¹ Adam ni sahrik surikh buthu ni sainren. Madai, marsi khe sangsaiba ni sainkhali ha, bo jarni saogarilai jasosi marsi khe sangsaiba. ² Miyah masainijikh khe, bo sangsaiba. Madai bonsi ne hamthai riba ode bonsi khe sangsaihi marsi thiba. ³ Maithai jang rjasi maithaithimji maithai Adam sobaha, bo jarni saogarilai jhasosi basa maiba ode basa ni bumu Seth dengba. ⁴ Adam, Seth ni bupha jabani yahon ha Adam maithai jang rjajai dongba. Boni ha basa bisikh badamma hajaiba. ⁵ Adam, maithai jang rjasugu maithaithimji dongba ode hayu jamba. ⁶ Seth maithai jang rjasi maithai bowa sobaha, bo Enosh ni bupha jaba. ⁷ Bo, Enosh ni bupha jaba ni yahon ha Seth maithai jang rjajai maithaisni dongba ode basa bisikh badamma hajaiba. ⁸ Seth, maithai jang rjasugu maithai jigin dongba ode hayu jamba. ⁹ Enosh maithai jang bisabri maithaiji sobaha, bo Kenan ni bupha jaba. ¹⁰ Bo Kenan ni bupha jaba ni yahon ha, Enosh maithai jang rjajai maithaijra dongba. Boni ha basa bisikh badamma hajaiba. ¹¹ Enosh maithai jang rjasugu maithai bowa dongba ode hayu jamba. ¹² Kenan maithai jang bisatham maithaiji sobaha, bo Mahalalel ni bupha jaba. ¹³ Bo Mahalalel ni bupha jabani yahon ha, Kenan maithai jang rjajai bisagin maithai dongba. Boni ha basa bisikh badamma hajaiba. ¹⁴ Kenan maithai jang rjasugu maithaiji dongba ode hayu jamba. ¹⁵ Mahalalel maithai jang bisatham maithai bowa dongba ha, bo Jared ni bupha jaba. ¹⁶ Bo, Jared ni bupha jaba ni yahon ha, Mahalalel maithai jang rjajai maithaithimji dongba. Boni ha basa bisikh badamma hajaibakho. ¹⁷ Mahalalel maithai jang rjajai bisabri maithaijra dongba ode hayu jamba. ¹⁸ Jared, maithai jang rjasi bisatham maithaigin sobaha, bo Enoch ni bupha jaba. ¹⁹ Bo, Enoch ni bupha jaba ni yahon ha, Jared maithai jang rjajai maithai dongba. Boni ha basa bisikh badamma hajaibakho. ²⁰ Jared, habsao ha maithai jang rjasugu bisatham maithaigin dongba ode hayu jamba. ²¹ Enoch, maithai jang bisatham maithai bowa soba ha, bo Methuselah ni bupha jaba. ²² Enoch, Methuselah ni bupha jaba ni yahon ha, bo, Madai jang rjatham maithai dongsmaiba. Boni ha basa bisikh badamma hajaibakho. ²³ Enoch, habsao ha maithai jang rjatham bisatham maithai bowa dongba. ²⁴ Enoch, Madai jang dongsmailaiba, odehe bo thanglaba, bede tikhade Madai, bo khe langlaba. ²⁵ Methuselah, maithai jang rjasi bisabri maithaisni dongba ha, bo Lamech ni bupha jaba. ²⁶ Bo, Lamech ni bupha jaba ni yahon ha, Methuselah maithai jang rjasni bisabri maithaigin dongba. Boni ha basa bisikh badamma hajaibakho. ²⁷ Methuselah habsao ha rjasugu bisatham maithaisugu dongba ode boni hayu jamba. ²⁸ Lamech, maithai jang rjasi bisabri maithaigin dongba ha, bo basa saosi ni bupha jaba. ²⁹ Bo, basa ni bumu khe Noah dengba, thiba, "Ebo de jing khusi dangyaba niprang, dangba jiba niprang, phirthima ha Madai ni sahrithai riyaba niprang lengoma rinang. ³⁰ Lamech, maithai jang rja bowa bisabri maithaijra dongba ha, bo Noah ni bupha jaba. Boni ha basa bisikh badamma hajaibakho. ³¹ Lamech habsao maithai jang rjasni bisatham maithaijisni dongba ode boni hayu jamba. ³² Noah, maithai jang rja bowa maithai dongba ni yahon ha, bo Shem, Ham ode Japheth ni bupha jaba.