5
1
Adam tu le canawn tei cazin cu mihing a bawl mi huncan in a ma mel bang Pathian in bawl hi.
2
Pano le numei bawl in thupha pia hi. A bawl mi ni in a muhte cu Adam tin sam hi.
3
Adam cu a kum za le sawmthum (130) a kim ten a ma mel bang capa hing hi. A min cu Seth tin sa hi.
4
Seth a hin cengten Adam cu kum zaliat (800) nung in canu le capa te hing hi.
5
Adam cu a kum zakuah le sawmthuam (930) a kim ten thi hi.
6
Seth cu a kum za le kum nga (105) a kim ten capa Enos hing hi.
7
Enos a hin cengten Seth cu kum zaliat le kum salih (807) nung in capa le canu te hing hi.
8
Seth cu kum zakuah le heinih (912) a kim ten thi hi.
9
Enos cu kum sawmkuah (90) a kim ten capa Kanan hing hi.
10
Kanan a hin cengten Enos cu kum zaliat le kum hei nga (815) nung in capa le canu te hing hi.
11
Enos cu a kum zakuah le kum nga (905) a kim ten thi hi.
12
Kanaan cu a kum sawm salih (70) a kim ten capa Mahalaleel hing hi.
13
Mahalaleel a hin cengten Kanaan cu kum zaliat le sawmli (840) nung in capa le canu hing hi.
14
Kanaan cu a kum zakuah le kum sawm (910) a kim ten thi hi.
15
Mahalaleel cu a kum sawmluk le kum nga (65) a kim ten capa Zared hing hi.
16
Zared a hin cengten Mahalaleel cu a kum zaliat le sawmthum (830) nung in capa le canu te hing hi.
17
Mahalaleel cu a kum zaliat le sawmkuah le pa nga (895) a kim ten thi hi.
18
Zared cu a kum za le sawmluk panih (162) a kim ten capa Enoch hing hi.
19
Enoch a hin cengten Zared cu a kum zaliat (800) nung in capa le canu te hing hi.
20
Zared cu a kum zakuah le sawmluk panih (962) a kim ten thi hi.
21
Enoch cu a kum sawmluk panga (65) a kim ten capa Methusehla hing hi.
22
Mathusehla a hin cengten a kum zathum (300) sung Pathian tuah hawh ngel in capa le canu te hing hi.
23
Enoch cu a kum zathum le sawmluk panga (365) a kim ten thi hi.
24
Enoch cu Pathian tuah langkhat in hawh ngel hi. Mah cengten a mah cu um ma hi. Itahum titale, Pathian in a laak hang hi.
25
Mathusehla cu a kum za le sawmliat le salih (187) a kim ten capa Lamech hing hi.
26
Lamech a hin cengten Methusehla cu a kum za salih le sawmliat le panih (782) nung in capa le canu te hing hi.
27
Methusehla cu a kum zakuah le sawmluk le kum kuah (969) a kim ten thi hi.
28
Lamech cu a kum za le sawmliat panih (182) a kim ten capa hing hi.
29
A mah cu Pathian tamsiat mi lei lung bawl in cim zet a thuak tu ohte cawl dam tik tupa hi tuk hitin, a mah cu Noah tih mi a min sa hi.
30
Noah a hin cengten Lamech cu kum za nga le sawmkuah panga (595) nung in capa le canu hing hi.
31
Lamech cu a kum za salih le sawm salih le salih (777) a kim ten thi hi.
32
Noah cu a kum za nga (500) kim hi. Noah capa cu Seth, Ham, Zaphet hi.
Tui hau tung in thukhen nak