¹ Abram ni nobrajikh ansarao maiyahi dongba tikhabo boni ha Egyptjikh saosi dangyahjikh dongba, boni bumu jakha Hagar. ² Odejang, Sarai, Abram khe thiba, "Nai, Madaide ang khe ansarao mairiyahi dengdu. Ani dangyahjikh niha khasaohi thang. Boni gede jahi ang ansarao khrangnang." Abram, Sarai ni grao khe khnaba. ³ Abram, Kanaan rajiha ha maithaiji dongba ni yahon ha, Abram ni nobrajikh, Egyptjikh Hagar khe Abram ne yaopha, bonthane nobra nobrajikh ni esap jang yaophaba. ⁴ Odejang, Abram boni ha thangba ode sao khongin jaba. Bo khe sao khongin jaba nuhi bo khe hamsisi sao nangba. ⁵ Odehe Sarai, Abram khe thiba, "Nini khlaihi ang gjai khusi dangma glaikha go. Ani dangyajikh khe ning jang thuphariba ode bo khe sao khongin jaba khe nuhi ang kharaindu. Ning jang ang khe Madai bisar khlaithing." ⁶ Tikhabo Abram, Sarai khe thiba, "Nai, Nini dangyahjikhde nini basao hase, bo khe bede khlaiba hamdaonang ning khlai." Odejang, Sarai, bo khe isisi khlaiba ode bo thanglaba. ⁷ Shur thangyaba lamaha dikhongsa dongyaba hajengkhongling ni dikhongsa ha Madai ni degla, bo khe goronba. ⁸ Bo thiba, 'Sarai ni dangyahjikh Hagar, ning baraha niprang phaiba odehe baraha thangma?" Bo thipinba, 'Ang ani gedemajikh Sarai niprang khaibuba." ⁹ Madai ni degla bo khe thiba, "Nini gedemajikh niha thangpin, ode jar khe boni dokhol ha yaopha." ¹⁰ Ode bo khe Madai ni degla thibakho, "Ang nini sahrikh surikh khe sainsophuyasi badamma yerrima." ¹¹ Madai ni degla bo khe thibakho, "Naila, ning sao khongin jahi dong ode niniha basa hajaima ode ning boni bumu khe Ishmail dengma, bede tikhade nini dukhu hadi khe Madai khnakha. ¹² Bode hagra ni mihlenglai subung jama. Bode khrip khe phaikhongtharma ode khripbo bo jang phaikhong jaoma ode khaphlungthurao jang, bo degaohi dongma." ¹³ Hagar jar khe thilaba, Madai ang khe nuba ni yahon habo ang thanghi dongphalangma, Bo Madai khe thiba, "Ang khe naisoyaba Madaise." ¹⁴ Odebani khlaihi bo Kadesh jang Bered hatho ha dongyaba dikhor khe Beer Lahoi Roi thiba. ¹⁵ Abram ni khlaihi Hagar basa maiba odehe Abram ni basa Hagar niha hajaiyaba ni bumu khe Ishmail dengba. ¹⁶ Abram ni khlaihi Hagar niha Ishmal hajaiba ha Abram maithai jang bisabri maithaido jahi dongba.