25
1
Mahcengten Abraham in Keturah huai in,
2
Mahmi numei nu cu Zimran, Jokshan, Medan, Midian, Ishabak, Shuah te hing hi.
3
Jokshan capa cu Sheba le Dedan hi. Dedan capa cu Asshurim, Letushim, Leummim hi.
4
Median capa cu Epher, Ephah, Hanoch, Abidah, Eldalah hi. A mu veng hawng cu Keturah miphun te haw hi.
5
Abraham in a neihnak hempoh Isak pia hi.
6
Zino tuah ca a hinmite cu a nun sungin laksawng te sem in capa Isak lakpen ni suahnak lam ah um tik hi.
7
Mahcengten Abraham cu a kumham zet zo hang, tekzet ni le ha huncan kim in a kum za le sawmsalih pa nga a kim ten,
8
A nunnak bo in a miphun tampi tei umnak ah heng hi.
9
Capa Isak le Ishmael cu Mamre khuapi maiah Hit miphun, Zohar capa Ephron lo ah Machpelah leikua sungah a pa cu phum haw hi.
10
Heth miphun tei lakah a man pia in Abraham lei mi lo sungah Abraham le a nupi Sarah cu phum haw.
11
Abraham a thih cengten a capa Isak cu Pathian in thupha pia hi. Isak cu Lahai-roi khuapi ah um hi.
Ishmael cate
12
Sarah sila nu Izip miphun Hagar hinmi Abraham capa Ishmael tu le canawn te cu,
13
A miphun bang in Ishmael catei min cu capa Upa bel Nebajoth, Mahcengten Kedar, Adbeel, Mibsam,
14
Mishma, Dumah, Massa,
15
Hadar, Tema, Jetur, Naphish, Kedemah,
16
A muhte cu Ishmael cate hi. A mu min te le a khuapi a umnak bang in kumpi heinih hi.
17
Ishmael cu a kum za le sawmthum kum salih a kim ten a thihhang, a miphun pi tei hulopnak mun ah heng hi.
18
A mun Assyria ngam hawhnak lamzin Havilah khuapi pen pan Izipt ngam ni suahnak Shur khuapi tian um haw. Mahtihcun Ishmael umnak cu a U le nau tei bulah um hi.
Jakop le Esau
19
Abraham capa Isak tu le canawn te Abraham capa cu Isak hi.
20
Isak cu a kum sawmli a kim ten Padanaram um nu Syria miphun Bethuel canu Syria miphun Laban U nu Rebekah cu huai hi.
21
Isak in a nupi Rebekah cu a cing hang Pathian nelah thungen in, Pathian in a thungetnak a ngaih ten a nupi cUnaupai hi.
22
A pumpi sungah a um mi nau cu pakhat le pakhat do un haw hi. A nu in Mahtihbang a hihhang, ka nelah itihbang thu heng tuk hum tin a tihten Pathian thu dong tuk in hawh hi.
23
Pathian in nemcuamnakm sungah miphun panih um hi. Nemcuamnakm sungpen a danglam mi miphun panih hing tuk ci. Miphun pakhat cu pakhat sang in thazang nei saw tuk hi. Upa saw cu a nau sila in cangtuk hitin, thupia hi.
24
Nau hin huncan a kim ten a capa a phil a hihhang,
25
A hing masa mi capa cu a mul nei mi puan bang a hihhang a pumpi cing in san hi. A mah cu Esau tin a min sa haw.
26
Mahcengten a nau pa cu a Upa hi kecawk len in hing hi. A mah cu Jakop tin sa haw. Mahmi capa panih a hin ten Isak cu a kum sawmluk kim hi.
27
Naupang te khangto in Esau cu micip a pil mi ngamlak sakap thiam muidin pa in cang hi. Jakop cu inn ah um in thinlung a pha mipa hi.
28
Isak in, Esau piak mi sa cu a eih hang a mah cu it hi. Rebekah in Jakop cu it hi.
29
Ni khat ni in, Jakop an eih tuk a huan tik laihtak in Esau cu hampa lakpen heng in a cawl zet hang,
30
Jakop cu a san mi eih tuk keimah pia in. Kei cu cawl em ing hitin, ti hi. Mahhang a min cu Edom tin sam hi.
31
Jakop in capa Upa saw hihnak cu keima nelah zuak in hitin a tihten,
32
Esau in kei cu thi awn zo ing. Capa U pa saw hihnak hang inem cuamnak um hum tin, ti hi.
33
Jakop in tuni in keima nelah thukam bawl in hitin a tihhang, Jakop nelah capa U pa saw hihnak cu zuak hi.
34
Mahcengten Jakop in moh pe hang cu Esau a piak hang, a man a eih cengten ding in hawh ta hi. Mahtihcun Esau in a mah tuah a seng mi capa U pa saw hihnak cu imah sumsialngawl in bawl hi.
Isak in Abimalek kumpi pai thuhilh a thuaknak