10

¹ Tuihau tung cengten Noah ca Seth, Ham, Zapheth tei sung pen a suak keh mi tu le canawn thu hi.

² Zapheth ca Gomar, Magog, Madai, Javan, Tubal, Mashech, Tiras hi.

³ Gomar cate cu Ashkenaz, Riphath, Togarmah hi.

⁴ Javan cate cu Elishah, Tarshish, Kittim, Dodanim te hi. ⁵ A mun tuipi mawk Gentile ngam awnphun kim, miphun namkim a um bang in khen haw hi.

Ham tu le canawn

⁶ Ham cate cu Kush, Mizraim, Phut, Kanaan te hi.

⁷ Kush cate cu, Seba, Havilah, Sabtah, Raamah, Sabtechah te hi. Raamah cate cu Sheba le Dedan te hi.

⁸ Kush in ca Nimrod hing hi. A capa cu leihum ah thazang ngilnak a nei tu masabel hi. ⁹ Pathian mai pen thazang ngilnak a nei tu sakap thiam muidin pa hi. Mah hang, Pathian mai pen Nimrod cu thazang ngilnak a nei tu sakap thiam muidin pa tin, ti hi. ¹⁰ A uknak ngam a masabel cu Shinar ngam sungah a um mi Babel khuapi, Erech khuapi, Accad khuapi, Calneh khuapi hi. ¹¹ Mah ngam pen Asshur ngam ah hawh in Ninaveh khuapi, Rehoboth khuapi, Calah khuaipi hei hihen, ¹² Ninaveh khuapi, Calah khuapi laklawh pen Reson khuapi ngeng zet toh hi.

¹³ Mizraim cate cu Ludim, Anamim, Lahabim, Naphtorim te hi. ¹⁴ Patrusim, Casluhim, (Philistine pen a suak tul mi), Caphtorim te hi.

¹⁵ Kanaan capa Upa bel cu Sidon hi. Mah cengten Heth hi. ¹⁶ Mah cengten Jebus mi, Amoriah mi, Girga mi, ¹⁷ Hiv mi, Arka mi, Sin mi, ¹⁸ Arvad mi, Zema mi, Hamat mi hi. Mah cengten Kanaan miphun namkim pungzai in um haw hi. ¹⁹ Kanaan miphun tei umnak ngam cu Sidon khuapi pen Gerar khuapi, Gaza khuapi tian, mah cengten Sadom khuapi, Komorrah khuapi, Admah khuapi, Zebo khuapi kal Lasha khuapi tian hi. ²⁰ A muhte cu miphun dang ci hah tu awndang a tuam tek in, ngam hempoh ah a um mi Ham cate hi.

Seth tu le canawn

²¹ Zapheth nau, Hebru miphun hempoh tei pa, Shem in ca tampi hing hi.

²² Shem cate cu Elam, Asshur, Arphax, Lud, Aram te hi.

²³ Aram cate cu Uz, Hul, Gether, Mash te hi.

²⁴ Arphax ca Salah hi. Salah ca Eber hi.

²⁵ Eber in ca panih hing hi. A pakhat cu Paleg hi. Itahum titale a ma huncan sung in ngam khen haw hi. A nau cu Joktan hi.

²⁶ Joktan cate cu Almodad, Sheleph, Hazarmaveth, Jerah, ²⁷ Hadoram, Uzal, Dikla hi. ²⁸ Obal, Abimael, Sheba, ²⁹ Ophir, Havilah, Jobab a mu veng hawng Joktan cate hi.

³⁰ A muhtei umnak cu Mesha khuapi pen nisuah nak lam Sephar mual tian hi. ³¹ A muhte cu miphun nam dang ci hah tu, awndang a tuam tek in ngam hempoh ah a um mi Seth cate hi.

³² Hi thu cu Noah tu le canawn tei sialsiah nak cazin hi. A muhte cu tuihau tung cengten hi leihum ah a tuam tek in uknak ngam din haw hi.

Babilon khantian a cimnak