41
1
Mah ceng kumnih nung ten Pharaoh kumpi mang a mat mi a mah cu ngun tui pi bul ah ding hi.
2
A thuang mawi zet mi khui thau zet salih cu nguntui pi sung pen tul in, nguntui pi bulah a po mi hampa ei haw hi.
3
Mahmi khui tei nungpen a thuang mawi ngawl a ngawmzet mi khui salih te cu nguntui pi sung pen tul in, a masa khui tei bul tuipi mawk humah ding haw.
4
A thuang mawi ngawl a ngawm zet mi khui ten, a thuang mawi zet a thau mi khui salih te ei haw hi. Pharaoh kumpi cu khanglo hi.
5
Mah cengten hihbu leh in mang a mat leh mi cangkung pha zet cangngui salih cu cangkung pakhat sungah um haw hi.
6
Mah cengten cangkung a neu hang, nisuah nak lam huih tuah a siat mi cang ngui salih cu po hi.
7
Cankung a neu mi cang ngui salih cu a cang ngeng a pha mi cangngui salih ten ei haw hi. Pharaoh kumpi cu khanglo in mang hi tih thei hi.
8
Zinglam huncan a hen ten Pharaoh kumpi cu a thinkham in, Izip khut lam zo thiam cihnak a nei tu hempoh sam in a mang cu let tik hi. Mah naven a mai pen a tihnop nak a hilh thei tu pakhat no hei um ma hi.
9
Mah cengten cabit tui khuathai bawi in kei man ka sualnak tu ni in phawk ing.
10
Pharaoh kumpi in kei mah le moh bawl tu bawi cu a thinuuk in, inncing tu bawi pai innsung ah kol a bulh ten,
11
Kei mu panih tuah a seng mi mang pakhat ve ve a tihnop nak a cangkim mi mang cu zankhat sung in mang man ung.
12
Kohtei sungah inn cing tupai sila Hebru tangval pakhat um hi. A man kei muhte hilh in a man mang a tihnop nak sialsak hi. Pakhat ve ve hi mang mat mi bang in sial hi.
13
A sial nak bang in man hi. Kei cu ka na deh kel ngah leh in moh bawl tu bawi cu taak co hi.
14
Mah cengten Pharaoh kumpi in mihing hah in Josep cu sam tik hi. Josep cu thawng inn sung pen man lang zet suah in khamul met, a van silh a thek cengten a ma nelah lut tum hi.
15
Pharaoh kumpi in keiman mang cu man zo ing. A tihnop nak a kua mah in sial thei ma hi. Nang cu mang leh cihthiam nak le a tihnop nak sial thei tih cu kei man za zo ing hitin, ti hi.
16
Josep in kei ma thu in thiamnak nei mang hi. Pathian in thupha a don lehnak awnkam cu Pharaoh kumpi pia ta hen hitin, ti hi.
17
Pharaoh kumpi in ka mat mi mang cu nguntui pi bulah kei mah ding ing.
18
A thuang mawi a thau zet mi khui salih cu nguntui pi sung pen tul in, nguntui pi bulah a po mi hampa ei haw hi.
19
Mahmi khui te cengten a thuang mawi ngawl a ngawm zet mi khui salih cu suak tul hi. Zoh sia zet mi khui te cu Izip ngam sung hempoh ah veikhat no hei mu awng mang hi.
20
A thuang mawi ngawl khui a ngawm zet ten a thau zet mi a masa khui salih te cu ei haw hi.
21
A eih cengten a eih lam cu a kuamah in thei ma hi. A masa bang in a melsia zet haw laih hi. Mahten kei cu khanglo ing.
22
Mah cengten mang ka mat leh mi cu cangkung ngeng in a pha mi cang ngui salih cu cangkung pakhat bek sungah um haw.
23
Mah cengten cangkung a vuai a neu hang, nisuah nak lam huih tuah a siat suah mi cang ngui salih cu po hi.
24
Cangkung a neu mi cangngui ten a pha mi cang ngui ei haw hi. Mahmi mang cu khut lam zo thiam te kei man hilh in a tihnop nak a kuamah in sial thei ma hitin, Josep cu hilh hi.
25
Josep in Pharaoh kumpi mang a mat mi cu pakhat bek hi. Pathian bawl tuk laih mi na cu Pharaoh kumpi nelah lak zo hi.
26
A pha mi khui salih cu kum salih hi. A pha mi cang ngui salih vang kum salih hi. Mang cu pakhat bek hi.
27
Mahmi khui tei nungah a heng mi khui cu a ngawm in a mel sia mi khui salih te cu kum salih hi. Nisuah nak huih tuah a siat mi cang ngui a si salih te cu ningkial pamtung tuk kum salih hi.
28
Pharaoh kumpi nelah ka hilh nuam mi thu Pathian bawl tuk mi na cu Pharaoh kumpi lak zo hi.
29
Izip ngam sung hempoh ah hauhsak nak kum salih um tuk hi.
30
Mah cengten ningkial nak pam tung mi kum salih heng in Izip ngam sungah hauksak nak bo in ningkial pamtung nak hang, ngam sung hempoh sia tuk hi.
31
Ningkial pamtung nak cu a nasezet hang a masa hauhsak nak cu ngaisung thei ma hi.
32
Pharaoh kumpi in mang a mat bet leh mi thu cu Pathian in kho tik in a man lang thukhen tuk hi.
33
Mah a hih hang, Pharaoh kumpi in cihthiam nak tuah a dim mipa cu teng in Izip ngam cu uk tik in.
34
Ngam sungah uktu koih in hauksak kum, kum salih sung ngam sung hempoh ah khen nga in khenkhat la un.
35
A mun a heng tuk mi thupha kum ten ancang hempoh te kem in Pharaoh kumpi nelah koih un. Khuapi sungah ancang khawl un.
36
Mah a hih hang, Izip ngam sungah ningkial pamtung nak kum salih a hen ten ngamsung mipi tei an eih tuk a khawl sa in a um zo hang, ningkial pamtung huncan ten ngam sung ah bo tuk ma hitin, Pharaoh kumpi cu ti hi.
37
Mah tihcun Josep son mi awnkam cu Pharaoh kumpi pen pan in a um mi hempoh in deih haw hi.
38
Pharaoh kumpi in Pathian hawvang co in hi tihbang mipa cu ai lai ah zei in mu thei tuk hum tin kei muhtei lakah hilh hi.
39
Josep nelah Pathian in hi thu hempoh nangmah a lak zo hang, nangmah bang cihthiam nak tuah a dim mipa um ma hi.
40
Nang cu kumpi inn sung uktu hi tuk ci. Na awnkam thu bang ka ngam sung hempoh kei man thukhen tik tung. Kumpi tohkham khun nak hang bek in kei cu nangmah sang in ngeng saw ing hitin, ti hi.
41
Zo leh in hi. Izip ngam hempoh cu nangmah uk tik tuk in kei man pia zo ing hitin Josep a tih ten,
42
A khutzung but cu duk in Josep khut sungah but tik hi. Puanthan ngo vang silh tik in a longah sui long awh a ok tik cengten,
43
Panih nak cipuh leng khung tik hi. A bop in um un hitin a mai pen au haw hi. Mah a hih hang, Izip ngam sung hempoh uk tik hi.
44
Pharaoh kumpi in kei cu Pharaoh kumpi a man ing hi. Mah a hih hang na thuneih nak a um ma ta cun, Izip ngam sungah a kua mah in a khut dang thei tuk ma hitin, ti hi.
45
Pharaoh kumpi in Zaphnath pa-a-ne ah tihmi min tuah Josep cu pia in, On khuapi thiampi Portipherah canu Asenath cu huai tik hi. Mah tih cun Josep in Izip ngam uktu hihnak cu a ma nelpen in suak hi.
46
Josep cu Izip kumpi Pharaoh nelpen na dehnak a ngah ten a kum sawmthum kim hi. A ma nelpen tulin Izip ngam hempoh ah hawh hi.
47
Hauhsak nak kum salih sung lei sung pen a ngah thei mi hempoh cu tampi hi.
48
Kum salih sung Izip ngam sungah a um mi hempoh ancang cu khawm in khuapi sungah khawl haw hi. Khuapi elkim lo sung pen a ngah mi ancang cu khuapi umnak mun tek ah khawl hi.
49
Cang cu tuipi mawk philnel zah tampi khawl in, sialzawh ngawl a tam hang sial ngawl in um hi.
50
Ningkial pamtung kum a hen laih ngawl Josep in On khuapi tei thiampi Portipherah canu Asenath in capa panih cawi hi.
51
A capa Upa saw cu Manasseh tin a min sa hi. Itahum titale, ka thuak mi cimnak le ka pai innsung sang hempoh kei man phawk tuk in Pathian in bawl zo hitin, ti hi.
52
A neih leh mi capa cu Ephraim tin a min sa hi. Itahum titale, Pathian in ka haksat thuak mi ngam sungah kei mah cu khangto tik zo hitin, ti hi.
53
Mah cengten Izip ngam sungah hauhsak nak kum salih cu bo hi.
54
Josep hilh mi bang ningkial pamtung kum te heng pan hi. Mah ten ngam hempoh sungah ningkial pamtung nak um naven Izip ngam sungah ancang cu um laih hi.
55
Mah cengten Izip ngamsung mi hempoh ningkial nak a hen ten an eih ngah tuk in, Pharaoh kumpi nelah hilh haw. Pharaoh kumpi in Josep nelah hawh ta un. A thukhen nak bang bawl ta un hitin, Izip ngam sung mipi te cu ti hi.
56
Leihum hempoh ah ningkial pamtung nak a hen ten, Josep in cangbem a um mi hempoh cu hong in Izip ngam mipi te cu zuak hi. Mah cengten Izip ngam sungah ningkial pamtung nak heng hi.
57
Ngam hempoh ah vang ningkial pamtung nak a nase leita hang, ngam hempoh pen mipi te cu ancang lei tuk in Izip ngam Josep nelah heng haw.
Josep Unau te Izip ngamah a hawhnak