28
1
Mah cengten Isak in Jakop sam in nang cu Kanaan numei te nupi in huai pah sin.
2
Na nui pa Bethuel miphun umnak Padanaram ah hawh in. Na pu Laban canu pakhat nupi in huai in hi.
3
Thawmngeng Pathian in thupha a piak hang, khangto in nang cu miphun pi cang in pungzai tik tuk hi.
4
Pathian in Abraham cu thupha a piak zo bang, nang cu a tuin mikhual na um mi ngam cu lo na co tuk mi thu nangma nelah hei hihen, na miphun te hei hihen, Abraham thupha cu pia tik hitin thupha a piak mi cah ta in hawh tik hi.
5
Mah tihbang in Jakop le Esau a nu, Rebekah naupa, Syria miphun Bethuel capa Laban umnak Padanaram ngam ah Jakop cu hawh hi.
6
Mah tihcun Isak in Jakop cu thupha a piak hang, Padanaram ngamah nupi huai tuk in a hawh tik thu hei hihen, Kanaan numei te nupi huai pah sin tin, thupha a piak ten a cah mi thu hei hihen,
7
Jakop in a nu le pai thu cu ngai in Padanaram ngam ah a hawh nak thu hei hihen,
8
Kanaan numei te cu a pa Isak in a deih ngawl hang in hihen, Esau in a thei tale,
9
Ishmael nelah hawh in a nupi sial ngawl Abraham capa Ishmael canu, Nebajoth U nu, Mahalath cu huai leh leu hi.
Bethel ah Jakop mang
10
Jakop cu Beersheba khua pen tul in Kanaan ngam ah khual a zin laih tak,
11
Umnak mun pakhat ah heng in khua a thim ten, zan cu bo hen hitin ngaihsut nak tuah mah lai munah suang cu la in lukham tuk koih in hihbu hi.
12
A muh mi mang cu leihum ah kailawn dawh in a lek lam cu vanhum tiang khong hi. Pathian vancung mite cu mah kailawn tolhsuk tuak kai to tuak in um haw.
13
Pathian cu kailawn hum ah ding in kei cu napa Abraham Pathian, Isak Pathian tih mi Pathian ing hi.
14
Na miphun cu leivul bang in tam tuk hi. Nisuah, nitum, saklam, hanglam, ningkil li ah pungzai tuk hi. Nangmah le na miphun hang miphun hempoh ten thupha mui cu co haw tuk hi.
15
Kei cu nangma lam ah um ing. Na hawhnak hempoh ah kei man cing tung. Hi ngam ah pui leh tung hi. Thukam nak bang a kim lak lawh nangmah zam san tuk mang hitin, ti hi.
16
Jakop cu a hihbuh nak pen khanglo in, a thungai in Pathian cu hi lai munah um hi. A umnak thu cu kei man thei mang hi.
17
Hi umnak mun cu izahtak in a lauhuai mi umnak mun hima maw. Hi lai mun cu a dang hima hi. Pathian umnak mun vanhum kongka pi hitin, launak tuah ti hi.
18
Zing khawma no Jakop cu tho in a lukham suang cu a laak ten sialsiah nak khuam a phut cengten, suanglek humpen sathau cu buak suk hi.
19
Mah lai umnak vang Bethel tin a min sa hi. Mahmi khuapi min a masa cu Luz tin sam hi.
20
Mah cengten Jakop in Pathian cu kei ma lamah um in a tuin ka hawhnak lamzin ah kei mah cingkem in eih tuk an, silh tuk puan a piak hang in hihen,
21
Kei cu kapai inn ah daiden no heng leh in Pathian cu ka Pathian a hihnak hei hihen, sialsiah nak bawl in ka phut mi suang cu Pathian umnak hi tuk hi.
22
A piak mi hempoh sawm ah pakhat cu a thungai in pia tung hitin, ti hi.
Padanaram ngam ah Jakop hennak