24
1
Abraham cu tek in a kumham zet zo hi. Pathian in ihempoh ah a mah cu thupha pia zo.
2
Abraham in a innsung sang pen U ham bel van cingkem tu sam in,
3
Nang cu ka umnak Kanaan numei hempoh sungpen ka capa tuk nupi teng ngawl in,
4
Ka ngam, ka miphun pih tei lakah hawh in ka capa Isak ca tuk nupi huai tuk citin na khut cu ka kawngnuai ah a koih cengten, van le leihum Pathian cu sal in keimah thukam tik hitin, ti hi.
5
Sila nadektupa cu numei in a zui nuam ma tale ka hawhnak ngam ah Topai capa keiman sam leh tung maw tin, dong hi.
6
Abraham in mah ngam ah ka capa sam in hawh pah sin. Ngalling in.
7
Kapai inn pen hei hihen, ka miphun umnak ngam pen hihen, keimah sam in na miphun cu hi ngam keiman pia tung hitin, keimah thukam a pia tu vanhum Pathian in vancung mi cu na maiah a hah ten, nang cu mah ngam pen ka capa ca tuk nupi huai sak tuk ci.
8
Numei nu in nangmah a zui nuam ma tale nang cu a tuin ka piak mi thukamnak pen luat hen. Ka capa cu mahmi ngam ah sam in hawh pah sin hitin a hilh cengten,
9
Sila na dektupa’n Abraham kawngnuai ah a khut cu koih in mahmi thu sungah thukam bawl hi.
10
Sila na dektupa’n a topai neihnak hempoh thuson sak tu a hihhang, a topa’i kalauk honpi sungpen, kalauk kap sawm keng in a hawh ten, Mesopotamia ngam Nahor khuapi ah heng hi.
11
Numei tampi tuicawi zanngil huncan laihtak khuapi pawlam tuikhuk bulah kalauk te a kual tik cengten,
12
Ka topa Abraham nelah hehpihnak bawl in hitin, keiman thungen ing.
13
Keimah cu tuikhuk bulah ding in mahmi khuasung numei Monu tuk cu tuicawi in a hun haw mi cu,
14
Mihing pakhat Monu cu ka in tuk na tuithawl koih in hitin a tihten, in in hi. Na kalauk te vang tui pia tuk hitin a don leh tu Monu cu topai sila in Isak ca a piak sa a sehsa mi hi ta hen. Mahtihbang in ka topai nelah hehpihnak a bawl thu cu keiman thei tung hitin, ti hi.
15
Mahtihcun a son ceng laihngawl Abraham U Nahor nupi Milcah capa Methuselah canu Rebekah cu tuithawl pua in a hungli mi cu mu hi.
16
Mahmi Monu cu a thuangmawizet mi a hihhang, pano tuah pawldunnak a nei ngawl mi khanglai him hi. Tuikhuk bulah heng in tuithawl a dim a than cengten kikleh ta hi.
17
Sila na dektupa’n mah numei nu cu tawk nuam in a tai ten, na tuithawl sung tui dawmlaino in tuk pia in hitin a nget ten,
18
Numei nu’n in poh in hitin a tih hang a khut tuah tuithawl nga in tui cu pia hi.
19
Tui a piak cengten na kalauk te vang khampek a in tuk tuicawi tung hitin a tihten,
20
A manlang in tuithawl sungah a um mi tui cu tuikhuat sungah a sun cengten, tuicawi leh tukin tuikhuk ah tai in a hawh ten kalauk ca tuicawi hi.
21
Pano in mahmi numei cu mangbang in a ma nelah a heng mi thu cu Pathian bawl mi le bawl ngawl mi cu thei nuam in daiden no in um hi.
22
Kalauk te tui a piak cengten pano in sui tikal lang nal ah a khaih mi sui, tikal sawm a um mi suicau kutbut kopkhat suah in,
23
Nang cu a koi canu nge cim keimah hilh in. Na pai innsung ah Keimuhte camnak tuk khan um ni maw tin a dotten,
24
Numei nu in kei cu Nahor canu Milcah hinmi Bethuel canu tih hei in hihen,
25
Kohtei sungah hampa ko, in eih tuk tampi le camnak tuk mun vang um hi tih hei in, ti hi.
26
Mahcengten pano in a lukun in Pathian a biak ten,
27
Lainatnak, muantaaknak cu ka topa nelpen a laksak ngawl mi ka topa Abraham Pathian cu thupha um ta hen. Lamzin ah hawh in a um mi keimah cu Pathian in ka topa’i U le nau tei inn ah lamhuai tu hitin, ti hi.
28
Monu vang tai in a nui inn ah hi thu te cu son hi.
29
Rebekah in Laban tihmi a naupa pakhat um hi. Laban in pano umnak tuikhuk ah a tai in hawh hi.
30
A man sui nal khaih hei hihen, a nau nui khut ah suicau hei hihen a muhten mahmi pano in keimah hi tihbang in son hitin a nau nu Rebekah son mi thu cu a zakten, tuikhuk umnak kalauk bulah a dingtu pano nelah a henten,
31
Pathian thupha a piak mipa ka innsung a luttum in. Pawlam ah ita ding leng cim. Inn hei hihen, kalauk umnak tuk hei hihen, keiman bawl zo ing hitin a tihten,
32
Pano cu innsung ah tum in kalauk van te a duh cengten kalauk te hampa ko eih tuk pia hi. A ke som tuk in a nungah a zuitutei ke somnak tuktui pia hi.
33
Eih tuk ankuang a luih ten a man keima thuhilhnak neih laihngawl an cu ei tuk mang tin a tihten, son in hitin, ti hi.
34
A man kei cu Abraham sila na dektupa ing hi.
35
Pathian in ka topa cu thupha tampi a piak hang, a mah cu sunloihnak ah heng zo hi. Tuuhon, khuihon, sui le ngun, sila pano, numei, kalauk le laak tampi pia hi.
36
Ka topai nupi Sarah in a topa cu a kumham tek zo hang, a man capa hinnak hang a capa neihnak hempoh cu a topa ap zo hi.
37
Ka topa’n na umnak Kanaan numei sungpen ka capa tuk nupi teng ngawl in,
38
Kapai inn, ka miphun pih tei inn ah hawh in ka capa tuk nupi lak tuk hitin keimah cu thukam la tik hi.
39
Keiman numei nu in a zui nuam ma tale itihbang bawltuk hum tin topa cu ka dotten,
40
Topa’n, pakhat in Pathian maiah keimah hawh ing. Mahmi Pathian in a vancung mi cu nangmah tuah hah in na hawhnak thu cu a bawl hang, ka miphun pih kapai innsung pen ka capa tuk nupi huai tuk ci.
41
Ka miphun pih tei lakah a henten nang cu ka piak mi thukam pen luat tuk ci. A mun numei a pia ngawl vang nang cu ka piak mi thukam pen luat tuk ci tin, ti hi.
42
Kei cu tuni tuikhuk ah heng in ka topa Abraham Pathian, ka nelah a heng mi thu cu a tuin a bawm tale,
43
Kei cu tuikhuk bulah ding in tuicawi tuk a heng mi Monu khanglai him pakhat cu ka in tuk na tuithawl sungah tui dawm laino pia in hitin ka nget ten,
44
In poh in hi. Na kalauk tei ca vang tuicawi in hitin a titu khanglai him Monu cu topai sila pai tuk a koih sa mi numei nu in cang ta hen tin ngen ing hi.
45
Mahtihcun a thinlung tuah a nget ceng laihngawl in Rebekah in tuithawl cu pua in a tul hang, tuikhuk ah tolh in tui a cawimi cu ka muhten tui in tuk in ka nget ten,
46
A man, a manlang zet a ko humpen a tuithawl nga in tui cu in in hi. Na kalauk te vang tui pia in hitin a tihbang keiman in ing. Kalauk te vang tui pia hi.
47
Keiman nang cu a koi canu kam tin dong ing. A man kei cu Milcah hinmi Nahor capa Bethuel canu ing hitin, ti hi. Keiman a maiah a nal khaih hihen, a kutbut cau hei hihen ka piak cengten,
48
Ka lukun in ka topai U nui tunu cu topai capa tuk a man mi lamzin tuah lamhuai tu ka topa Abraham Pathian cu thupha pia in bia hi.
49
A tuin nohten ka topai nelah muantaak hehpihnak bawltuk le bawltuk ngawl cu hilh in. Keimah vang taklam zin hihen, veilam zin hihen, lamzin pakhat hawh theihnak tuk hilh in.
50
Laban le Bethuel ten hi thu cu Pathian thukhen mi thu hi. Kohten nangmah cu a pha le a sia son thei ma ung.
51
Rebekah cu na maiah um hi. Huai in hi. Pathian thupiaknak bang na topai capa hi nupi tuk cangtik in hitin, hilh leh hi.
52
Mahmi awnkam a zakten Abraham sila na dektupa cu a lukun in Pathian a biak cengten,
53
Ngun khuathai, sui khuathai, van te suah in Rebekah cu pia hi. A nu le a naupai cotaak mi a man laksawng cu pia hi.
54
A mah le a ngualcam te an in eihnak a bawlsak zanhun bo, zing khawmano tho in kei cu topai lam ah pin tung hitin a tihten,
55
A naupa le a nu in numei nu cu Keimuhtei nelah ni sawm laih um hih tik in. Mahcengten a mah cu hawhtik tuk ung hitin, ti haw hi.
56
A man keimah kham pah sun. Pathian in ka hen tuk huncan bawl zo hi. Kei cu topai nelah hawhnak tuk thupia in hitin a tihten,
57
A mun numei nu cu sam in a ma deihnak dong hih tuk ung hitin a tihten,
58
Rebekah cu sam in a mah zui ni cim tin a dotten zuitung hitin, ti hi.
59
Mah a hihhang a U nu Rebekah le a mah cingtu hei hihen, Abraham sila le a mihing te cu hah tik haw hi.
60
Rebekah in nang cu Keimuhtei U nu hi ci. Mi thawng tampi tei nu in cang ta hen. Na miphun cu ngal tei kongka te uk ta hen hitin, thupha pia hi.
61
Rebekah le a khanglai leng U te cu ding in kalauk khung in pano pa cu zui hi. Mahtihcun Abraham sila in Rebekah cu henpih hi.
62
Hanglam ngam ah a um mi Isak cu Lahai-roi lamzin tuah heng thei hi.
63
Zanlam huncan ten ngaisung in ngamlak hawhtul a zohten kalauk tampi cu mu hi.
64
Rebekah vang zo in Isak a muhten kalauk hum pen a tolh cengten,
65
Keimuhte muak tuk in ngamsung ah a hung li mipa cu a kuahum tin a dotten, sila pa in a mah cu ka topa hitin awnkam thu a zaak ten Rebekah in a mai cu khuh hi.
66
Sila pan a bawl mi hempoh cu Isak nelah a hilh cengten,
67
Isak in a nu Sarah buk sungah Rebekah cu nei hi. Rebekah cu a ih zet hang, a nui thihnak thu pen nepnak heng hi.
Abraham thihnak