48
1
Mah cengten Josep in a pai dam ngawl thu a zak hang, capa panih Manasseh le Epharaim cu pui in hawh hi.
2
A capa Josep a hennak thu cu Jakop in a zak ten thasuah in zaunak humah khung hi.
3
Mah ten Jakop in thawmngeng Pathian in Kanaan ngam Luz khua sung pen ka nelah lang in thupha a piak hang,
4
Kei man nangmah cu khang to tik tung. Nang cu miphun tampi cang tik tuk hi. Na miphun tu le canawn ten hi ngam cu a cat ngawl co tuk kei man pia tung hitin, ti hi.
5
Na umnak Izip ngam na hen laih ngawl in Izip ngam sungah na neih mi capa panih Epharaim le Manasseh cu ka capa hi tuk hi. Reuben le Simeon te bang ka capa hi tuk hi.
6
Mah cengten na neih leh mi cate cu nangma ca a hih hang, a lo co nak ah a U tei min tuah sam haw tuk hi.
7
Kei cu Padanaram umnak pen hen mi huncan Kanaan ngam sungah khualzin in, Ephareth khuapi tuah a nai hang, na nu Rachel cu ka bul pen thi hi. A thihnak mun Betlehem tih mi Ephareth khuapi hawhnak lamzin ah phum hitin, Josep cu ti hi.
8
Isarel in Josep cate a zoh hang, a muhte cu a kua te hum tin a dot ten,
9
Josep in hi ngam sungah Pathian piak mi ka capa hitin a pa cu a tih ten, a pan ka nelah hung tik in hi. A muhte cu thupha pia tung hitin, ti hi.
10
Isarel cu a kum ham a mit thim khua mu ngawl toh hang, a cate cu a bul ah nek tikin pom in nam hi.
11
Isarel in kei cu na mitmai hei mu tuk in ngaisung mang hi. A tuin na cate hei cu Pathian in lak zo hitin, Josep cu ti hi.
12
Josep in a cate cu a pai khuk lak lawh pen suah in a pai mai pen a lukun tik hi.
13
Mah cengten Josep cate pui in Epharaim cu a taklam khut tuah len in, Isarel in a veilam khut tuah in hihen, Manasseh cu a veilam khut tuah len in Isarel cu a taklam khut tuah in hihen nek tik hi.
14
Manasseh cu capa U pa saw hi naven, Isarel in a khut cu zak in cihthiam nak tuah thu hilh in a nau ta saw pa Epharaim luhum ah a taklam khut a ngak ten, a veilam khut cu Manasseh luhum ah nga hi.
15
Josep cu thupha pia in kapa Abraham le Isak biak mi Pathian, ka nun sung hempoh tu ni tian a cam tu Pathian,
16
Ka haksat nak hempoh pen pan tu vancung mi cu hi naupang te thupha pia in. A muhte cu ka min tuah in hihen, kapa Abraham le Isak min tuah sam bet ta hen. A mun hi leihum ah khang to in um haw ta hen tin, ti hi.
17
A pan Ephraim lu hum ah a ngak mi cu Josep in a muh ten lungkim ngawl in,
18
Hi ma hi kapa, a mah cu capa U pa saw hi. A ma luhum ah taklam khut nga in hitin a pai khut cu Ephraim luhum pen Manasseh luhum ah thek tuk in dang hi.
19
A pan el in kei man thei ing hi ka capa, kei man thei ing. A mah cu miphun ngengpi in cang tuk hi. Mah naven, a nau cu a mah sang ngeng saw a hih hang a miphun te cu mihon tampi in cang tuk hitin, ti hi.
20
Mah cengten Pathian in nangmah cu Ephraim bang in hihen, Manasseh bang in hihen, cang ta hen hitin Isarel miphun te nangma hang thupha pia haw tuk hitin mahmi ni in a muhte cu thupha pia hi. Mah tihcun Manasseh mai ah Epharaim cu umnak pia hi.
21
Isarel in kei cu thi tuk toh ing. Mah naven Pathian cu nohtei lamah a um hang, nohtei pu le pa tei umnak mun ah pui leh tung hi.
22
Mah bek sial ngawl na U te piak mi sang in nangmah a tam saw a piak mi thu cu ka nam, ka thal tuah Amor miphun tei khut sung pen suahcak nak thu, nangmah cu kei man pia ing hitin, Josep cu ti hi.
A cate Jakop thupha piaknak