38
1
Mahcengten Judah cu a Unau tei umnak pen hawh in, Hilrah tin a sam mi Adullam miphun tei lakah luttum hi.
2
Mahmi umnak munah Shu-ah tin sam mi Kanaan numei nu a muh hang, huai hi.
3
Numei nu cUnaupai in capa hing hi. A capa cu Er tin a min sa hi.
4
Mahcengten naupai leh in a hinmi capa cu Onan tin a min sa hi.
5
Mahcengten naupai leh in a hinmi capa cu Shelah tin a min sa hi. Shelah a hin cengten a pa cu Chezib khuapi ah um hi.
6
Mahcengten Judah in a capa Upa Er cu Tamar tin sam mi cu huai hi.
7
Judah ca Upa bel Er cu Pathian maiah ngilo pa a hihhang a mah cu Pathian in that hi.
8
Mahcengten Judah in Onan cu a sam cengten na U nupi nelah luttum in a mah a huai hang, a U miphun tuah um ten hitin, ti hi.
9
A capa a neih ten a capa tin ngaisung ngawlin a umnak thu Onan in a theih ten a U cu capa a piak nuam ngawl hang, a U nupi nelah a luhtum ten a beh tul mi cu vawk hi.
10
Mahmi thu cu Pathian in a deih ngawl hang, Onan cu that hi.
11
A capa nau ta saw Shelah cu a U tei thih bang thi tukin Judah in a lau hang, a Monu Tamar cu sam in ka capa Shelah a hen laihngawlin nang cu na pai inn ah meivong in um ten hitin a tihnak bang, Tamar cu hawh in a pai inn ah um hi.
12
Huncan ngeipi ten Shu-ah canu Judah nupi cu thi hi. Judah cu a nep cengten a tuumul met tutei umnak Timnah khuapi ah a ngualcam Adullah miphun Hilrah tuah hawh hi.
13
A tek nu cu tuumul met tuk in Timnah khuapi ah a hawhnak thu cu Tamar in a zakten,
14
Meivong angki duk in a maisin tuah a mai hup, a pumpi vang silh in Timnah khuapi hawhnak lamzin bul, Enaim khuapi kongka ah khung hi. Itahumtitale Shelah ngeng zo naven nang cu nupi neituk ma ci tin, a theih hang hi.
15
Judah in numei nu cu a muhten a man a mah cu a mai khuh in a um ten suzuak nu hitin ngaisung in,
16
Lamzin pial in a bulah a nek ten na nelah ka luhtum theihnak thupia in hitin a tihten, numei nu in nang cu keima nelah na luhtum nuamnak cu i laksawng pia tuk cim tin a dotten,
17
Judah in kelno pia tung hitin, ti hi.
18
Judah in i pawng nuam cim tin a dot leh ten numei nu in na seal tacik, kutbut cau, thiangkhut te zuak in pia tung hitin a tihbang mahmi thil van cu ap in numei nelah a luhtum hang a mah cUnaupai hi.
19
Mahcengten, numei nu cu tho in a mai khuh a lawl cengten meivong angki a silh kel silh leh hi.
20
Judah in numei pawng mi tan leh tukin a ngualcam Adullam miphun cu kelno pia hi. Adullam miphun in numei nu cu a muh ngawl ten,
21
Enaim khuapi bul kongka ah a khung mi numei nu cu Ailai ah hum tin, Mahlai ah a um miphun te a dotten khuasung miten hi laimun ah suzuak nu cu um ma hitin a tih haw ten,
22
Judah nelah kikleh in keiman numei nu cu zei na veng mu mang hi. Khuasung miten hi lai umnak mun ah suzuak nu um ma hitin a tihmi thu cu son hi.
23
Judah in kohten zahcak um tuk ngawl in la ta poh hen. Zo in. Kelno ka piak hang, nangman numei cu zei in na muh ngawl hang hitin, ti hi.
24
Mahceng ha thum pawl ten midang ten na Monu Tamar cu suzuak in a dik ngawl mi nu le pa sualnak a bawl hang, naupai zo hitin Judah cu a son ten Judah in a mah cu dok tuk in, mei ah hal tuk thukhen hi.
25
A suahtul ten Tamar cu seal tacik, kutbut cau, thiangkhut te a tek nui lakah kuat in hi neihnak cu a neitupai hang, keimah cUnaupai zo ing. Hi neihnak te cu a koi neihnak hum tih cu zo un hitin, thu cah hi.
26
Mahmi neihnak cu Judah in a sialsiah hang, a ma sualnak sang ka sualnak tam saw hi. Aman ka capa Shelah cu keiman pia ngawl in um kha ing hitin, ti hi. Mahcengten a mah cu nek ngawl in um hi.
27
Mahcengten Tamar cUnau neih tuk hun a kim ten a pum sungah capa panih um hi.
28
Nau a hin laihtak capa pakhat cu khutzak tul a um laihtak in, naudomtuin a mah cu a masa in hing tuk hitin a tihten a khut cu len in khausan tuah ken tik hi.
29
Mahnaven a man a khut cu dok tum leh in a U cu hing hitin naudomtuin, nangman ita nehsiahnak bawl thei kam? Nehsiah bawl mi hi thu cu nangma nelah um hen hitin a tihten, a mah cu Pharaz tin a min sa hi.
30
Mahcengten a khut sungah khausan ken mi a nau cu hing in a mah cu Zarah tin sam hi.
Josep le Portiphar nupi