¹ Canaan raji ha, bupha dongyaba hahthan ha Jacob dongba. ² Ebo jakha Jacob ni jarmin. Joseph, naga jahi dongba ha maithaijisni maithai jahi dongba ha, badathu jang baosi mih raokhihi dongba. Bo, bupha ni nobrajikhthu, Bilhah ni basathu jang Zilpah ni basathu jang dongphaba. Joseph, bonsi ni basao ha hamyayaba graojma, bupha niha labuba. ³ Basathu dongbasi ni bising ha, Israel, Joseph khe khasaodaothao jaba bede tikhade bo, bo khe ralambai ha maiba. Bo, bonthane majangsisiyaba gainsari suriba. ⁴ Bonsini bupha, bo khe khrip khaphlungthu ni bising ha khasaodaoba khe bonsi nuba. Bonsi, bo khe naisleba ode bo jang grao majangsisi sainlaiya. ⁵ Joseph saomin masi nuba ode bo saomin khe badathune sainthiba. Bonsi, bo khe ar naisledaobukha. ⁶ Bo, bonsi khe thiba, "Ang saomin nuyaba khe khasaohi khna. ⁷ Khna, jing phadain ha mai bede khathaiba, ode ani mai bede baijalangba ode gosong jahi dongba, ode khnakho, nisi ni mai bede phaihi ani mai bede niha gonglaiba" ⁸ Boni badathu, bo khe thiba, "Ning jini basaoha yawaima baoba? Ning gibi jangniing jing khe yawaima baoba?" Boni saomin jang boni grao khe khnahi bonsi ar thampsi baigodaobakho. ⁹ Bo ar gibin masi saomin nubakho ode badathune sainthiba. Bo sainthiba, "Khna, ang ar masi saomin nubakho: sain, dain ode sathrai masni, aniha gonglaiba." ¹⁰ Badathu ne sainthibalai buphanebo, bo sainthiba ode bupha, bo khe joba. Bo thiba, "Ning nuyaba saomninla, sumuni saomin? Nini buma ode ang ode nini badathu nini ha phaihi gonglaima?" ¹¹ Boni badathu, bo khe hingsa jakha, tikhabo boni bupha, grao khe hoihi dengba. ¹² Boni badathu buphani mih buthu khe raokhimane Shechem ha thangba. ¹³ Israel, Joseph khe thiba, "Nini badathu Shechem ha mih raokhiba niya? Phai, ang ning khe bonsi niha haihanang." Joseph, bupha khe thiba, "Ang thangnang." ¹⁴ Bo, bo khe thiba, "Duhaniing thang, bonsi hamhiniing dongthi, mih buthula hamhiniing dongthi, ane graojma labuphin." Odejang, Jacob, bo khe Hebron dibu haphai ha haihaba odehe Joseph, Shechem ha thangba. ¹⁵ subung saosi Joseph khe goronba. Joseph hadao ha daodingbaihi dongba. Bo subung, bo khe singba, "Ningla snadi khe smaiba?" ¹⁶ Joseph thipinba, "Ang ani badathu khe smaiba. Bonsi baraha mih raokhibada, khasaohi thirisang." ¹⁷ Bo subung thipinba, "Bonside era niprang thanglakha, bonsi elai grao thilaiba khe ang khnaba, "Tha, Dothan ha thangnang." Joseph, badathu dongyaba ha thangba ode bonsi khe Dothan ha goronhiba. ¹⁸ Bonsi, bo khe gjain niprang nuhaba ode bo, bonsi ni rogong ha phaiba, bonsi, bo khe sthaimane budi jablaiba. ¹⁹ Boni badathu saosi jang saosi thilaiba, "Naiha, saomin naiba blaiyaba, saomin ni bubara phaidu. ²⁰ Phai, dei jing, bo khe sthainang ode hahkhor ha dangsing hanang. Jing thinang, "Hagra ni mih, bo khe jikha.' Boni saomin bede jadu nainang." ²¹ Reuben, bo grao khe khnaba ode bo, bonsini yao niprang bo khe sgoba. Bo thiba, "Jing boni hayu khe sdamma nangya." ²² Reuben, bonsi khe thiba, "Bithi dahokhlai. Bo khe, hagra ni hahkhor ha dangsingha, tikhabo bo khe saosibo yao dasugu." Elai khlaihi Reuben, bokhe, bonsi ni yao niprang sgohi, bupha niha labuphinmane phasa khlaiba. ²³ Joseph, boni badathu dongyaba ha soihiba ha, bonsi, boni gainsari majangsisiyaba khe jikhaoba. ²⁴ Bonsi, bo khe remhi hahkhor ha lemsinghaba. Hakhor khongja dongba ode dibo giri. ²⁵ Bonsi makham jimane khamba. Bonsi naikhuhabade Gilead niprang Ishmaelsarao dol jang, mih hajeng basao ha, mosala, balm ode myreeh labuhi phaidu. Bonsi Egypt gede daokhlailangba. ²⁶ Judah boni daphlungrao khe thiba, "Jing jarni buphlung khe sthaihi snadi lab maima? ²⁷ Boni basao ha yao suguyahi, phai jing, bo khe Ishmaelsarao niha phainjihanang. Bede tikhade bode jini bphlungse, jini grengniing. Boni khaphlungthu, boni grao khe khnakha. ²⁸ Midiasarao, bepharirao ojang gede lailangba. Joseph ni badathu, hahkhor niprang Josph khe remkhuba. Rangtho makhon jang, Joseph khe bonsi phainjiba. Ishmaelsarao, Joseph khe Egypt ha langba. ²⁹ Hahkhor bising ha, Reuben habsinghiba ode naibade, Joseph hahkhor bising ha giri. ³⁰ Bo, boni khaphlungthu niha phaipinhi thiba, "Ansade oraha giri! Ode ang, angla baraha thangmakho?" ³¹ Bonsi burun dainba ode Joseph ni gainsari khe lahi, gainsi ha burun bithi hutharba. ³² Odehe bonsi gainsari majangsisiyaba khe bupha niha labuhi thiphaiba, "Jing ebo khe maiba. Naisang ebo gainsari nini basa ni niduthi niyathi." ³³ Jacob naihi mithilakha ode thiba, "Ebode ani basa ni gainsarise. Hagra ni mih bo khe waithaikha. Josephde waikhlitharjaonaikha. ³⁴ Jacob, jarni gainsari khe jikhaoba ode jengkhong ha meraiba. Bo, boni basa ni khlaihi basain jang graba. ³⁵ Boni basa bisikhthu, bo khe khadema riba, tikhabo bo khadema maima nangjaoya. Bo thiba, "Tikhabo ang Sheol ha thanghi, ani basa ni khlaihi khabaihi wainsoma." Boni bupha boni khlaihi graba. ³⁶ Midiansarao, bo khe Egypt ni Pharaoh ni gedeba, sonthurirao ni gedeba Potiphar ne phainjiba.