¹ Noah khe, hagra ni mih buthu khe ode dao mih rung ha dongyaba buthu khe Madai blaoya. Phirthima ha, Madai bar siphrikha, ode di srobphaikha. ² Dikhongsa lukhlaiyaba ode nokhasao ni derjo phongkha ode hadi haba thaokha. ³ Phirthima niprang diyungma deyaba khere khere srobphalangkha odehe basain jang rjasi gejer basain yahon ha di rainkha. ⁴ Dainsniba badain soba ha, badain ni sainjisniba ha, Ararat hajikhro ha rung thaophaiba. ⁵ Badain jang dainji soba sosiha di rainphalangba. Badain ni sainsiba ha hajikhro judaothaoyaba nujaophaiba. ⁶ Noah salamyaba rung ni derga khe basain jang bisagin yahon ha Noah derga khuruba. ⁷ Bo, daokha haikhlaba ode phirthima ha di raindaoyaba ni khlaihi birkhlaibuphinba. ⁸ Boni yahon ha Noah, di raikhathi mithimane daophri haikhlaba ⁹ tikhabo daophri bathan maiyaba ni khlaihi rung ha birkhlaibuphinba bede tikhade phirthima ha di limba rainyakho. Bo yao phlaohi daophri khe remhi, rung ha labuphinba. ¹⁰ Bo sainsni jonba ni yahon ha ar alangsi bo, rung niprang daophri haiphinbakho. ¹¹ Sahriphang bubli ha daophri phaipinba. Nai! boni bukhu ha olive blai boso gili bardu. Phirthima niprang di rainkha thihi Noah tharmaikha. ¹² Noah, ar sainsni jonbakho ode daophri haigerphinba. Bo daophri boni ha phaipinyakha. ¹³ Maithai jang rjado ode maithaisiba ni, dainsiba ha, badain ni sainsiba ha, phirthima niprang di rakhutharba. Rung phongyaba buthu khe Noah khurutharba, naikhuhaba, ode bakhlaha hahkhong nujaoba. ¹⁴ Dainginba ni, badain ni sainkhonsniba ha phirthima rainba. ¹⁵ Madai, Noah khe thiba, ¹⁶ "Ning, nini nobrajikh, nini basathu, nini basathu ni nobrajikhthu, ning jang dongphayarao Rung niprang baigo. ¹⁷ Ning jang baosi dongphayaba hang gnang buthu dao buthu, mih buthu, ode khrip sorbaiyaba hembaiyaba khrip jadi khebo baigori - ode phirthima ha yerthing, khrip jang gablaithing." ¹⁸ Odejang, Noah, jarni basathu, boni nobrajikh, basathu ni nobrajikhthu khe langphahi baigoba. ¹⁹ Khrip hang gnang, sorbaiyaba hembaiyaba, birbaiyaba dao buthu hahkhong ha hembaiyaba khrip jadi ni mih buthu rung niprang baigobuba. ²⁰ Noah, Madai ni khlahi hahbim bimba. Bo mih gthar jang dao gthar khe labuhi hahbim saoyaba yaosandi baoba. ²¹ Aroma bahai midimyaba khe Madai bahai maiba ode bo khaha thiba, "Marsi marsa ni khlaihi ang musikhalibo phirthima khe sahrithai riyakha ansa niprang marsi kha hamyalathing. ang duha sdambalai ang musikhalibo hang gnang khe sdamyakha. ²² Phirthima dongdusi, gaithor ode hathor, mgainthor, dungthor, jalang maising ode sain hor buthu khe ang sdamyakha."