¹ Ebo ni yahon ha, Madai ni graothai, Abram niha muh nujli phaihi thiba, "Dakhin, Abram! Ang nini sogoyahse ode ninthane yaosandi gede dong." ² Abram thiba, "Gabara Madai, ning anthane snadi rima, angla ansarao niing maiya, ani noh ni sahrikh surikhla Damascus ni Eliezerse? ³ Abram thiba, "Ningla anthane sahrikh surikh riya, ani noh ha hajaiyabase ani sahrikh surikh jama." ⁴ Go naila, Madai ni graothai boni ha phaikha, thiba, "Ebo subungde nini sahrikh surikh niya tikhabo nini sahrikh surikhde nini saomang niprangse jama." ⁵ Odehe bo Abram khe baji ha labuhi thiba, "Nokhasao ha naikhu, bislai sathrai bangdu, ning sathrai khe sainsophukhade.' Odehe bo, bo khe thiba, "Nini sahrikh surikh olai bangba." ⁶ Abram, Madai khe londu ode gibiyaba subungse thihi sainphajaodu. ⁷ Bo, Abram khe thiba, "Angde Madaise, Ebo hahthan khe ninthane rimane Chaldean ni Ur niprang ning khe labuyaba. ⁸ Abram thiba, "Gabara Madai, Ebo hahthan khe ang mainang thihi ang bedehe mithiphuma?" ⁹ Odehe bo, bo khe thiba, "Ane musu jikhlasa maithaithamyaba masi, burun jikhlasa maithamyaba masi, melma maithaithamyaba masi, daophri masi, daothu masi labu." ¹⁰ Bo, ebo buthu khe bonthane labutharhi phikhaogin phikhaohi baigin gede baoba, tikhabo dao buthu khe bo phikhaogin khlaiya. ¹¹ Dao buthu, bo mih githi buthu khe jima phaiba ha, Abram bonsi khe rikhlaiba. ¹² Sain jro phaiba jangniing, Abram mudri guthu thangba odehe khinthaosisiyaba andar bo khe khinriba. ¹³ Odehe Madai, Abram khe thiba, "Naila, gibin bajini subung buthu, mlai ni sahrikh surikhrao phaima ode maithai jang rjabri maithai leng slamma ode dukhu rima. ¹⁴ Khusi dangyarao ni, bo raji khe ang bisar khlaima ode bonsi khrip jadi ni bubra jama. ¹⁵ Tikhabo nisi, nisini bupha niha santhi jang thangma ode nisi rahi phuhi mahng sjamjaoma. ¹⁶ Jugbriba ha bonsi eraha phaipinma bede tikhade Amorisarao duhabo hamya khusi dangba thaoyakho. ¹⁷ Sain jrohi sahri jaba bubli ha, naila, waikhudi khuyaba, waimijing jengyaba lailangma. ¹⁸ Bo basain ha Madai, Abram jang smai danghi thima, "Nini sahrikh surikh ni khlaihi, Egypt ni dikhong niprang Euphrate ni dikhongma sosi ang ebo hahthan khe ridu. ¹⁹ Kenisarao, Kenizzisarao, Kadmosarao, ²⁰ Hittitsarao, Perizzisarao, Rephaisarao, ²¹ Amorisarao, Kanaansarao, Girgashitsarao ode Jebusisarao ne ridu.