8
1
Pathian in Noah cu nunnak a nei mi hempoh le Noah tuah tembaw sungah a um mi nganhing hempoh phawk in hi leihum ah huih theu tik in tui cu cawl hi.
2
A thuk zet mi ciktui khuk te, vanhum kua awng a khah hang nguah zu cu pha hi.
3
Tui cu leihum ah dan kel luang in, ni za le sawm nga a kim ten kiam hi.
4
Ha salih ha, ni hei salih ni in tembaw cu Ararat mual hum ah cawl hi.
5
Ha sawm ha tian tui cu kiam suk dedeuh in mahmi ha thak nikhat ni in mual lek sang te lang hi.
6
Mah ceng ni sawmli a ngei nungten Noah in tembaw sungah tukvelh a bawl mi kongka hong in va ak pakhat cu hah hi.
7
Va ak cu tui hum pen leihum a hulnak tian leng hi.
8
Mah cengten leihum ah tui um le um ngawl thei tuk in khulo pakhat cu hah leh hi.
9
Leihum hempoh ah tui a um laih hang, khulo cu a ke nga tuk a colh nak a muh ngawl ten Noah umnak tembaw lam ah kik leh hi. Noah in a khut dang in khulo a cawi leh cengten a ma um nak tembaw sungah khum hi.
10
Mah ceng ni salih nungten khulo cu tembaw sung pen hah leh leu hi.
11
Taklam huncan ten khulo cu Noah nelah kik leh in, a kam pen olive ceh pet tawng in a thiak kik leh hang, leihum ah tui um ma zo hi tih Noah in thei hi.
12
Mah ceng ni salih nungten khulo cu hah leh leu hi. Mah cengten khulo cu heng kik leh ma hi.
13
Kum zaluk le kum khat ha thak nikhat ni in leihum pi tui kang in a um ten, Noah in tembaw a hum khuh lawl a zoh ten, leihum ko pan in a um mi cu mu hi.
14
Hanih nak, ni kul luan salih ni in leipi cu ko hi.
15
Pathian in Noah nelah a hilh mi cu,
16
Na zi le ca, na mo te tuah tembaw pen tolh un.
17
Na nelah a nung mi ngam sa, va no te, inn ngulh nganhing khoih mite, leihum ah a bop in a vak thei mi ngam sa hempoh leihum ah ca cawi tampi pung zai tukin ngam sa hempoh nangmah tuah suak tul un hitin, Noah cu thupia hi.
18
Mah cengten Noah, a zi, a ca te le a mo te suak tul haw.
19
Inn ngulh nganhing khawih te, a bop in a vak thei mi ngam sa te, va no te, leihum ah a vak thei mi nam kim hempoh tembaw sung pen suak tul haw hi.
20
Noah in Pathian ca biakpiak nak taitan a bawl cengten, a thiangtho mi inn ngulh nganhing a khawih a thiangtho mi va no nam kim sung pen la in, biakpiak nak taitan hum ah mei hal biakpiak nak bawl hi.
21
Pathian in a ngimnam tui cu co in kei man tu nungten mihing tei ca leihum cu tamsiat tuk mang hi. Itahum titale, mihing ten a naupang laih pen pan a ngaihsut nak sia khawng haw zo.
22
Leihum a bo laih ngawl tian anci vawh nak huncan, ancang ngah a ngui khopnak huncan, a dap huncan, khua lum huncan, khal huncan, phalbi huncan bo tuk ma hitin, thupia hi.
Noah le Pathian thukhaam a bawlnak