¹ Madai, Abram khe thiba, "Nini raji khe haigerhi, hainthi, nini bupha ni nohyam khe garhi, ang phunuginyaba hahthan ha thang. ² Ang nini raji khe gede salamma ode hamthai rima ode nini bumu khe gede khlaima ode ning hamthai jang gablaiyaba jama. ³ Ning khe hamthai riyarao ne ang bonsine hamthai rima tikhabo sere ning khe maan khlaiya bonsi ne ang sahrithai rima. Nini gede jahi habsao ha khrip nokhorbo hamthai maima. ⁴ Madai jang sanijaobalainiing, Abram thangba ode bo jang baosi Lotbo thangphaba. Haran khe garhi thangba sainkhali ha ⁵ Abram maithai jang bisatham maithaijra jahi dongba. Sarai khe langphahi Abram thangba luguha boni nobrajikh, Lot, buphlung ni nobrajikh bonsi ni jinis dongyabasi, Haran ha dongphayarao khe langhi thangba. Bonsi baigolanghi Kanaan ha thangba, ode Kanaan ha phaiba. ⁶ Abram, Shechem haphai jahi thangphalangba ode Moreh ha soihibba. Bo bubli ha, bo haphai ha Kanaansarao dongba. ⁷ Madai, Abram jang nujaophaihi thiba, "Nini sahrikh surikhrao ni khlaihi ang ebo hahthan khe rima." Madai, bo jang nujaoyaba hahthan ha Abram, Madai ni khlaihi hahbim salamba. ⁸ Ora niprang bo Bethel ni sainja hajikh raji gede thangba ode oraha bo nohsa dangba, Bethel ni sainjroba ode Ai ni sainja gede. Oraha bo Madai ni khlaihi hahbim salamba ode Madai ni bumu khe jirikhba. ⁹ Abram sgangphalang hiniing dongba ode Negev gede thangba. ¹⁰ Bo haphai ha Asari glaiba, odejang Abram Egypt ha donghimane thangba bede tikhade Asari glaiba hamseniing raokha. ¹¹ Bo Egypt ha habsingma jabaha, bo nobrajikh Sarai khe thiba, "nai, ang mithidu ningde hamseniing majangyaba masainjikh se. ¹² Egyptsarao ning khe nuhi thima, 'Ebo masainjikhde boni nobrajikhse,' ode bonsi ang khe sthaima, tikhabo ning khela bonsi dengma. ¹³ Ning thi ningde ani bahandaose, odehe nini khlaihi bonsi ang khe khasaonang ode nini khkaihi ang sthaijaoyahi gonang." ¹⁴ Abram, Egypt ha haphsinghiba ha, Sarai khe nuhi Egyptsarao Sarai khe majangjaoba. ¹⁵ Pharaoh ni rajarao, Sarai khe nuba ode Pharaoh niha sainthiba ode Sairai khe Pharaoh ni noh ha langba. ¹⁶ Sarai ni khlaihi Pharaoh, Abram khe khasaoba ode Abram, Melma, dao mih, mihleng, dangyahsarao, dangyahjikhrao, mihleng jikh ode mih hajeng maiba. ¹⁷ Abram ni nobrajikh Sarai ni khlahi Madai, Pharaoh jang boni nohkhor ni basao ha dukhu hadi glairiba. ¹⁸ Pharaoh, Abram khe thiba, "Ning ani basao ha snadi khusi dangba? Bo masainjikhde nini nobrajikhse thihi sumu jabani ning ang khe sainthiyaba? ¹⁹ Ning sumnu jabani thiba, "Bode ani bahandase; olai thibanise angla bo masainjikh khe ani nobrajikh salamma baoba? Odebani duha, nini nobrajikh khe langphinla. Langhi thangla." ²⁰ Abram jang boni nobrajikh khe haikhlamane khlaihi Pharaoh boni siphayarao khe saniba ode bonsi thanglaba.