42
1
Izip ngam sungah ancang a um thu cu Jakop in a zak ten, nohten ita pakhat le pakhat zo in um uh kam?
2
Izip ngam sungah ancang a um thu cu kei man thei zo ing. Ohte cu thi ngawl nung tuk in mahmi ngam ah hawh in ohtei ca tuk lei un hitin a cate cu a tih ten,
3
Josep U heikhat ten ancang lei tuk in Izip ngamah hawh haw.
4
Josep nau Benjamin cu a U te tuah Jakop in hawh phal ma hi. Itahum titale, a ma nelah haksat nak heng kha tuk hitin, lau hi.
5
Mah cengten Kanaan ngamah ningkial pamtung nak hang, Izip ngamah a heng mitei sung pen Isarel cate vang cu ancang lei tuk in heng haw.
6
Josep cu ngam uktu a hih hang, ngam sung mihing hempoh an zuak nak thu nei tu hi. Josep a U te cu heng in a mai ah lukun in um haw hi.
7
Josep in a U te cu a muh ten thei hi. Mah naven thei ngawl bang hangzet otpih in nohte i lai pen hung uh kam tin, dong hi. A mun, ancang lei tuk in Kanaan ngam pen heng ung hitin, don haw.
8
Josep in a U te thei naven a mun Josep cu thei haw ma hi.
9
Josep in a muhtei thu a muh mi thu le a muh mi mang te phawk in nohte cu thuvil tute uh ci. Uknak ngam sungah thanem nak mun zo tuk in heng uh ci tin a tih ten,
10
A mun, hima hi topa aw, Topa sila ten ancang lei tuk in heng ung hi.
11
Kohte cu mihing pakhat cate ung hi. Midik cang mi vang hi ung hi. Topa sila te thuvil tu hima ung hitin, don haw hi.
12
Josep in hi tuk ma uh ci. Uknak ngam sungah thanem nak zo tuk in heng uh citin, tih leh leu hi.
13
A mun topa sila ten mihing pakhat bek tih mi U nau heinih um ung. Nau ta bel cu kapa uh tuah a tuin um hi. Pakhat cu um ma hitin a tih leh ten,
14
Josep in nohte cu thuvil tute uh ci tin ka tih nak thu cu,
15
Nohte itihbnag in cul tuk hum tih cu a naubel pa a heng ma tale Pharaoh kumpi a nun nak bang, nohten hi munpen suak tul thei tuk ma uh ci.
16
Nohtei awnkam thu man le man ngawl dong in le thei tuk in, nohtei sung pen mihing pakhat cu hah in na naupa cu hen pih un. A dang te cu thawng innsung ah koih tuk. Mah ahima tale Pharaoh kumpi a nun bang a thungai in nohten thuvil tute uh ci tin a tih ten,
17
A U hempoh te cu nithum sung kol bulh hi.
18
Nithum a kim ten Josep in a muhte sam in kei cu Pathian a lau tupa ing hi. Mah hang, nang muhte nunnak pia tuk in a bawl mi thu cu,
19
Nohten midik cang a man tale nohtei U nau sung pen pakhat cu thawng innsung ah um hih tuk in, a dang te cu hawh ta un. Inn sungsang ah ningkial pamtung nak hang ancang cu la in hawh ta un.
20
A nau ta bel pa cu ka nelah hetpih un. Mah tin na bawl tale nohtei awnkam man tuk hi. Nohten thihnak pen luat tuk uh citin a tihbang in a mun bawl haw hi.
21
Mah cengten pakhat le pakhat a son mi thu cu a thungai in ohten nau ta bel thu ah sualnak ngeng pi nei hung hi. A man ohte cu hehpih nak a nget ten a thinkham nak ohten mu napi in a thungai ngawl in um hung hi. Mah hang hi thu cu ohtei humah a tuin heng zo hitin pakhat le pakhat son li haw hi.
22
Reuben in na nau cu sual bawl pah sin hitin kei man ti ma ing maw. Nohten thu na ngaih ngawl hang, a thisan hang a tuin thukhen nak co leh uh ci tin, don leh hi.
23
Mah tihcun a muhtei son mi awnkam cu Josep in thei tuk hitin a mun ngai sung haw ma hi. Itahum titale Josep cu awnlet in a muhte a son theih hang hi.
24
Mah ten Josep cu a muhtei lakpen dawm laih no kang in kap hi. Mah cengten hung leh in a otpih cengten Simeon cu a muhtei sung pen la in a muhtei mai ah ken hi.
25
Mah cengten a muhtei dip te cu ancang a dim than in, a muhtei sum vang a muhtei dip sung tek ah koih tik tuk in hihen, lamzin lakpen eih tuk pia tik tuk in hihen thu a piak hang a muhtei sungah bawl hi.
26
A muhte vang laak humah ancang koih in hawh haw.
27
Ngiah buk a hen haw ten mihing pakhat in laak cu an pia tuk a dip sung a hon ten, a dip sungah a um mi sum cun cu mu hi.
28
A U nau ten ka sum cu koih leh zo hi. Zo un, dip sungah um hitin a tih ten, a mun a thin kiam in a lau hang, ohtei sungah Pathian bawl mi thu cu ithu cang tuk nen tim tin, pakhat le pakhat son li haw.
29
Kanaan ngam a pa Jakop nelah a hen ten a muhtei sungah a cang mi thu hempoh a son haw mi cu,
30
Mah ngam uktu in hang zet otpih in kei muhte, mahmi ngam sung thuvil tu hitin, ngaisung hi.
31
Keimun, kohte cu midik cang mite ung hi. Thuvil tu hima ung hi.
32
Pa pakhat bek ca, U nau heinih um ung. Pakhat cu um ma hi. A nau ta bel cu Kanaan ngam sungah kapa tuah um haw hitin a tih ten,
33
Mahmi ngam uktu topan midik cang hihnak cu itihbang in keiman thei tuk hing ngim tin a tih ten, nohtei U nau sung pen pakhat cu ka nelah tang hih tik un. Nohtei inn sung sang ah ningkial pamtung nak hang an cu la in hawh ta un.
34
A nau ta bel cu ka nelah hetpih un. Mah tin bawl tale nohten thuvil tu hi ngawl in mi dikcang hihnak thu cu keiman thei tung hi. Nohtei U le nau te vang keiman ap leh tung hi. Nohten uknak ngam sungah sum bawl in zuak leh tuk uh ci tin a tih mi thu cu a son cengten,
35
A muhtei dip sung pen ancang a suah ten, a muhtek tuah a seng sum cun mi cu a muhtei dip sungah um hi. Sum cun te cu a pa tuah a muhten lau haw hi.
36
A pa Jakop in nohten na nguk uh mi hi. Josep um ma, Simeon le um ma, Benjamin vang la leu nuam laih hi. Hi thu hempoh cu kei mah tuah a do un mi hitin, a muhtei lakah ti hi.
37
Reuben in kei man Benjamin cu pai nelah pui leh thei ma tale kei mu panih cu that in hi. A mah cu ka khut sungah ap in. Kei man kapai nelah pui kik leh tung hitin a pai nelah ti hi.
38
A pan nang muhte tuah ka capa cu hawh thei ma hi. A U le thi zo. A mah pakhat bek tang hi. Nohtei hawhnak lamzin pen a ma nelah haksat nak a heng tale nohten ka sam ngo cu thasiat nak tuah thihnak ngam sungah heng tik tuk uh ci tin, ti hi.
Izip ngam ah a veinih nak khualzin