¹ Israel, bo jang baosi khrip khe langphatharhi Beersheba ha thangba. Oraha, bo, bupha Isaac ni Madai ne bandai riba. ² Madai, Israel jang hor ha muh nujli jang sainlaiba, thiba, "Jacob, Jacob.' Bo thiba, " Ang eraha dong." ³ Bo thiba, "Angde Madaise, nini bupha ni Madai. Egypt ha thangmane ning dakhin, bede tikhade ang ning khe oraha nini raji gede salamma. ⁴ Ang, ning jang baosi Egypt ha thangphanang, ode ang ning khe asalai tikhabo sugupinnang ode Joseph ning khe naidaonang." ⁵ Jacob, Beersheba niprang baigoba. Israel ni basathu, Jacob,. bonsi ni bupha, bonsi ni ansarao, bonsi ni nobrajikhrao, Pharaoh hairihayaba gari ha sugulangba. ⁶ Canaan raji ha bonsi dongba ha, bonsi niha dongyaba dao mih, ode gibin khebo langphatharba. Jacob jang boni sarikh surikhrao, bo jang baosi Egypt ha phaiba. ⁷ Bo, bo jang baosi boni basathu, basathu ni basathu, bisikhthu, basathu ni bisikhthu ode boni khrip sarikh surikhrao dongbasi khe Egypt ha langphatharba. ⁸ Israel ni basathu, Egypt ha phaiyarao ni bumu jakha: Jacob ode boni sarikh surikhrao, Jacob niha hajaijenyaba Reuben, ⁹ Reuben ni basathu, Hanok, Pallu, Hezron, ode Karmi; ¹⁰ Simeon ni basathu, Jemuel, Jamin, Jakin, Zohar, ode Shaul, Canaanjikh ni basathu; ¹¹ ode Levi ni basathu, Gershon, Kohathg ode Merari. ¹² Judah ni basathu jakha Er, Onam, Shelah, Perez ode Zerah (tikhabo Er jang Onam de Canaan rajiha thiikha. Perez ni basathu jakha Hezron jang Hamul. ¹³ Issachar ni basathu jakha Tola, Puah, Jashub, ode Shimron. ¹⁴ Zebulun ni basathu jakha Sered, Elon, ode Jahleel. ¹⁵ Ebo buthu jakha Paddan Aram ha Leah niha Jacob jang hajaiyarao ode boni bisikh Dinah bo hajaiba. Boniha basa bisikh khrip jang thimjitham hajaiba. ¹⁶ Gad ni basathu jakha Zephon, Haggi, Shuni, Ezbon, Eri, Arodi, ode Areli. ¹⁷ Asher ni basathu jakha Imnah, Ishvah, Ishvi, ode Beriah; ode Sera jakha bahandao. Beriah ni basathu jakha Heber jang Mallkiel. ¹⁸ Ebo buthu jakha Zilpah ni basathu, Laban, jarni bisikh khe Leah ne riyaba, Ebo buthu jakha Jacob niha basathu hajaiyabarao - khrip jang jidoh ¹⁹ Jacob ni nobrajikh Rachel ni basathu jakha Joseph jang Benjamin. ²⁰ On ni jonthaima Potiphera ni bisikh Asenath jang Joseph niha Egypt ha hajaiyaba jakha Manasseh jang Ephraim. ²¹ Benjamin ni basathu jakha Bela, Beker, Ashbel, Gera, Naaman, Ehi, Rosh, Muppim, Huppim, ode Ard. ²² Ebo buthu jakha Jacob jang Rachel niha hajaiyaba basathu - khrip jang jibri. ²³ Dan ni basa jakha Hushim. ²⁴ Naphtali ni basathu jakha Jahziel, Guni, Jezer, ode Shillem. ²⁵ Ebo buthu jakha Jacob jang Bilhah, Laban jarni bisikh khe Rachel ne riyaba niha hajaiyaba basathu. - khrip jang sni. ²⁶ Jacob jang baosi Egypt ha thangphayarao, boni niprang yeryarao, Jacob ni bahamjikhthu khe sainphayahi khrip jang bisatham doh dongba. ²⁷ Egypt ha dongba ha Joseph niha basathu gini hajaiyaba, Jacob ni nohkhor Egypt ha thangyarao khrip jang bisatham ji dongba. ²⁸ Goshen ha thangyaba lama phunurimane Jacob, Judah khe Joseph niha sgang sgang haidaba ode bonsi Goshen ha thangba. ²⁹ Joseph, gorai gari labuhi, boni bupha Israel jang goroinmane Goshen ha thangba. Bo, bo khe nuba jangniing gbaophaba ode budu glao graba. ³⁰ Israel, Joseph khe thiba, "Duhade ang thiilathing bede tikhade ang nini muhkhang nuba maikha, ningde thahnghi dongkho." ³¹ Joseph, boni khaphlungthu khe ode boni bupha ni nokhor buthu khe thiba, "Ang thanghi Pharaoh jang sanlainang, elai thinang, "Ani khaphlungthu ode ani bupha ni nokhor buthu, Canaan raji niprang aniha phaiba. ³² Ebu subung buthude mih raokhiyahraose, bonside dao mih khrangyaraose. Bonsi, bonsi ni dao mih ode bonsi niha dongyabasi khe labutharhise eraha phaiba.' ³³ Pharaoh, nisi khe longhi singma, "Nisila snadi khlaidu?' ³⁴ nisi thima nangma, 'Jing, nini dangyajhsarao jalai niprang duha sosi, jingbo ode jini ajuthubo mih khranghi jiyahraose.' Nisi elai thi, olai tikhase nisi Goshen haphai ha dongba maima bede tikhade dao mih khrangyahrao khe Egyptsaraode rgejaodu.