49
1
Mah ten Jakop in a cate sam in nohten hulopkhawm un. Tu nung ten, nohtei sungah a heng tuk mi thu te keiman hilh tung hi.
2
Jakop in cate aw, hulawmkhawm in za ta un. Isarel hi awnkam cu ngai un.
3
Reuben aw, nang cu ka capa U pa bel, ka thazang ngilnak, ka thazang a patnak, a sang bel huham, a sang bel mi huham hi ci.
4
Mah naven tui bang a lun mi lungmu na neih hang, a cuang in phatnak ah heng tuk ma ci. Itahum titale, nang cu na pai zaunak humah kai in bal tik ci. Ka zaunak humah kai zo ci.
5
Simeon le Levi cu U nau hi. Sualnak cu a ngaihsut nak bang bawl haw zo hi.
6
Ka hawvang cu a muhtei sel mi thu sungah tum ma hi. Ka minthan nak cu a muhtei hulop nak mun ah pawlkom nak um ma hi. A muhtei thinuuk nak hang mi that haw hi. A deihnak ah zui in khuapi siatsuah haw zo.
7
A mun nasezet thinuuk, hang zet thinuuk tamsiat nak thuak ta hen. Jakop miphun, Isarel miphun sungah a muhte cu kei man khenkek tik tung.
8
Judah aw, nang cu U le nau tei thangphat mi hi tuk ci. Na khut cu na ngal tei ngawg ah um tuk hi. Na pai caten na mai pen a lukun haw tuk hi.
9
Judah cu pawpi no bang hi. Ka capa nang cu man in a pet ei thei mi hi tuk ci. A bok in um tuk ci. Pawpi bang in hihen, pawpi la bang a bok in vak thei tuk ci. A kon sosuah ngam tuk hum?
10
Shiloh ah hen laih ngawl in cei cu Judah nelpen hihen, kumpi thu cu a miphun sung pen hihen thawn tuk ma hi. Shiloh ah miphun hempoh te hulawm haw tuk hi.
11
A laak cu cabit kung sungah in hihen, laak no cu a sunglawi bel mi cabit kung sungah in hihen, ken cih in a silh mi puan cu cabit ngah thisan tih mi cabit tui tuah sawp tuk hi.
12
A mit cu cabit tui bang san tuk hi. A ha cu khuinawi bang ngo tuk hi.
13
Zebulun cu tuipi bulah um in, tembaw colhnak mun hi tuk hi. A ngam cu Sidon ngam tian zal tuk hi.
14
Isschar cu mual lak lawh ah op in thazang a nei mi laak hi.
15
Dai denno umnak mun cu pha in lei ngampha a muh hang, a ko hum ah kolhak pua in siah a pia tu sila hi tuk hi.
16
Dan cu Isarel miphun pakhat bang in a miphun te thukhen tuk hi.
17
Dan cu lamzin ah a um mi ngul bang tuk hi. Cipuh khung tu cu a nungah lum tik tuk lamzin lakah um in, laak ke a cik thei mi ngulsia in cang tuk hi.
18
Pathian aw, nunpat hehpih nak cu kei man muansan nak nei ing.
19
Gad cu ngal ten a mah do in a man do leh tuk hi.
20
Asher sungah a cang mi an cu a uuknak tuah dim in, kumpi eih tuk namkim pia tuk hi.
21
Naphtali cu a mawi mi a kangkak tuah dim in, cihthiam nak awnkam pia thei tuk hi.
22
Josep cu a dam mi thingkung, tuikhuk bulah a dam mi thingkung hi. A kangkak ten khantian nak kal haw tuk hi.
23
Thal kap thiam ten a muhte cu hua in bawlsiat nak tuah kap haw tuk hi.
24
Mah naven, a thal cu dol tuk ma hi. A man mi ngal hiamnam te cu Jakop miphun sungah huham a ngeng bel mi Pathian khut tuah in hihen, tuu khal tu Isarel miphun suang in hihen,
25
Nangmah bawm tu na pai Pathian hang in hihen, nangmah thupha a pia tu a huham thawmngeng nak tuah khozet in um hi. Pathian in vanhum thupha, lei nuai ah a um thupha, capa sunglawi tuah a seng mi thupha, pumpi tuah a seng mi thupha tuah nangmah cu thupha pia ta hen.
26
Na pai piak mi thupha cu kumkhua mual sungah a cang mi thupha muicu, kumkhua mual hum ah a deih awh huai mite sang pha saw hi. Mahmi thupha cu Josep luhum, a U tei sungah Upa a himi a ma luhum lekah heng ta hen.
27
Benjamin cu longdun in a ei thei mi cingne bang tuk hi. A mat mi zinglam huncan ten pet in, a lon mi te vang zanlam ten sem leh tuk hitin, ti hi.
28
A muhte cu Isarel miphun heinih te hi. Hi awnkam thu cu a muhtei pai son mi a hih hang, a muhtei co mi tek thupha bang in thupha a piak mi awnkam hi.
Jakop thihnak
29
Mah cengten, ka miphun tei hulopkhawm nak mun ah kei cu hawh tung. Hit miphun, Ephron lo sungah a um mi leikua sungah ka pa te tuah kei cu phum un.
30
Kanaan ngam Mamre khuapi mai Mach-pelah lo a pawlam ah a um mi leikua cu Abraham a ma khanmual tuk in Hit miphun Ephron nelpen lei zo hi.
31
Leikua sungah Abraham le a nupi Sarah cu phum haw zo. Isak le a nupi Rebekah phum haw zo hi. Leah vang kei man phum zo ing.
32
Mah leikua sungah a um mi a pawlam lo cu Heth miphun mai ah lei zo hitin, thucah hi.
33
Mah tihcun Jakop in a cate thu a cah khawng cengten, a ke cu zaunak hum ah a koih leh ten, a nunnak bo in a miphun umnak mun ah heng hi.