¹ Abram tei nupa cu Lot tuah a muhtei neihnak hempoh te la in Izip ngampen a suah tul hang, Kanaan ngam hanglam ah heng haw hi. ² Mah cengten Abram cu tuu, khui, sui le ngun ngah thei zet hi. ³ Mah cengten hanglam pen khualzin in Bethel ngam sung Bethel khuapi le Ai khuapi laklawh ah a masabel in deubuk sa hi. ⁴ Biakpiak nak taitan a dawh awng mi umnak mun ah a hen leh ten, mah lai mun ah cun Pathian min in thungen hi. ⁵ Abram nungah a zui tu Lot cu tuu, khui te le buk te a um hang, ⁶ A mu panih munkhat ah um tuk in leilung tong leh ma zo hi. Neihnak a tam leita hang munkhat ah um kawm thei ma zo hi. ⁷ Abram khui khal tu, Lot khui khal tute cu haudun haw hi. Mah cengten Kanaan miphun, Periz miphun te cu mah ngam sungah um haw hi. ⁸ Abram in ohten U le nau hi napi in kei mah le nangma nelah hei hihen, kei ma khui khal te le na khui khal tei lakah hei in hihen, haudun nak um tik pah sin. ⁹ Ngam sung hempoh cu na mai ah a um mi hima maw. Kei mah tuah a kang in um in. Nang cu veilam khut ah na hawh tale kei cu taklam ah hawh tung. Nangmah taklam ah na hawh tale kei cu veilam ah hawh tung hitin, ti hi. ¹⁰ Mahmi huncan sung in Sadom le Komorrah khuapi cu Pathian in a siatsuah laih ngawl in, Zoar khuapi hawh nak lamzin Jodan ngun tuipi elkim tui a tam hang Pathian Eden huan bang in hihen, Izip ngam bang in hihen, a um mi cu Lot in a muh hang, ¹¹ Jodan nguntui a lawnnak mun hempoh tengin a mai ah thawn pakhat le pakhat khen in um haw hi. ¹² Abram cu Kanaan ngam ah um hi. Lot cu nguntui pi elikm ah um in Sadom khua bul ah buk sa hi. ¹³ Sadom khua mite cu ngilo misia suak Pathian mai ah sualnak tampi a nei mite haw hi.