18
1
Pathian Mamre munlawn pen Abraham nelah a lang nak thu cu sun ni sa huncan ten Abraham cu buk kongka bulah khung hi.
2
Abraham in zo in a mai ah mikhual pathum a ding a muhten, khual muak tuk in buk kongka ah tai tul lei ah lukun in,
3
Ka Topa mai ah kei cu mitmai pha co tale Topa aw kei mah kal tan pah sin.
4
Tui dawm no keng in. Ke som cengten thingkung nuai ah zau hih un.
5
Moh dawm laih no la tung hi. Cawlpha ten hawh poh un. Mah tihbang mi hehpih nak co tuk in, Topai sila umnak ah heng zo ing hitin, ti hi. A mun, a hilh nak bang bawl in hitin, ti haw hi.
6
Abraham in buk sungah a um mi Sarah nelah manlang zet a tum cengten, sangvut a pha bel kho thum ngawi moh bawl in hitin, ti hi.
7
Mah cengten khui hon umnak ah tai in khui no nawicum pha zet cu keng tangval ap in a manlang bawl tik hi.
8
Mah cengten khui nawi le a thuk mi hei hihen, khui no sa a bawl mi hei hihen, a muhtei mai ah an kuang a bawl cengten thingkung pi nuai a muhtei bulah ding in a mun ei haw hi.
9
A eih cengten na nupi Sarah cu ilai ah um kaw tin a dot haw ten buk sungah um hitin, don leh hi.
10
A muhtei sung pen mihing pakhat in nau hin tuk hun can a kim ten nangma nelah kei cu hawh le leng tung hi. Mah cengten na nupi Sarah in ca nei tuk hitin, ti hi. Mah tin a ti tupai nungpen kongka bulah Sarah a um hang, mahmi awnkam cu za hi.
11
Mah cengten Abraham le Sarah cu a kum ham zet haw zo hi. Sarah cu numei tei sung pen dan a neih le leng haw mi hei um ma zo.
12
Mah hang Sarah in kei cu tek zo ing, ka Topa vang tek zo hi. Mah a hih hang kei cu thinnop nak um ma hitin, ti in nui kuh hi.
13
Na nupi Sarah in kei cu tek sawngten nau nei tuk ci tin ti in ita nui hum?
14
Pathian bawl theih ngawl mi pakhat no hei um maw. A tek mi nau hin tuk huncan a kim ten, na nel ah ka hen leh ten Sarah in capa nei tuk hitin, Pathian in Abraham cu thupia hi.
15
Sarah in kei cu nui mang hitin launak tuah el hi. Nui mang hitin, ti hi.
Sadom ca in Abraham hehpih a nget nak
16
Mah miphun te cu mah lai umnak pen ding, Sadom khuapi lam hek in hawh haw hi. Abraham in a muhte hen tuk in zui hi.
17
Pathian in ka bawl tuk mi thu cu Abraham hilh ngawl in im tuk maw.
18
Abraham cu huham thawmngeng nak tuah a dim mi miphun hi tuk hi. Miphun hempoh cu a ma hang thupha mui cu co haw tuk hi.
19
Itahum titale a mah cu a nungpen a cang mi a cate, a innsung sang tei lakah thukham a piak tuk mi cu kei man thei ing. A muhte vang Pathian lamzin a dik mi ah zui in, a man a dik mi tuah khuasa in nung haw tuk hi. Mah a hih hang thukam bang, Pathian in Abraham nelah a bawl tuk mi thu um tuk hitin, ngaihsut nak um hi.
20
Mah cengten Pathian in Sadom khuapi, Komorrah khuapi sungah au mi aw nging zet in a sualnak nasazet hang,
21
A tuin kei mah cu hawh in ka mai ah a heng ham mi aunak bang a mun a man in a bawl le bawl ngawl cu kei man zo tung. A bawl ma tale a bawl ngawlnak thu cu kei man thei tung hitin, thupia hi.
22
A mun mah lai umnak pen Sadom khuapi lam ah hek in hawh haw hi. Abraham cu Pathian mai ah ding in um laih hi.
23
Mah cengten Abraham cu nek in Topa aw midik te cu midik ngawl te tuah siatsuah tuk cim maw.
24
Mah khuapi sungah midik sawmnga um tale siatsuah ni cim. Midik sawmnga khuapi cu a muhtei ca pamhei ngawl in siatsuah tuk cim maw.
25
Mah tihbang bawl in midik te cu mi ngilo te tuah thah cu Topai nelpen kang ta hen. Midik te cu mi ngilo te bang a thuaknak cu Topa nelpen kang ta hen. Leilung pi thukhen tu Pathian cu thuman tuah bawl hima maw tin, ti hi.
26
Pathian in Sadom khuapi sungah midik sawmnga ka mu tale a muhtei ca hi thu hempoh cu kei man pamhei nak nei tung hitin, thupia hi.
27
Mah cengten Abraham in kei cu leivul le vut bang hi ta vang Pathian nelah a tuin ngen hih tung hitin, zuam hi.
28
Midik sawmnga sung pen panga kim ngawl in mahmi panga a kim ngawl hang, hi khuapi siatsuah nak nei ni cim tin a dot leh ten, mah khuapi sungah mihing sawmli le panga ka mu tale kei man siatsuah tuk mang hitin, thupia hi.
29
Mah cengten mah khuapi sungah mihing sawmli mu hei mu kha pang thei hitin a tih leh ten, mah mihing sawmli ka mu tale kei man siatsuah nak bawl tuk mang hitin, thupia hi.
30
Mah cengten Pathian aw, na thin uuk pah sin kei man ngen hih tung. Mah khuapi sungah sawmthum mu hei mu kha pang thei hitin a nget leh ten, mahmi khuapi sungah sawmthum ka mu tale kei man siatsuah nak bawl tuk mang hitin, thupia hi.
31
Mah cengten, kei man Pathian cu a tuin ngen hih tung hitin, zuam hi. Mahmi khuapi sungah kul cu mu hei mu kha pang thei hitin a nget leh ten, kul ca in kei man siatsuah ngawl in um tung hitin, thupia hi.
32
Pathian aw, thinuuk in um hih pah sin. A tuin veikhat no kei man ngen hih tung. Mahmi khuapi sungah sawmkhat mu hei mu kha pang thei hitin a nget leh ten, sawmkhat ca in kei man siatsuah ngawl in um tung hitin, thupia hi.
33
Pathian in Abraham tuah otpih dunnak a neih cengten hawh ta hi. Abraham cu a ma umnak ah pin kik leh hi.
Sadom le Komorrah a siatsuah nak