¹ Apa shatikire shirugho shakutantera varongwa vendi Jesus, ² "Munayiva ashi kunyima ya mayuva maviri Pasika mpo ngayikara, makura mona muntu ngava mutapa vakamupamparere."

³ Makura mukurona wa vapristeli na matimbi vapongire kumwe mumbara ya mukurona wava vapristeli, walidina Kayifasi. ⁴ Ava kughu kumwe mukaka kwata Jesus mukahorere-hore na kuya mudipaya. ⁵ Vavo kwaghambire ashi, Ngoli kapishi muruvede rwa shilika, mposhi litanganito kapishi ngalikare mukatji kavantu."

⁶ Shirugho shinya Jesus ghuye Betani mumundi wa Simoni mukavingondwe, ⁷ vavo vana shungiri kushitafura, mukamali aya ghuye na likende lya alabasta mahadi ghandiro unene, makura aghatere pa mutwe wendi. ⁸ Ngoli varongwa vendi apa vavimonine vino, ava garapa nakughamba ashi, "Vinke lina kutanta lino lihepeko? ⁹ Ndi tuna ghulita kumaliva ghamangi mposhi tuvatiliteko vahepwe."

¹⁰ Makura Jesus, aviyivire, ava tantere ashi, "Vinke muna kumusatiyarera ghuno mukamali? Ghuye ana ruwana vininke vya viwa kwande. ¹¹ Anwe kehe pano ngamu kara navahepwe ene ngoli kapishi name ngamukara. ¹² Apa ana ntere maghadi ghano parutu rwande, ana viruwanene mukonda ya lihoreko lyande. ¹³ Ushili nakumutantera, kehe kuno ngava vhura kuyuvitira mbudi yino muUdjuni naghuntje, Evi ana ruwana mukamali ghuno ngava vighamba navyo.

¹⁴ Ghumwe wa murongo navaviri, ogho kavatwenyanga ashi Judas Iscariot, ayendi kumukurona wa va Pristeli ¹⁵ nakaghamba ashi, "Vinke ovyo ghuna horo kumpa, mpo ashi nakamukupe?" Ava vihi vingcengce vyakutika kuvi tatu vya siliveri ava mupa. ¹⁶ Shirugho shinya makura awana mpito yakuka vaneyeda.

¹⁷ Makura siruwo sa kuduva mboroto varongwa ava ya kwa Jesus na kughamba asi, "Kuni una horo tuvhura ku wapayikira murarero wo Pasika?"

¹⁸ Aghamba, "Yendenu mu nkurumbara kwa mukafumu ghumwe mukamutantere asi, 'Murongi kuna ghamba asi, "Siruwo sande pepi. Ame kuni tulika murarero kundjuwo yoye kumwe na varongwa vande."'" ¹⁹ Varongwa ava viruwana yira momu ava tantilire Jesus, ava yendi vakawapayike murarero wa Paska.

²⁰ Apa yatikire ngurova, ashungiri kumwe na varongwa vendi murongo navaviri. ²¹ Vavo kuna kulya, aghamba ashi, "Ushiri nakumutantera ashi ghumwe wenu ndje ngantapo murunyando."

²² Makura avi vaguvita, kehe uno atameke kumupura, "Ushiri kapishi me, Hompa."

²³ Alimburura, "Ndje wo alyo kumwe name ndje nga ntapo mu mahepeko. ²⁴ Mona muntu nga yenda, yira momu tupu va vitjanga. Enne ngoli vita kwa mukafumu owo awulito Mona Muntu! Hasha tupu si ndi kapi va musampuruka mukafumu owo." ²⁵ Judas, owo nga muwulito makura aghamba asi, "Ame ndi, Murongi?" Amutantere si, "Una vighamba umoye."

²⁶ Vavo simpe kuna kulya, atungiki makura ayi bamaura. Atapa ku varongwa vendi aghamba asi, upenu, lyenu. Oruno ndo rutu rwande." ²⁷ Awupu uye nkinda makura atapa mpandu, atapa ku varongwa vendi no kughamba asi, "Nwenu, na muvantje. ²⁸ Yino ndjo honde yande yo ligwaniko lyo lipe eyi yatekero vo vangi ku lidongwenenopo ndjo davo. ²⁹ Enne ngoli kuna kumutantera asi, ame kapi ngani nwa nka ku siyimwa so mu sikunino sino, dogoro liyuva olyo ngatu kanwa kumwe nanwe mu Untungi wo liwiru."

³⁰ Apa va yimbire rusumo, ava yendi ku ndundu ya Oliva.

³¹ Makura Jesus ava tantere asi, "Na nuvantje ku mukuhana kungurova mukonda yande, vatjangwa asi, 'Ame ngani sepura muliti makura sihunda so ndjwi nga sikuhana.' ³² Enne ngoli kunyima yo ku kamvhumbuka, nga nipita kumeho yenu niyende mu Galileya."

³³ Makura Peter aghamba si, "Nampili si natuvantje tuwe mukonda yoye, ame kapi nganiwa."

³⁴ Jesus amu tantere asi, "Usili na ku kutantera, kumatiku hano, kumeho si kayiye sikondomboro, ku wu ka nkanana rukando rutatu."

³⁵ Peter aghamba asi, "Nampili kuna fu nove, kapi ngani ku kanana." Varongwa navantje ava ghamba vininke vyo kukufana.

³⁶ Makura Jesus ayendi navo kuvlivega limwe vana kutwenya asi Getisemane makura atantere varongwa vendi asi, "Sungirenu pano siruwo na kuyenda nikarapere." ³⁷ Makura ayendi naPeter ntani no vana vo vakafumu vaZebede makura ruguvo na udito a umuwana. ³⁸ Makura ava tantere asi, "Monyo wande una guwu sili unene, no kumfa nkoku. Karenu pano mpo si tukengere kumwe." ³⁹ Asweneko kadidi, aku nyongamene, araperere. Aghamba asi, Vava, nangesi vina pulitiri, renkenu nkinda yino yi nkunduruke, enne ngoli, kapisi mu lihimo lyande, nani ngoli mu lihimo lyenu." ⁴⁰ Aya ku varongwa vendi ku ya vawana vana rara, makura aghamba, Peter, "Vinke evi udira ku kengera kumwe name muvili yimwe tupu? ⁴¹ Kengera kumwe nakuraperera mpo si kapisi uwere mu maseteko. Mpepo yina himi, enne ngoli rutu kwato nkondo."

⁴² Ayendi nka sikando so uvili akaraperere. Aghamba asi, Vava, ntjene si runyando oru kapi rupita dogoro rungwane, renka rungwane moomu una himi.

⁴³ Aka vyuka ku ya va wana nka va narara, turo twa va kwatire. ⁴⁴ Simpe ava shuvu nka ayendi aka rapere rukando ro utatu, no kughamba vininke vimwe tupu vyo kukufana. ⁴⁵ Makura aka vyuka ku varongwa vendi aya vatantere asi, "Simpe aka murarere mupwiyumuke? Monenu, vili yinatiki, Mona Muntu kuna kamutapa mu mawoko wo va nandjo. ⁴⁶ Sapukenu, tuyende. Kengenu, owu ana ku ngulito pepi ana kara."

⁴⁷ Uye simpe kuna kughamba, Judas, umwe wo varongwa, aya tiki. Mbunga yo yinene ayi mukwama kutundilira ko mukurona wo vaPristeli no matimbi. Vavo ava ya na marufuro no mawonga. ⁴⁸ Makura mukafumu owu a ulitiro Jesus ava pa siyivito, aghamba asi, "Owu nicumita ndje. Mu kwatenu." ⁴⁹ Makura aya wangu-wangu kwa Jesus aghamba asi, "Moro, Murongi!" makura amucumita.

⁵⁰ Jesus amu tantere asi, "Kaume, ruwana ovyo una yere." Makura ava mukambe liwoko, ava mu manga. ⁵¹ Kengenu, umwe owo akaliro na Jesus apweyemo rufuro makura ateteko litwi lyo mukareli wo mukurona. ⁵² Makura Jesus amu tantere si, "Tura rufuro roye oku runa wapere, kehe uno wo kuvhura kurwanita no rufuro nga djonauka ku rufuro. ⁵³ Kapi una yiva si kuvhura nitantere Va vava, asi ndi kapi vantumina mamumbunga hakupitakana pa engeli murongo no vavili ndi? ⁵⁴ Enne ngoli weni omo nga hatikamo matjangwa, sene vino avi visoroka?"

⁵⁵ 'Makura apura mbunga asi, "Munaya namarufuro no mawonga mu ya nkwate yira muwidi? Kehe pano ka nisingaranga mu ntembeli nironge, kapi mwa nkwatire. ⁵⁶ Enne ngoli navintje vino vya soroko mpo si matjangwa wo vaporofete ha tikiliremo." Makura varongwa navantje ava musuvu vakaduke.

⁵⁷ Ovo vakwatiro Jesus ava mutwara kwa Kaifasi mukurona wava Pristeli, oko vapongire valirongi matjangwa na matimbi. ⁵⁸ Enne ngoli Peter amu kwamine ku urere kusipanga sa mukurona wo vaPristeli. Makura angene munda aka shngira kumwe no vakungi amone atatere vitundwamo.

⁵⁹ Mukurona wo vaPristeli kumwe no vapanguli vapapare umbangi wo kupira usili wo kuhamena Jesus mpo si vamudipaye. ⁶⁰ Ngoli kapi va wanine kehe uno mbangi, na mpili ngoli maumbangi hakupira usili vahatapire ⁶¹ no kughamba asi, "Mukafumu uno ana ghamba asi, uye ku vhura ku djongonona po ntembeli ya Karunga makura nga yidikurure mu mayuva matatu."

⁶² Mukurona wo vaPristeli asapuka no kughamba si, "Kapi una kara na lilimbururo ndi? Ko vino vana ku ngambipara vyo ku hamena koye?" ⁶³ Ngoli Jesus kapi akumbulireko. Mukurona wo vaPristeli aghamba asi, "Munkondo da Karunga na kughamba, tutantere ntjenesi ove Kristus, mona Karunga."

⁶⁴ Jesus alimburura si, "Una vighamba umoye. Enne ngoli ame kuna ku kutantera asi, kutunda pano weno Mona Muntu nga ukamumona ana sungiri ku rulyo rwa nkondo, ntani nga wurumuka pa liremo lyo liwiru."

⁶⁵ Makura mukurona wo vaPristeli ataura vikoverero aghamba asi, "Uye kuna kughamba liswauro! Vinke nka ovyo tusanena vambangi? Kengenu, muna likumonene na umwenu liswawu lino. ⁶⁶ Vinke muna kuhayara?" Ava limburura asi, "Uye dina muwapere mfa." ⁶⁷ Makura ava mutipiri mu sipara kumwe no kumutowona, ntani ava mutowona no mawoko havo, ⁶⁸ o akughamba asi, "Tupe uporofete, ove Kristus. Are wu ana kutowono?"

⁶⁹ Peter uye ana sungiri pandje yo liharango, makura mukareli wo mukamali aya ku kwendi no kughamba si, "Ove nove kumwe wa kalire na Jesus wamu Galileya."

⁷⁰ Ngoli uye akanana kumeho yo navantje, no kughamba si, "Kapi nayiva si vinke una kughamba."

⁷¹ Apa ayendire pandje yo livero, mukareli umwe wo mukamali amu monine makura aghamba kovo vakalirepo, "Mukafumu uno ndje umwe wa Jesus wo mu Nazareti."

⁷² Simpe uye akanana no muhano, "Kapi namuyiva me uno mukafumu!"

⁷³ Kasiruwo tupu ko kadidi kapitiropo, ovo va yimanino pepi avaya kwa Peter, no kughamba asi, "Usili ove umwe wavo, omu waghambanga vyene ku kuneyeda."

⁷⁴ Makura atameke kufinga na kuhana, "Ame kapi namuyiva owo mukafumu," Mpopo tupu sikondomboro asiyiyi.

⁷⁵ Makura Peter avhuruka nkango da Jesus edi amutantilire, "Kumeho yo kuyiya sikondomboro nga unkanana rukando rutatu." Makura arupuka pandje akalire.