¹ Judah, sainsibakhali jarni khaphlungthu jang degaolaiba ode saosi Adullamisa, bumude Hiran jang dongba. ² Bo oraha Canaanjikh saosi, bumude Shua jang baosi dongphaba. Bo, Shua khe langhi thangba ode Shua niha thangba. ³ Bo sao khongin jaba ode nana basa maiba. Bo, boni bumu khe Er dengba. ⁴ Bo ar sao khongin jabakho ode nana miya maiba. Bo, boni bumu khe Onan dengba. ⁵ Bo, ar nana miya maibakho ode boni bumu Shelah dengba. Kezib ha dongba ha, bo nana hajaiba. ⁶ Boni ha hajaijenyaba, Er ni khlaihi Judah, nobrajikh maiba. Boni bumu jakha Tamar. ⁷ Er, Judah niha hajaijenyaba, Madai ni muh nojor ha gjai dongba. Madai, bo khe sthaiba. ⁸ Judah, Onan khe thiba, "Nini khaphlungthu ni nobrajikhthu niha thang. Bigimi ni esaph jang ning bonsine khusi dangjrutha, ode nini khaphlungthu ni ansarao khe naiso." ⁹ Ansade boni niya thihi Onan, mithidu. Boni khaphlungthu ni nobrajikhthu niha thangkhabo, bo, boni badathu ne ansarao mairiphuya. ¹⁰ Bo, Madai ni muh nojor ha gjai jaba. Madai, bo khe sthaiba. ¹¹ Odehe Judah, boni bubraling Tamar khe thiba, "Ani basa naga jayasi ning nini bupha ni noh ha banjikh jahiniing dongla." Bede tikhade bo khindu, "Boni khphlungthu thiitharbalai bo bo thiinangthibo." Tamar thanglahi bupha ni noh ha donghiba. ¹² Budu glao ni yahon ha, Shua ni bisikh, Judah ni nobrajikh thiiba. Judah khadema maiba ode Judah jang boni lugu Adullamisa Hirah bonsi gini Timnah ha melma raokhimane thangba. ¹³ Tamar khe thiba, "Naiha, nini bahao, melma raokhimane Timnah ha thangdu." ¹⁴ Bo jarni, banjikhrao ni gainsari langhi thangba ode bo rikhaosa jang khro honba. Timnah thangyaba lamah ni Enaim ni daoglab ha, bo songba. Shelah naga japhaiba khe bo nuba ode tikhabo bo, boni khlaihi nobrajikh smairiyakho. ¹⁵ Judah, bo khe nuba ha, bo, bo khe sao phainjibaiyaba baoba. ¹⁶ Bo, boni rogong ha thanghi thiba, ""Phai, ang khe nini rogong ha phairi." - Bode, boni bahamjikhse thihi mithilaya - ode bo banjikh thiba, "Ning ani rogong ha phaibala, ning ane snadi rima baoba?" ¹⁷ Bo thiba, "Ang ninthane burun jla masi hairihanang." Bo thipinba, "Ning haihayadusi, ning anthane dukhu hadi rima?" ¹⁸ Bo thiba, "Ang ninthane snadi dukhu hadi riphuma?" Tamar thipinba, "Nini wadu jang goda dongyaba khe ane ri." Bo, Tamar ne riba ode bo, Tamar jang thangphaba, Tamar, bo jang sao khongin jaba. ¹⁹ Bo rikhro dangkhlaihi banjikhrao ni gainsari gainba thanglaba. ²⁰ Bo masainjikh niprang, bo ridayaba jinis khe maiphinmane khlaihi, Judah, boni lugu Adullamisa ni yaoha burun jla masi haihaba, tikhabo bo, bo khe goronya. ²¹ Odehe, bo, Adullamisarao khe singba, "Bo sao phainjiyaba Enaimjikhla baraha dong?" Bonsi thipinba, "Erahade sao phainjibaiyaba Enaimjikhde giri." ²² Bo, Judah niha thangphinhi thiba, "Angde bo khe maiyakha. Bo haphai ni subung buthubo thiba, 'Erahade sao phainjibaiyaba masainjikh giri." ²³ Judah thiba, "Ani jinis khe, bo denglathing, jing laji numa mujingya. Tikhabo angla bonthane burun jla masi hairihalabamu tikhabo bokhe ningbo goronya." ²⁴ Badain jang daintham ni yahon ha, Judah niha graojma sainthiphaiba, Nini bahamjikh, Tamarde sao phainjibaikha ode bo sao khoingin jahi dong." Judah thiba, "Bo khe eraha labu ode bo khe saothaikhla." ²⁵ Bo khe labuba ni yahon ha, Bo, boni bahao ne graojma haihaba, "Ang khe sao khongin jariyaba subungde." Bo thiba, "Ebo wadu, godala sereni janang." ²⁶ Judah bo buthu khe mithihi thilakha, "Bo masainjikhde angthanebo gthar jadaokho, bede tikhade ang, bo khe ani basa Shelah ne nobrajikh thihi bo khe yaophayakho." Bo, bo khe mithiyaphinlanglakha. ²⁷ Boniha nana hajaimani bubli japhaibade, boni saoha nana jonjase dongba. ²⁸ Boni ha nana hajaiba ha masiba nana yao baigodaba ode hojaijikh yao ha wadu khaba ode thiba, "Eboniing baigojenyaba." ²⁹ Bo yao sihonba, ode bada baigojenba. Hojaijikh thiba, "Ning bedehe jigaorihi baigokha!" Odejang, boni bumu Perez dengba. ³⁰ Ode yahon ha boni buphlung baigobukha, boni yaoha phanthao bului wadu dongba ode boni bumu Zerah dengba.