¹ Leah ni bisikh, Jakob jang hajaiyaba Dinah, mala saosi jang goronmane thangba. ² Haphai ni raja, Hivitsa Hamor ni basa Shechem bo khe nuba. Bo, bo khe langhi, bo jang thuphalaiba, bol jang dangjiba. ³ Ode bo, Jakob ni bisikh khe hamjaolangkha ode bo masainjikh jang hamjaolaiba ni grao khe sainlaikha, bo khe hamjaolanglakha. ⁴ Shechem, Boni bupha hamor jang sainlaiba, bo thiba, "Ebo mala khe ani nobrajikh jamane ri." ⁵ Dinah jang bo ul jaba thihi Jakob tharmaikha. Boni basathu hadam ha mih raokhihi dongba ode basathu phaiyadusi bo phrik phrik dongba. ⁶ Shechem ni bupha, Hamor, Jakob jang sainlaimane bo thangba. ⁷ Jakob ni basathu bo grao khe khnahi bonsi phadain niprang phaiba. Bonsi hamseniing dukhu nangkha. Bonsi thampsi baigoba bede tikhade Israel ni bisikh jang ul jahi, Israel khe gusu khlaiba, ebo jathai jama nangyamu. ⁸ Hamor, bonsi jang sainlaihi thiba, "Ani basa hechem nini bisikh khe hamjaodu. Bo khe, bo jang noh songha. ⁹ Jing noh jasinlainang, nini bisikh khe jinthane ri ode jini bisikh khe ning langla. ¹⁰ Ning jing jang baosi dongpha ode ning baraha dongma nangjaodu dongla ode khusibo dangla ode don somphothibo lala." ¹¹ Shechem, boni bupha ode badathu khe thiba, "Nisini basao ha ang khasaoma maithing ode nisi snadi thidu ang rima. ¹² khoina ni khlaihi nisi bislai khalthi ode yaosandi saindu ang rima ode ning snadi gja saindu ang rima tikhabo bo mala khe ane nobrajikh ri." ¹³ Jakob ni basathu Shechem jang boni bupha Hamor khe thokhihi thiba bede tikhade Shechem, bonsi ni bahandao khe gusu khlaiba. ¹⁴ Bonsi, bonsi khe thiba, "Sao singli rajaoyayarao nede jini bahandao khe jingde riphuya; bede tikhade jing gjai jamase. ¹⁵ Ebo grao jangseniing jing riphuma: jing sao singli rajaobalai nisi niha miyarao dongbasi sao singli rajaodu tikhade jing rihanang. ¹⁶ Odehe jing jini bahandao khe ninthane rihanang ode jing nisi jang dongphanang, nisini malarao khe jingbo noh janang, jing nisi jang dongphanang ode jadisi janang. ¹⁷ Tikhabo ning jini grao khnaya ode sao singli rajaoya tikhade jing jini bahandao khe langhi thanglama." ¹⁸ Bonsi ni grao khe Hamor jang boni basa Shechembo bainjaokha. ¹⁹ Naga subung, bonsi thibalai gebrehi khusi dangkha bede tikhade bo, Jakob ni bisikh khe hamjaoba odehe bobo, boni nohkhor ha khripthane khasaojaodaothaoyaba. ²⁰ Hamor jang boni basa thol ni daoglab ha thangba ode thol ni miyarao khe thiba, ²¹ "Ebo subung buthu jing jang hamkhlibi, odebani bonsi ebo hahthan ha donglathing, danglathing jilathing, bonsi dangma jimane hahyam debi. Dei jing bonsi ni bisikhthu khe noh janang ode jini bisikhthu khebo bonsine rinang. ²² Bonsi sao singli rajaobalai, jing miyarao dongbasi sao singli rajaodu tikhade ebo subung buthu jing jang dongmane ode jadisi jamane bainjaodu. ²³ Bonsi ni mih buthu., don somphothi buthu jini jatharnang niya? Dei jing bainjaonang. Ode bonsi jing jang baosi dongthing." ²⁴ Thol ni daoglab ha thangyaraosi khripbo Hamor jang boni basa Shechem ni grao khe khnaba. Thol daoglab ha thangyaraosi khrip miyarao sao singli rajaoba. ²⁵ Sao singli rajaohi sainthamba sosi sajaohi dongba ha Jakob ni basathu gini (Dinah ni badathu Simeon jang Levi) gini jang seng dihi sonthurirao dongyaba thol ha jba dainlaihiba ode miyarao dongbasi khe dainthaitharba. ²⁶ Bonsi Hamor jang boni basa Shechem khe seng jang dainthaiba. Bonsi Shechem ni noh niprang Dinah khe langhi thanglaba. ²⁷ Jakob ni basathu gibin, mahngathi dongyaba ha phaiba ode thol ha jinis dongyabasi khe langtharlaba, bede tikhade subung buthu bonsi ni bahandao khe gusu khlaiba. ²⁸ Bonsini mih buthu khe, mihleng buthu khe ode haphaiha dongyabasi khe bonsi langtharlaba. ²⁹ Bonsi don somphothi khe, ansarao khe, nobrajikhthu khe bonsi gajephtharlaba. Noh ha dongyabasi khrip jadi khe bonsi l; angtharlaba. ³⁰ Simeon jang Levi khe Jakob thiba, "Niside ani basao ha bujuth khlaikha, haphai ni subung Kanaansarao ode Perizzisarao buthude ang khe hamjaoyama jakha. Anide jonkhro bangya. Bonsi graosi lamsi jahi ang jang jba dainlaima phaidu tikhade angde jamlamase, ani nohkhorbo jamtharmase." ³¹ Tikhabo Simeon jang Levi thiba, "Sao phainjibaiyaraolai jini bahandao khe jing Shechem jang noh jarima?"