9

1 Pathian in Noah le a catei thupha a piak hang, nohten ca tampi hing in leihum ah a dim in um ta un.

2 Sahang ngamsa, vanhum vano a um hempoh hum ah le leihum ah a nung in phia thei mi hempoh, tuipi sung ngasa hempoh nohtei maiah launak tuah hingtawtok haw tuk hi. Mahmi ngamsa te cu nohtei khut sungah keiman ap ing.
3 Nunnnak nei in a phia thei mi hempoh anceh bang in nohten ei tuk mi hi. Na hempoh nangmuhtei lakah keiman ap ing.
4 Mahnaven nunnak tihmi thisan le a sa cu ei pah sin.
5 Nohtei nunnak tihmi nangmuhtei thisan cu keiman ngen tung. Mihing, ngamsa hempoh sungpen keiman ngen tung. Mihing hempoh U le nau sungpen mihing nunnak cu keiman ngen tung.
6 Mihing pakhat in mihing thisan luang tik hi. A thisan cu mihing khut tuah luang tuk hi. Itahumtitale Pathian in a ma mel bang in mihing cu bawl hi.

7 Nohten ca tampi hing ta un. Leihum ah ca tampi cawi ta un hitin, thupia hi.

8 Mahcengten Pathian in Noah le a catei lakah thu a piak mi cu,
9 Nangmuhte tuah in hihen, a heng tuk laih miphun ci le ham hei hihen,
10 Nohtei lakah nunnak a nei mi ngamsa vano, a beem mi ngamsa, sahang hempohmbaw sungpen a suaktul mi ngamsa hempoh tuah hei hihen, keiman thukhaam bawl ing.
11 Nangmuhte tuah thukhaam ka bawl mi cu tuihautungnak hang, ngamsa hempoh siatsuahnak um leh tuk ma toh hi. Leihum siatsuah tukin tuihautung um leh tuk ma toh hi.

12 Mah belsialngawl keimah le nangmuhtei lakah nunnak a nei mi ngamsa hempoh, tu le canawn a catngawlin ka bawl mi thukhaam sialsiahnak tihmi cu,
13 Ka uical cu meingo sungah koih ing. Mahmi uical cu leipi tuah ka bawl mi thukhaam sialsiahnak hi tuk hi.
14 Keiman meingo tuah uap tik in meingo sungah uical cu lang tuk hi.
15 Keiman nangmah le keima laklawh ah thukhaam bawl mi cu phawk tung hi. Mahcengten a bawl mi nunnak a neitu hempoh, nunnak a nei mi ngamsa hempoh tuihautung in siatsuahnak um leh tuk ma toh hi.
16 Meingo sungah uical um tih ka muh hang, Pathian le leihum ah nunnak a nei mi hempoh laklawh ah a um mi kumkhua thukhaam cu keiman phawk tung.

17 Hi thu cu keimah le leihum ah a um mi nunnak a neitutei laklawh ah a catngawl ka bawl mi thukhaam sialsiahnak hitin, Noah cu Pathian in thupia hi.
Noah cate

18 Tembaw sungpen a suaktul mi Noah catei min cu Seth, Ham, Zapheth hi. Ham cu Kanaan pa hi.
19 A muhte cu Noah ca pathum a hihhang, leihum hempoh ah pungzai in um haw hi.

20 Noah cu lo na dehnak thiam in cabit huan bawl hi.
21 Cabit tui a in hang kham in, a buk sungpen puan silhngawl um hi.
22 Kanaan in a pa Ham cu puan silhngawl thacang a um mi cu a muhten a pawlam ah a um mi a U panih te hilh hi.
23 Seth le Zapheth in puan lain a ko hum ah a silh tik cengten, kikleh in a pa cu puan silhngawl thacang a um mi cu khuh haw hi. A mun pawlam ah a tul leh haw hang, a pai puan silhngawl thacang in a um mi cu mu haw ma hi.
24 Noah cu cabit tui a khampha in a khan lawh ten capa nau tabel in bawl hi tih cu thei hi.
25 Kanaan cu tamsaitnak thuak hen. A U tei sila sungah sila in cang ta hen tin, ti hi.

26 Mahcengten Seth in Pathian cu thupha um ta hen. Kanaan cu Seth hi sila in cang ta hen.
27 Pathian in Zapheth cu umnak a kauh tik hang, Seth hi buk sungah um tik hi. Kanaan cu a sila in cang hen hitin, ti hi.

28 Noah cu tuihautung cengten, kum zathum le sawmnga (350) nung hi.
29 A kum zakuah le sawmnga (950) a kim ten thi hi.
Miphun suahkeh dan