¹ Rachel, Jakob jang ansarao maiyaba ni bo, bubi khe naijiya jaba. Bo Jakob khe thiba, "Ane ansarao ri, niya tikhade ang tielama jakha." ² Jakob Rachel ni basao ha thampsi baigoba. Bo thiba, "Ang Madai, angse ning khe ansarao mairiyaba?" ³ Bo thiba, "Oraha ani dangyahsa Bilhah dong. anthane ansarao mairimane boni ha thang, boni gede jahi ang ansarao mailanang." ⁴ Odejang bo dangyahsa Bilhah bonthane nohbrajikh salmaba, ode Jakob bo jang thuphaba. ⁵ Bilhah sao khongin jaba ode Jakob jang basa maiba. Odehe ⁶ Rachel thiba, "madai ani basao ha khasaokha, ang bihyaba khe gainsongkha." Odebani khlaihi bo, bo khe Dan jirikhba. ⁷ Rachel ni dangyahsa, bilhah sao khongin japhinba odehe jakob jang basa maginba maiba. ⁸ Rachel thiba, "Ani bubi laning angbo ansarao maimane ang hamsening dukhu khlaikha."Boni bumu khe bo Naphtali dengba. ⁹ Leah ansarao maiphuyakha thihi mithibani khlaihi, bo boni dangyahjikh Zilpah khe labuhi Jakob ni ni nohbrajikh salamba. ¹⁰ Zilpah, Leah ni dangyahjikh Jakob jang basa maiba. ¹¹ Leah thiba, "Angde hamsening khopal hambi!" Odebani khlaihi boni bumu khe bo Gad dengba. ¹² Leah ni dangyahjikh Zilpah Jakob jang basa maginba maibakho. ¹³ Leah thiba, "Ang hamsening khajadu, "Bede tikhade ang khe khajayaba subung thima." Odehe boni bumu khe bo Asher dengba. ¹⁴ Atha rahi bojom khlaithor ha Reuben thangba ode hadi ha mandrakhthai maiba. Bo mandrakhthai khe bo boni bumane laburiba. Odehe Rachel Leah khe thiba, "Nini basa mandrakhthai labuyaba khe anebo risang." ¹⁵ Leah bo khe thipinba, "Ning ani nohbra khe lalaba, ning lailolo baoba? Duhabo ning ani basa ni mandrakhthai khe lalama baodukho? Rachel thiba, "Olai tikhade nini basa ni mandrakhthai ni khlaihi bo ning jang dini hor thuphaphainang." ¹⁶ Jakob hadi niprang shri lamaiha phaiba. Leah, boni ha thanghi thiba, "Ning ang jang baosi phaiphama nangma bede tikhade ani basa mandrakhthai jang ning khe braikha. Odejang Jakob okhali hor ha Leah jang thuphalaikha. ¹⁷ Madai Leah ni khainsuma khe khnaba, ode Leah sao khongin jahi Jakob jang basa mabowaba maiba. ¹⁸ Leah thiba, "God ani sainruji khe rikha, bede tikhade ang ani dangyahjikh khe ani nohbra ne riba." Bo boni bumu Issakhar dengba. ¹⁹ leah ar sao khongin jabakhoode Jakob jang basa madohba maiba. ²⁰ Leah thiba, "Madai anthane hamba yaosandi rikha. Duhade ani nohbra ang khe mahn khlaima bede tikhade ang bonthane basa madoh mairikha. Bo basa ni bumu Zebulun dengba. ²¹ Boni yahon ha bo bisikh maiba ode boni bumu Dinah dengba. ²² Madai, boni grao khe wainsopinrimane rachel khe longba. Bo, bo khe sao khongin jariba. ²³ Bo sao khongin jaba ode basa maiba. Bo thiba, "Madai ang khe laji sgokha." ²⁴ Bo basa ni bumu Joseph dengba, thiba, "madai anthane ar basa masi risengkhakho." ²⁵ Rachel niha Joseph hajaibani yahon ha, Jakob Laban khe thiba, "Ang khe eraha niprang haikhla, ang ani noha, jarni desh ha thangpinlanang. ²⁶ Ani nohbrajikh buthu khe, ani sah sikh khe, ang nithane dangriyabani, ane riha, bede tikhade ang ninthane bi9slai khusi dangrikha ning mithidu. ²⁷ Laban bo khe thiba, "Nini muh nojopr ha ani basaoha khasaoma dongkhade, jonkho, bede tikhade nini gede jahi Madai anthane ringthai yawaithai rikha." ²⁸ Odehe bo thiba, "Nini sainruji khe sainthila, ang ninthane rima." ²⁹ Jakob bo khe thiba, "ningning mithiladu, ang nini khlaihi bislai khusi dangkha, ar nini dao mih khe bislai sao nanghi naisoba. ³⁰ Ang phaiyasani hade niniha gijisa sening dongba, tikhabo duhala badamma jakha. Ang sumu khusi dangdu Madai ninthane hamthai ridu. Tikhabo duhala angbo jarni nohkhor ni subungrao khe naisolama nangdu. ³¹ Odejang Laban thiba, "Ang ninthane snadi khe rimakho? Jakob thiba, "Ning anthane musi rima nangya. Ning ani khlaihi ebo khusi khe dangridu tikhade nini dao mih khe ang ar raokhipinrinangkho. ³² Dini sainsong sainsi ang nini dao mih khe raokhirinang, mainthi gnang melma jang ode melma gisim buthu khe saikhaotharnang, mainthi gnang burun buthu khe saikhaotharnang. ebo ning ani sainruji jathing. ³³ Ning ane sainruji riphaibahase ang ng gibi gibi khusi dangdu dangyade mithima. buru dongyabasi ha mainthi gnang girire, ode melma gisim girire tikhade ning ang khe khaoba baola. ³⁴ Laban thipinba, "Jadu, ning thibalaining jathing." ³⁵ Okhali ni basain ha, Laban, burun merang jang burun jikh buthu khe gibin saikhaohi, burun gisim buthu khe boni basathune hodaiba. ³⁶ Labanbo, Jakob niha thangba ha saintham nangba. Jakob, Laban ni dao mih khe naisoba. ³⁷ Poplar, Almond ode plan phang bedeb buthu khe Jakob dainba ode bugur khuhi guphu bondo baigoriba. ³⁸ Odehe bo, bondo guphu khe mih buthu ni sgang ha dengba, mih buthu ni digathai ha dengba ode mih buthu di lingphaiba.. Bonsi phaiba jangniing sao khongin jakha. ³⁹ Mih buthu bondo basao ha basa phaiba; mih buthu merang bului buthu khe basa phaiba. ⁴⁰ Melma buthu khe Jakob gibin saikhaoba, ode merang jang gisim malma ni bising ha melma jikhrao khe naidaore; elai jangning Laban jang baosi dengphayahi jarni melma buthu khe gibin dengkhaore. ⁴¹ Bol hamdaoyaba melma basa phaiba ha, melma buthu di lingyaba, bondo ha basa phaimane melma buthu ni sgang ha, Jakob bondo dengre. ⁴² Tikhabo bol giriyaba melma buthu niha dengya. Bol giriyayaba melma Laban ni ode bol bangyaba melma buthu Jakob ni dongre. ⁴³ Jakob hamseniing gnang jakha. Boni ha badamma mih buthu, dangyahjikhrao, ode dangyahsarao, mih hajeng ode mihleng badamma ni bubra jakha.