¹ Jakob naikhuhi, naihabade, Esau phaidu ode bo jang baosi siphayarao rjabri phaiphadu. Jakob, ansarao khe Leah, Rachel ode dangyahjikhrao gini niha ronphaiba. ² Dangyahjikhrao jang bonsi ni ansarao khe sgangthao songriba, bonsi ni yahon ha Leah jang boni ansarao, boni yahon ha Rachel ode yahonthaoha Joseph songba. ³ Bo khripthane sgangthao thangba. Bo, boni bada ni rogong ha soihiyasi hah ha alangsni bilibphaba. ⁴ Esau khailanghi, bo khe goronmane thangba, gorna ha gebphaba ode khudimba. Ode bonsi graba. ⁵ Esau naikhu habade masainjikhrao ode ansarao khe nukha. Bo thiba, "Ebo subung buthu ning jang dongphayaraola sere?" Jakob thiba, "nini dangyahsane, Madai khasaohi ebo subung buthu khe riba." ⁶ odehe dangyahjikhrao, ansarao khe labuhi phaiba, ode bonsi gonglaiba. ⁷ Leahbo ansarao khe labuhi gonglaiba. Yahonthao ha Rachel jang Joseph phaihi gonglaiba. ⁸ Esau thiba, "Elai dol dol jahi sumu jabani ang jang goronphaiba?" Jakob thiba, " Ani gedema ni muh nojor ha khasaoma maimane." ⁹ Esau thiba, "Anthanede jakha, buphlung. Ninthane nangbalalai dengla. " ¹⁰ Jakob thiba, "Niya khasaohi, ning ang khe khasaodu tikhade ani yao ni yaosandi khe ajao bede tikhade ang nini mukhang khe nuba ha Madai ni muhkhang khe nubalai jajaodu ode ning ajaokha. ¹¹ Khasaohi ani yaosandi khe ajao bede tikhade Madai anthane badamma rikha ode aniha bangbikho. Odejang jakob bol sengba ode Esau ajaoba. ¹² Odehe Esau thiba, "Dei jing thangma jakha. Ang nini sgang sgang thangnang.' ¹³ Jakob, bo khe thipinba, "Ani gedema mithidu ansaraode jalaise, ode melma jathing musu burun jathing basa maisaidukho. Bonsi khe bol jang hemridu tikhade thiimase. ¹⁴ Khasaohi ani gedema khe sgang haidaha. ang ar lendaohi hemlanangkho, mih buthu ani sgang sgang thangthing, ode Seir ha gedema niha soihiyasi ansarao jang baosi ang phainang. ¹⁵ Esau thiba, "Ang jang baosi phaiphayarao niprang saosi gini khe ang ninthane galangnang." Tikhabo Jakob thiba, "Sumu ni galangma nangma?" Ani gedema niha angbo kheisa khasaoma mailathing." ¹⁶ Odejang, okhali ni basain ha Esau Seir ha thangpinlaba. ¹⁷ Jakob, Sukkoth ha thangba, jarniing noh dangba, ode mih buthune dongthan salamriba. Odebani khlaihise bo hahthan khe Sukkoth thiba. ¹⁸ Paddan Aram niprang Jakob phaipinba ha, bo Kanaan raji ni Shechem ha hamsisi sophaiba. bo thol gba ha noh dangba. ¹⁹ Ora ha bo, noh dangyaba ha Shechem ni bupha, Hamor ni basathu niha guphu jang rjasi jang hah braiba. ²⁰ Oraha bo hahbim salamba ode bo khe Ei Elohe israel thiba.