12
1
Pathian in Abram cu sam in na ngam le na miphun tei sungpen suaktul in, ka lak mi ngam ah hawh in.
2
Keiman nangmah cu miphun pi in cangtik tung. Muicu thupha ka piak hang, na min cu thang tik tung. Nang cu muicu thupha cotuin cangtuk ci.
3
Nangmah muicu thupha a pia tupa cu keiman thupha pia tung. Nangmah tamsaitnak a neitu cu keiman tamsiat tung. Nangma hang miphun hempoh in muicu thupha co haw tuk hitin, thupia hi.
4
Mahtihcun Pathian thupiaknak bang Abram cu hawhtul in Lot in zui hi. Abram cu Haran khuapi pen a suahtul ten a kum sawmsalih le kum nga (75) kim hi.
5
Abram in a nupi Sarah, a U capa Lot le hauhsaknak a co ngah thei mi hempoh hei hihen, Haran ngam pen a ngah mi mihing te hei hihen keng in Kanaan ngam ah heng tuk hawhtul in, Mahlai ngam ahcun heng haw.
6
Abram in Mahlai ngam cu vakkawkawi Shekhem umnak mun, Moreh thingkung pi bulah in heng hi. Mahcengten Kanaan numei te cu Mahlaimun ngam ahcun um haw hi.
7
Pathian in Abram nelah lang in hi ngam cu na miphun te keiman pia ing hitin, thupia hi. Mahtihcun a lang mi Pathian ca Mahlai umnak mun ah biakpiaknak tuk taitan bawl hi.
8
Mahlaimun pen ni tumnak lam ah a um mi Bethel, ni suah lam ah a um mi Ai khuapi laklawh ah deubuk sa in Pathian ca biakpiaknak taitan a bawl cengten, Pathian min suang in thungen hi.
9
Abram cu khualzin a thawn ten mualhum hanglam ah heng hi.
Ezip ngam ah Abram a hawhnak hang a phangawl mi
10
Mahcengten Kanaan ngamsung ah pamtung hi. Pamtungnak a um hang Abram cu Izip ngam ah khualzin tuk hawh hi.
11
Izip ngam a hen tuk kuan ten a nupi Sarah nang cu a mawizet mi numei na hihnak keiman thei ing.
12
Izip miphun ten nangmah a muhten hi numei nu cu a koi nupi kaw tin ti in, a ma nupi hitin ti tale keimah cu that in nangmah cu luat tik tuk hi.
13
Mah a hihhang, nang cu keima nau nu tin hilh in. Mahtin na hilh tale nangma ca pha saw tuk hi. Nangmah a hehpihnak hang keimah luatnak cotung hitin, ti hi.
14
Abram cu Izip ngam ah a henten a mawizet mi a nupi cu Izip miphun ten mu haw hi.
15
Pharoah kumpi bawi ten a muh haw ten, a maipen pahcawi in a maipen a pah cengten kumpi inn sungah khum tum haw hi.
16
Pharoah kumpi in numei nui hang Abram cu hehpihnak bawl in a mah cu tuu, khui, laakcang, laaknu, sila pano le numei, kalauk tampi tuah hausa zet hi.
17
Pathian in Abram a nupi Sarah hang Pharoh kumpi pen pan kumpi innsung ah a um mi hempoh nasezet dantat in thuhilh hi.
18
Pharoah kumpi in Abram cu sam in nangman ka nelah ai bawl nei cim tin, ti hi. A man a nupi a hihnak thu cu ka nelah ita hilh ma cim?
19
Keiman a mah cu long tuk in a mah cu ka nau nu hitin ita son kam? Na nupi cu a tuin la leh ten hitin, thupia hi.
20
Mahtihcun Abram cu thukhen sak in a miphun te thu a cah hang, a mun Abram neihmi hauhsaknak hempoh tuah a nupa in hah haw hi.
Abram le Lot tei khennak