¹ Madai, Noah khe thiba, "Ning jang nini nohkhor buthu khripbo rung bising ha phai, ebo jugsi ha ning khe ang gibi gibiyaba subung maiba. ² Ning jang baosi khrip gthar mih, jla masni ode jikh masni khe labu. Gthar niyayaba mih buthu khe jikh jla magin magin khlaihi labu. ³ Birbaiyaba dao buthu khebo phirthima bumu mthaomane khlaihi jla masni jikh masni khlaihi labu. ⁴ Sainsni yahon ha ang basain jang bisagin ode bohor jang bisagin phirthima ha hadi harima. Ang sangsaiyaba, phirthima ha hang gnang dongbasi khe sdamtharma." ⁵ Madai sanibalailai Noah khusi dangba. ⁶ Phirthima ha diyungma deba ha Noah maithai jang rjado maithai jahi dongba. ⁷ Diyungma debani khlahi Noah, boni basathu, boni nobrajikh, basathu ni nobrajikh bonsi khripbo rung bising ha haphba. ⁸ Mih gthar, mih gusu buthu, dao buthu ode khrip sorbaiyaba hembaiyaba ⁹ magin magin khlaihi jikh jla Noah niha phaiba ode Madai jang sanijaobalainiing rung ha haphba. ¹⁰ Ode sainsni yahon ha phirthima ha diyungma dephaiba. ¹¹ Noah, maithai jang rjado maithai jabaha, dainginba ni badain ni sainjisniba ha khrip dikhongsa dibu brekhaotharba ode nokhasao ni derjo khurulangba. ¹² Basain jang bisagin ode bohor jang bisagin phirthima ha hadi haba jenba. ¹³ Bo sainkhali ha Noah ode boni basathu Shem, Ham ode Japheth ode Noah ni nobrajikh, ode basathu gtham ni nobrajikhthu khripbo rung ha hapsingba. ¹⁴ Hagra ni khrip jadi mih buthu jang baosi bonsi haphba ode khrip sorbaiyaba hembaiyaba, khrip jadi dao buthu, khrip bagrang gnang buthu haphsingba. ¹⁵ khrip hang gnang mih buthu magin magin khlaihi rung ha haphsingba. ¹⁶ Jla jikh mih buthu haphsingba; Madai jang sanijaobalai bonsi haphsingba. Bonsi hatharbani yahon ha, Madai derga phongba. ¹⁷ Boni yahon ha phirthima ha basain jang bisagin diyungma dephaiba ode di dangkhuhi phirthima basao ha rung glangkhuba. ¹⁸ Phirthima khe di lingphungtharba, Di basao ha rung glangkhuba. ¹⁹ Nokhasao bakhla ha hajikhro dongyabasi khripbo di dangkhutharhi limtharba. ²⁰ Hajikhro judaothaoyaba basao ha cubit majra di limkhuba. ²¹ Phirthima ha hang gnang dongyabasi khrip thiitharba - dao buthu, mihsa, hagra ni mih buthu, hakhong ha dongyaba khrip hang gnang buthu thiitharba. ²² Hakhong ha dongyaba khrip jadi, bugung jang hang lahi dongyaba khrip jadi thiitharba. ²³ Hakhong ha dongyaba khrip jadi hang gnang thiitharba, marsi marsa ode mih buthu ode sorbaiyaba hembaiyaba ode birbaiyaba dao buthu khrip thiitharba. Phirthima ha dongyabasi khrip jadi thiitharba. Noah ode bo jang baosi dongphayarao seniing thiiyahi goba. ²⁴ Phirthima ha basain jang rjasi gejer di limhi dongba.