40
1
Mahcengten, Izip kumpi nelah innsung sang na dektu bawi te le moh bawltu bawi ten Izip kumpi cu do haw.
2
Pharaoh kumpi cu bawi Upa panih in na dektu bawi le moh bawltu bawi te thinuuk tik in,
3
Josep kolbulhnak mun thawng inn cingtupai inn ah khum hi.
4
Thong cingtu bawipa’n a muhte cu Josep ap in Josep in cing hi. A muhte vang ngeipi thong inn sungah khum haw hi.
5
Mahtihcun thong inn sungah a um tu Izip kumpi innsung na dektu bawi le moh bawltu panih ten, a muhte tuah a seng mi a tihnop a cangkim mi mang cu zankhat sungin mang pakhat ve ve man haw.
6
Zinglam huncan a henten Josep in a muhtei lakah luttum in a zohten, a mun mitmai phangawl in a um mi cu a muhten,
7
Nohten tuni ita mitmai phangawl in um uh kam tin, a topai innsung ah a muhte tuah kolhbulh mi Pharaoh bawi te cu dong hi.
8
A mun kohte cu mangman zo ung hi. A tihnopnak a hilh thei tu um haw ma hitin tihten, Josep in mang a tihnopnak cu Pathian tuah a seng mi hima maw. Mah a hihhang, nohtei mang cu ka nelah hilh un hitin, ti hi.
9
Mahcengten innsung na dektu bawi in Josep a hilhmi a mang cu ka muh mi mang sungpen ka maiah cabit kung nei ing.
10
Mah a kang te cu a pak a kuhkum bang um hi. A pak vang cu pak hi. A bawk te vang cabit ngah min bang hi.
11
Pharaoh kumpi khuathai cu keiman cawi in cabit ngah lo in khuat sungah ka suuk cengten khut sungah peh hitin, ti hi.
12
Josep in na mangmat mi a tihnopnak cabit kangkak pathum cu ni thum hi.
13
Ni thum lawiten Pharaoh kumpi in na lu cu khaisang in nangmah hihnak ah a piak leh ten, nang cu a bosa hun in khuathai bawi na hihhang, na bawlsami bang in khuathai bawi cu Pharaoh kumpi khut sungah a peh in dek leh tuk ci.
14
Nang cu daihnak na co ten keimah phawk in lungdamnak bawl in. Pharaoh kumpi cu ngen in keimah cu hi innsung pen suak tik in hi.
15
A thungai in Hebru ngam pen ngu haw zo hi. Hi ngam ah vang ka sualnak um ngawl in thawng sungah khum haw hitin, ti hi.
16
Mahmi mang a tihnopnak cu pha hi tihmi moh bawltu bawi in a theih ten, kei cu a ngo mi bawm pathum keiman ka luhum ah ka puak mi cu man hi.
17
A humta bawm sungah Pharoah kumpi an eih tuk tin sam mi huansa an phun namkim a um hang, vano ten ka puak mi bawm sungpen ei haw hitin, Josep nelah son hi.
18
Josep in na mang a tihnopnak bawm pathum cu ni thum hi.
19
Ni thum lawiten, Pharaoh kumpi in na lu cu pumpi tuah khen in dangto in thingkung ah a taknak hang, vano ten na taksa cu ei haw tuk hitin, hilh leh hi.
20
Mahceng ni thum a lawiten, Pharaoh kumpi a hincam ni ten kumsial puai bawl in Keimuhte bang mi hempoh an cawmnak a neih laihtak khuathai bawi le moh bawltu bawi tei lu cu keimuh bang mite pholh tik in,
21
A mang a tihnopnak cu Josep sialnak bang, khuathai bawi pa cu na deknak a piak leh hang a na deh cu peh hi.
22
Moh bawltu bawi cu taak hi.
23
Mahnaven khuathai bawipa in Josep cu phawkngil in thei leh ngawl in um ta hi.
Pharaoh kumpi mang