asi, "Owo, Hompa wo va Juda! ³⁰ Vavo ava mutipire, ntani vavo va hupire mpango ntani no kuyi mutowonita mu mutwe nka. ³¹ Vavo ava muswaura no kumuwupa lirwakani makura ava mutura lirwakani lya mwene.

³² Vavo apa varupukire, va wanine mukafumu waku Cyreni wo lidina Simon, owo vatininikire vayende naye kumwe mpo si uye avhure kusimba Sikurushe. ³³ Vavo avaya pa livango va twenyanga Golgotha, evi vina kutanto "Livango lyo vikora." ³⁴ Vavo ava mupa vinyu anwe yo kuvhonga no nyangwe. Ano ngoli uye apa amakelireko, uye kapi ayi nwine. ³⁵ Apa va manine ku mupamparere, makura ava kutapere vidwata vyendi pa fungu-fungu, ³⁶ Ntani vavo ava sungire nakutura vakungi pa pendi. ³⁷ Pawiru yo mutwe wendi ava turapo sitjangwa sa ku murundira, oso satantiro, "Uno Jesus, Hompa wava Juda." ³⁸ Vana mahaka vavili kwa vapampalire kumwe naye, umwe ku rulyo rwendi ntani umwe ku rumontjo. ³⁹ Ovo vapitiro kwa muswaulire, no kukupuka dimutwe davo ⁴⁰ ntani no kughamba si, "Ove owu wayendiro uka djonaure ntembeli ntani no kuyidika mu mayuva matatu, kuyowore naumoye! ntjene si ove Mona Karunga, tundako kusilivindakano oko!"

⁴¹ Munkedi yo kukufana vapristeli vo vanene vamu swaulire, no valirongi matjangwa ntani vakurona, nakughamba asi, ⁴² "uye apopilire vamwe ano ngoli kapi ana kukuyoghora naghumwendi. Uye Hompa wa Israel. Atundeko sa kusilivindakano, ntani ngoli tupura mu mwendi. ⁴³ Uye a huguvara mwa Karunga, renkenu Karunga amupopere uye, ntjene Karunga avi sane kumu mangurura. Uye nka aghambire asi, 'Ame mona Karunga.' ⁴⁴ Munkedi yo kukufana muna mahaka owo vapampalire kumwe naye mo nka amuswaulire.

⁴⁵ Kutunda muviri ya ntayimwe mundema wayire pa livango nalintje dogoro vili yantane. ⁴⁶ Paviri ya ntane, Jesus ayi yiyire no liywi lyo linene, Eli, Eli, Lama Sabachtani?" ovyo vina kutantnto asi, "Karunga wande, Karunga wande, vinke evi una ntjuvililire?" ⁴⁷ Apa vamwe ovo vayimanino opo va viyuvire, ava ghamba asi, "Uye kuna kuna ku kuwa Elia." ⁴⁸ Wangu-wangu umwe wavo aduka no ku kahupa Sisampo, sayuro no vhinyu ya ururu, no kusitura kumpango ya Mbuu, ntani no kusimupa anwe.

⁴⁹ Vakuhupako navantje ava aghamba asi, "Musuvenu." ⁵⁰ Makura Jesusa ayiyiri nka naliywi lyo linene makura atapa mpepo yendi. ⁵¹ Kengenu, likese lyo muntembeli kwa taukire pavili kutundilira kuwiru dogoro pa livhu, udjuni awu kunyunganga, ntani mawe aha mwakauka mukatji. ⁵² Mbira kwa harukire, ntani marutu ha vantu vo kupongoka ova varaliro kwa va rambwitire. ⁵³ Vatundiremo mumbira kunyima ya livhumbuko lyendi, Kungena mu nkurumbara yo kupongoka, ntani no kumoneka kuvangi.

⁵⁴ Apa mupititili wava kavita lifere novo vakengiliro Jesus va monine likunyungango lyo livhu ntani navininke ovyo vya sorokiro, ava kara no utjirwe waghunene ntani ava aghamba asi, "Vyo usili uno Mona Karunga a kaliro."

⁵⁵ Vakamali vavayingi ovo vakwamino Jesus kutunda ku Galilea naku mupakare mbili vavo kwa kengililire kwa ure. ⁵⁶ Mukatji kavo Maria Magdalena, Maria vawina va Jakop ntani Josef, ntani vawina vo vana vo vakafumu vaZebedee.

⁵⁷ Apa yatikire ngurova, apanya mukafumu wo mungawo waku Arimathea, wolidina Josef, owo a kaliro nka naye murongwa wa Jesus. ⁵⁸ Uye ayendi kwa Pilatusi ntani amu pura rutu rwa Jesusa. Makura Pilatus araura muku mutapa ku kwendi. ⁵⁹ Josef a upire rutu, naku rudingira pa makese ha makenu, ⁶⁰ Ntani nakurutura mu mbira yendi yayipe eyi a tjokolire muliwe. Makura a sindumwineko limuwe lyo linene kulivero lyo Mbira makura avyuka. ⁶¹ Maria Magadalena ntani Maria umwe nka mpo vakalire, ava sungire vakuvyuke nambira.

⁶² Liyuva lyo ku kwamako, olyo lya kaliro liyuva muruku rwa mawapayiko, Vapristeli vavakurona ntani vaFalisayi vapongire kumwe naPilatusi. ⁶³ Vavo ava ghamba ashi, "Mukalikuto, atwe kuna kuvhuruka asi oghunya mupukiti opo akalire muyumi, uye aghambire asi, "Kunyima ya mayuva matatu ngani kavhumbuka nka," ⁶⁴ Mpo arawilire asi Mbira yikuhare dogoro mayuva matatu, varongwa vendi kuvhura nga vaye vaya muvakemo ntani nakughamba kuvantu, 'Ana vhumbuka ku ufe,' upukiti wakuhulilira nga wu ditopa kupitakana wokutanga."

⁶⁵ Pilatusi aghamba ku kwavo, "Kungenu. Yendenu mukaviruwane yira momu mwa viyivira." ⁶⁶ Mpo ngoli va yendire mu ku kakunga Mbira, no kusindumwinako liwe no kuturako va. kengeli