¹ Apa lya pitire Sabata, mukutameka tupu kuyenda ku liyuva lyo kuhova musivike, Maria Magdalena ntani na Maria umweya ava ya va yakenge kumbira. ² Kengenu, kwa kalire likunyungango lyo linene lyo livhu, muEngeli wa Hompa atunda mu liwiru, aya ntani atindumuna ko liwe litundeko, makura asungiripo. ³ Limoneko lyendi kwa kalire yira ruvadi, ntani vyuma vyendi vyo vikenu yira ndawu. ⁴ Vakungi kw tukukire no woma ntani ava kara yira vakafumu vakufa.

⁵ MuEngeli atantere vakamali ntani nakughamba kwavo, '" Kapisi mutjire, naviyiva asi Jesus muna kusana, owo vapampalire. ⁶ Kapisi kuno ankara, ano ngoli uye karambuka, yira moomo aghambire. Yenu muyakenge livango opo aralire Hompa.

⁷ Yendenu wangu ntani mukatantere varongwa vendi, 'Ghuye ana rambuka mumfa. Kengenu, ghuye kuna kuyenda kumeho yenu kuGalilea. Oko kumu kamumona.' Kengenu, Namutantilire."

⁸ Vakamali makura ava tundu kumbira wangu-wangu na woma ntani no ruhafo rwarunene, makura avaduka vakatantere varongwa vendi. ⁹ Kengenu, Jesusa agwanekere navo no kughamba asi, "Moro! Vakamali avaya, avakwata mpadi dendi ntani no kumukarera. ¹⁰ Makura Jesusa aghamba kwavo, "Kapisi mukare naghoma. Yendenu muka tantere vaghunyande va yende ku Galilea. Oko nko vakamonena."

¹¹ Weno opo vakamali va yendire, kengenu, vakengeli vamwe ava yendi mu nkurumbara makura ava tantere vapristeli vo vanene vininke navintje ovyo vya sorokiro. ¹² Vapristeli va vanene apa vagwanikilire no vakurona ntani no kuyoyera visorokwa navo, vatapire maliva hamangi kuvakavita; ntani nakuvatantera, ¹³ "Tanterenu vamweya, 'Varongwa va Jesus vanaya matiku nakuyavaka rutu rwendi opo tuna rara.' ¹⁴ Ntjene asi vitundwamo vino vikatika kwa Nguuru, kutu musengawida na ku upa vinka kehe vino ku kwenu." ¹⁵ Vakavita vaghupire maliva ntani varughanine yira moomu vavanangwilire. Vitunwamo vino vyo kuhaninine unene mukatji kava Juda ntani kuna kutwikira nampili namutji.

¹⁶ Enne ngoli varongwa ronambiri vayendire kuGalilea, kundundu oko avneghidire Jesusa. ¹⁷ Apa vamumonine, vamukalilire, ano ngoli vamwe vakalire no masinganyeko. ¹⁸ Jesus aya ku kwavo ntani no kughamba ku kwavo asi, '" Nkondo nadintje vaditapa kwande muliwiru ntani napalivhu. ¹⁹ Mpo ngoli asi yendenu mukaronge varongwa vamudimuhoko nadintje. Va kusenu mulidina lya Se, lya Mone, ntani lyo Mpepo yo kupongoka. ²⁰ Vasongenu valimburukwe vininke navintje ovyo vamurawera nwe. Kengenu, Nanwe nakara kehe pano, nampili kughuhura waghudjuni.