4
1
Mah cengten, Adam in a nupi Evi pawl in a naupai hang, Kain a muhten Pathian mihing cu mu zo ing hitin, ti hi.
2
Mah cengten a nau Abel hing hi. Abel cu tuu cing hi. Kain cu lo bung hi.
3
Hun can a kim ten, Kain cu Pathian nelah biakpiak nak nei tukin lei pen a suak mi a ngah te keng hi.
4
Abel cu a tuu hon sung pen a masa bel a hing mi a ca hekkhat le tuu a thau te keng hi. Pathian in Abel biakpiak nak cu sang hi.
5
Kain biakpiak nak cu sang ma hi. Mah hang, Kain cu a thin uuk zet in a mit mai pha ma hi.
6
Pathian in, nang ita thinuuk kam tin, ti hi. Ita mitmai pha ngawl in um nge cim?
7
Nang cu a pha mi na bawl tale sang ngawl in um tuk maw. Pha zet in na bawl ma tale sual hah biakpiak nak nganhing cu kongka bul ah bop in um hi. A man na deihnak ah a zui hang, nangman a mah uk hitin, Kain cu thupia hi.
8
Kain in lo ah hawh nung hitin a nau Abel cu sam hi. Lo a hen ten a nau Abel cu hauhphuan bawl in that hi.
9
Pathian in na nau Abel i lai ah um hum tin Kain cu a dot ten thei kha mang hi. Kei cu ka nau cing tupa hi ing maw tin, don hi.
10
Pathian in nang cu itihbang in bawl kam? Na nau thisan aw cu leipi sung pen keimah sam in um zo hi.
11
Mah a hih hang, na nau thisan thuak tuk in a kam a kau mi leipi tamsiat nak cu nangman thuak zo ci.
12
A tu pen pan in lei pen na dehnak bang ancang ngah a ngui te um tuk ma hi. Hi leihum ah a taivai mipa, mun hempoh ah vakvai mipa in cang tuk ci tin, thupia hi.
13
Kain in ka sualnak hah sak theih ngawl tian in ngeng hima maw?
14
Kei cu leipi a pawlam ah tuni in hawlvawk zo hi. A mitmai hei mu mang hi. Hi leihum ah a taivai mipa mun hempoh ah a vakvai mipa hi tung hi. A mu tu hempoh ten kei mah that haw tuk hitin, Pathian nelah hilh hi.
15
Pathian in mah tihbang a hih hang, Kain a that tu cu a let salih sual dantat nak thuak tuk hitin a tih cengten, Kain a tawk tu pakhat no hei in that tuk ngawl in Pathian a ma sungah sialsiah hi.
16
Kain cu Pathian nel pen tul in Eden huan nisuah nak lam Nod ngam ah um hi.
17
Mah cengten, Kain cu a nupi tuah pawldun in nau a pai hang capa Enoch hing hi. Kain in khuapi din in, a capa himin tuah a khawthu mi khuapi cu Enoch khuapi tin sam hi.
18
Enoch capa Irad, Irad capa Ma-hu-ja-el, Ma-hu-ja-el capa Methusael, Methusael capa Lamech.
19
Lamech in zi panih huai hi. Pakhat cu Adah hi. A pakhat saw min cu Zillah hi.
20
Adah in capa Jabal hing hi. A capa cu deubuk sungah a um tupa tuu le khui tih bang a ngul tutei pa in cang hi.
21
Jabal tih mi a nau pa cu phaidak namkim, organ lam tum thiam tutei pa in cang hi.
22
Zillah in Tubal Kain cu hing hi. A mah cu thik dal khut thiamnak lam, pumsu thiam tu hempoh tei pa in cang hi.
23
Lamech in Adah le Zillah ka hilh mi aw cu sialsiah ta un. Lamech nupi te aw, ka awnkam thu ngai un. Kei mah a khengkha tu mihing pakhat tih mipa kei mah bawlsiat tu tangval pakhat cu kei man that zo ing.
24
Kain in a let salih a thuak tale Lamech in a let sawm salih let salih in thuak tuk hitin a nupi te hilh hi.
25
Adam cu a nupi tuah a pawl dun leh cengten, capa hing in Seth tin a minsa hi. Itahum titale, Kain that tu Abel ai in miphun namkhat cu kei ma ca Pathian in a sehsa a piak mi hitin, ti hi.
26
Seth in capa hing in Enok tin a min sa hi. Mah huncan in Pathian min suang biak nak nei pan haw hi.
Adam pen Noah khang tian