¹ Abram in a nupi Sarai tuah ca a neih ngawl hang Izip ngam nu Hagar tih mi a sila nu pakhat um hi. ² Sarai in keimah cu nau hinnak tuk Pathian in thu pia ma hi. Ka sila nui nelah lut tum in. A ma hangin kei cu thazang neihnak um kha pang thei hitin Abram cu a tih ten, Abram in Sarai awnkam ngai hi. ³ Mah tihcun Abram in Kanaan ngam sungah kum sawm a um cengten Abram nupi Sarai in a sila Izip ngam nu Hagar cu a pasal Abram nei tik tuk in ap hi. ⁴ Abram in Hagar nelah a luh tum ten Hagar cu naupai hi. Hagar in nau a neih thu a theih ten, a to nu cu imah sumsial ngawl in um hi. ⁵ Sarai in ka thuak mi sualnak cu Topai luhum ah um ta hen. Ka sila nu cu Topai angsung ah kei mah ap zo hi. A man a pumpi sungah nau a pai nak thu a theih ten, keimah cu imah sum sial ngawl in um hi. Pathian in kei mah le Topa thukhen in hitin, Abram cu ti hi. ⁶ Abram in na sila nu cu na khut sungah um hi. Amah cu na bawl nuam bang bawl in hitin Sarai cu a tih ten, Sarai in a sila nu cu a bawl siat hang a sila nu cu a to nui nelpen tai hi.